30-May-2021

ବରଗଡ଼ (ମୁକୁନ୍ଦ ଦାସ) : ଖରା ହେଉ କି ବର୍ଷା, ରାତି ହେଉ କି ଦିନ, ଲକ ଡାଉନ ହେଉ କି ସଟଡାଉନ, ଅସହାୟଙ୍କ ସେବାରେ ସବୁବେଳେ ସବୁ ସମୟରେ ଉତ୍ସାର୍ଗୀକୃତ ନିଷ୍ଠା ପରିବାର l ଗତ ୦୬ ତାରିଖ ବରଗଡ ରେଲ ଷ୍ଟେସନ ମେନେଜର  ନିଷ୍ଠା ପରିବାରକୁ ଫୋନ ମାଧ୍ୟମରେ ଜଣାଇଲେ

ଯେ ଅନେକ ଦିନ ଧରି ଜଣେ ବୃଦ୍ଧା ଅସହାୟ ଅବସ୍ଥାରେ ନଖାଇ ନ ପିଇ ପଡିରହିଛନ୍ତି । ନିଷ୍ଠା ପରିବାର ତରଫରୁ ତାଙ୍କୁ ଉଦ୍ଧାର କରି ବରଗଡ ମୁଖ୍ଯ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ବୃଦ୍ଧା ଜଣେ କୁଷ୍ଠ ରୋଗୀ ଓ ତାଙ୍କ  ଅବସ୍ଥା ଅତ୍ୟନ୍ତ ସଂକଟାପନ୍ନ ଥିଲା। ନିଷ୍ଠା ତରଫରୁ ତାଙ୍କୁ  ସମସ୍ତ ପ୍ରକାରର ସେବା ଯୋଗାଇ ଦିଆଯାଉଥିଲା। ଦୀର୍ଘ ୧୯ଦିନର ସେବା ପରେ ଗତ ୨୫  ତାରିଖ ଦିନ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଗଲା। ତାଙ୍କ ମର ଶରୀରକୁ ଶବ ସଂରକ୍ଷଣ ଗୃହ, ବରଗଡ଼ ଠାରେ 

 ୭୨ଘଣ୍ଟା ପର୍ଯ୍ୟନ୍ତ ରଖାଯାଇଥିଲା।ତାଙ୍କର କୌଣସି ପରିଚୟ ନ ମିଳିବାରୁ ପୋଲିସ ପ୍ରଶାସନର ଅନୁମତି କ୍ରମେ ଆଜି ନିଷ୍ଠା ପରିବାର ତରଫରୁ ସସମ୍ମାନେ ଶବ ସତ୍କାର କରାଗଲା। ଏହି ଶବଦାହରେ ନିଷ୍ଠାର ଉପଦେଷ୍ଟା ବିଦ୍ୟାଧର ଭୋଇ, ସଂପାଦକ ଅଶ୍ବିନୀ ତ୍ରିପାଠୀ,ସଂଯୋଜକ ମାନସ ମେହେର ଏବଂ ଆତିଶ ଦାସ ପ୍ରମୁଖ ଉପସ୍ଥିତ ଥିଲେ   ।