28-May-2021

କଣ୍ଟାବାଞ୍ଜି-(ଆନନ୍ଦ ମୋଟେ) :  ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ସହରରେ ଦିନକୁ ଦିନ କରୋନା ସଂକ୍ରମଣ ସଂଖ୍ୟା ବଢୁଥିବା ଦେଖାଯାଉଛି । ଅନେକ ସଂକ୍ରମିତ ରୋଗୀ ଘରେ ସଂଘରୋଧ ଥିବା ବେଳେ ତାଙ୍କୁ ଅକ୍ସିଜେନ ଅଭାବ ହେଉଥିବା ଦେଖାଯାଉଛି । ତେବେ କଣ୍ଟାବାଞ୍ଜି ସହରର ବିଭିନ୍ନ ସଂଗଠନ ଏଭଲି ରୋଗୀଙ୍କୁ ଅକ୍ସିଜେନ ଯୋଗାଇଦେଉଛି । କେବଳ ଯେ ଅକ୍ସିଜେନ ସେବା କଣ୍ଟାବାଞ୍ଜି ସହରରେ ସିମିତ ରହୁଛି ତାହା ନୁହେଁ କଣ୍ଟାବାଞ୍ଜି ଅଂଚଳର ଆଖପାଖ ବେଲଫଡା, ଲାଠୋର, ମୁରିବାହାଲ, ବଙ୍ଗୋମୁଣ୍ଡା ସହ ଅନ୍ୟ ଅଂଚଳର ଲୋକ ଏଠୁ ଅକ୍ସିଜେନ ନେଇ ତାଙ୍କ ରୋଗୀ ମାନଙ୍କ ପାଇଁ ବ୍ୟବହାର କରୁଛନ୍ତି । ତେବେ ଯେଉଁ ସଂଗଠନ ମାନେ ଅକ୍ସିଜେନ ସେବା ଯୋଗାଇ ଦେଉଛନ୍ତି ତାଙ୍କ ଠାରୁ ଜିଲ୍ଲା ପ୍ରଶାସନ ଅକ୍ସିଜେନ ସିଲିଣ୍ଡର ଦେବାକୁ ଅନୁରୋଧ କରିଛନ୍ତି । ଏହି ଅକ୍ସିଜେନ ଜିଲ୍ଲାର କୋଭିଡ କେୟାର ସେଣ୍ଟରରେ ରୋଗୀଙ୍କ କାମରେ ଆସିବ ବୋଲି ଜଣାଯାଇଛି । କଣ୍ଟାବାଞ୍ଜି ପ୍ରେସ  କ୍ଲବ ୧୧ଟି ଅକ୍ସିଜେନ ସିଲିଣ୍ଡର ଲୋକଙ୍କ ସେବାରେ ଦେଉଥିବା ବେଳେ ସେମାନେ ସେହି ଭିତରୁ ୨ ଟି ଜିଲ୍ଲାପ୍ରଶାସନଙ୍କକ ଅନୁରୋଧ କ୍ରମେ ସ୍ଥାନିତ ତହସିଲଦାର ଅଶୋକ କୁମାର ମାଝିଙ୍କୁ ପ୍ରଦାନ କରିଛନ୍ତି । ସେହିପରି ମାରୱାଡି ୟୁବା ମଂଚ ବିକାଶ ଶାଖା ୨, ବ୍ରାହ୍ମଣ ସମାଜ ୩, ମାରୱାଡି ୟୁବା ମଂଚ ୫ଟି ଅକ୍ସିଜେନ ସିଲିଣ୍ଡର ଜିଲ୍ଲା ପ୍ରଶାସନଙ୍କୁ ପ୍ରଦାନ କରିଛନ୍ତି ।