27-May-2021

ବଲାଙ୍ଗିର,(ପ୍ରେରଣା ଖବର) କରୋନା ମହାମାରୀ ସମୟରେ ଅସହାୟ ଓ ଭୋକିଲା ମଣିଷ  ମାନେ ଖାଦ୍ୟ ଗଣ୍ଡେ ନପାଇ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ସରକାରଙ୍କ ତରଫରୁ ଦିଆଯାଉଥିବା ମାସିକ ୫ କେଜି ଚାଉଳ ଏମାନଙ୍କ ପାଇଁ ପର୍ଯ୍ୟାପ୍ତ ନଥିବା ବେଳେ ଲକ୍‌ଡାଉନ ଯୋଗୁଁ ଏମାନଙ୍କ ରୋଯଗାର ମଧ୍ୟ ଠପ୍ ହୋଇଯାଇଛି । ଏପରି ବିଷମ ପରିସ୍ଥିତିରେ ବଲାଙ୍ଗୀରର ନାରୀ ଶକ୍ତି ଫଉଣ୍ଡେସନ୍ ନିଜର ସାମାଜିକ ଦାୟିତ୍ୱକୁ ପାଳନ କରି ସହରରେ ଥିବା ପ୍ରକୃତ ଭୋକିଲା ମାନଙ୍କୁ ଚିହ୍ନଟ କରି ରନ୍ଧା ଖାଦ୍ୟ ବଣ୍ଟନ କରିଛି । ନାରୀ ଶକ୍ତି ଫାଉଣ୍ଡେସନ୍‌ର ସରିତା ଦାସ, ସନ୍ତୋଷିନୀ ବେହେରା, ମମତା ଜେନା,  ସଭ୍ୟା ନୂତନ ଦାସ, ନୂତନ ସିନ୍ଦିରିଆ ଓ ପ୍ରିୟଙ୍କା ତ୍ରିପାଠୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ  ଭୋକିଲା ମାନଙ୍କ ଖାଦ୍ୟ ବଣ୍ଟନ ପରି ମହତ କାମ ପରିଚାଳିତ ହୋଇଥିଲା । 
   ସୂଚନାଯୋଗ୍ୟ ଯେ, ସ୍ୱେଚ୍ଛାସେବୀ ଅନୁଷ୍ଠାନ ନାରୀ ଶକ୍ତି ଫାଉଣ୍ଡେରସନ  କରୋନା ମହାମାରୀ ସମୟରେ ବଲାଙ୍ଗୀର ସହରରେ ବିଭିନ୍ନ ସମାଜିକ କାର୍ଯ୍ୟକ୍ରମ ବିଶେଷ କରି ଅବହେଳିତମହିଳା ମାନଙ୍କ ଉତ୍‌ଥାନ କ୍ଷେତ୍ରରେ ଏକ ଅଗ୍ରଣୀ ଭୂମିକା ଗ୍ରହଣ କରିଛି । ଆଗକୁ ନାରୀ ଶକ୍ତି ଫଉଣ୍ଡେସନ ପକ୍ଷରୁ ରକ୍ତାଦାନ କାର୍ଯ୍ୟକ୍ରମ ହାତକୁ ନିଆଯିବାର ଯୋଜନା ରହିଛି ବୋଲି ଅନୁଷ୍ଠାନ ପକ୍ଷରୁ ସୂଚନା ଦିଆଯାଇଛି ।