27-May-2021

  ସୁବର୍ଣ୍ଣପୁର -(ରିପୋର୍ଟ :ମନୋରଞ୍ଜନ ତ୍ରିପାଠୀ ): ଦୀର୍ଘ ବର୍ଷ ଆଗରୁ ସୁବର୍ଣ୍ଣପୁର ଜ଼ିଲ୍ଲା ମୁଖ୍ୟ ଡାକ୍ତରଖାନାରେ  ଅସାମାଜିକ ଓ ନିଶାଖୋର ବ୍ୟକ୍ତି  ମାନଙ୍କର ଏଭଳି ଭାବେ ପ୍ରାଦୁର୍ଭାବ  ଦେଖା ଯାଇଥିଲା ଯେ, ରୋଗୀ ଓ ତାଙ୍କ ଏଟେନଡେଣ୍ଟ ସମେତ ନର୍ସ, ଡାକ୍ତର ଓ କର୍ମଚାରୀ ଏପରିକି କିଛି  ଏଜେନ୍ସି  ଦ୍ୱାରା  ନିଯୁକ୍ତ ଘରୋଇ ସୁରକ୍ଷା କର୍ମୀ ମାନେ ମଧ୍ୟ ଚୋରି, ଦଲାଳି, ଦାଦାବଟି, ଧମକ ଚମକ, ଦୁର୍ବ୍ୟବହାର ଯୋଗୁଁ ନିଜକୁ  ଅସୁରକ୍ଷିତ ମଣୁଥିଲେ l ଏସବୁ ଜାଣି ବି ଅଜଣା ଭଳିଆ ରହୁଥିଲା ସ୍ୱାସ୍ଥ୍ୟ ବିଭାଗ ଓ ଜ଼ିଲ୍ଲା ପ୍ରଶାସନ l ପରିସ୍ଥିତି ଅସମ୍ଭାଳ ହେବା ପରେ ସହରର କିଛି ବୁଦ୍ଧିଜୀବୀ, ସଚେତନ ନାଗରିକଙ୍କ ଅଭିଯୋଗ ପରେ ରୋଗୀ, କର୍ମଚାରୀ ଓ ଜନସାଧାରଣଙ୍କ ସୁରକ୍ଷାl ପାଇଁ  ପ୍ରାକ୍ତନ ଏସ ପି  ଦେବୀ ପ୍ରସାଦ ଦାସ 2019 ରେ ମେଡିକାଲ କ୍ୟାମ୍ପସରେ ଏକ ବିଟ ହାଉସ ଅସ୍ଥାୟୀ ପୋଲିସ ଫାଣ୍ଡିକୁ ଶୁଭାରମ୍ଭ କରିଥିଲେ l    ଏଠାରେ ଅନେକ ସମସ୍ୟାର ସୁଧାର ମଧ୍ୟ ଆସିଥିଲା l ରାଜ୍ୟ ସରକାରଙ୍କ 5- ଟି  ଶାସନ ଲାଗୁ ପରେ ରାଜ୍ୟର ପ୍ରତ୍ୟେକ ମେଡିକାଲରେ ପୋଲିସ ବିଟ ହାଉସ ସେବା  ରହିଛି l ଗତ ମାସରେ ସୋନପୁର ନୁଆଁ ଏସ ପି ସାହେବ  କେଜାଣି କାହିଁକି  ହଠାତ ଏହି ଫାଣ୍ଡି କୁ ଉଠାଇ ଦେଇ ଥିବା ଘଟଣା ସହରବାସୀ ଙ୍କ  ଯେଉଁ ତୀବ୍ର ଅସନ୍ତୋଷ ପ୍ରକାଶ ପାଇଛି l ଯେଉଁ ଫାଣ୍ଡି ଓ  ପୋଲିସ କର୍ମଚାରୀ ମାନଙ୍କ ଉତ୍ସର୍ଗୀକୃତ ସେବା ପାଇଁ ଜ଼ିଲ୍ଲା ପୋଲିସର  ଭାବମୂର୍ତ୍ତୀ ବଢ଼ିଥିଲl, କିଛି ଘଟଣା ଦୁର୍ଘଟଣା ଖବର ସବୁ  ଜ଼ିଲ୍ଲା  ପୋଲିସ , ପ୍ରେସ, ଓ ପବ୍ଲିକ କୁ  ତୁରନ୍ତ ସୂଚନା ମିଳୁଥିଲା,  ମେଡିକାଲ ରୁ ବାଇକ ଓ ମୋବାଇଲ  ଚୋରି ଉଦ୍ୟମ ବେଳେ ଅନେକ ଚୋରଙ୍କୁ ଚି଼ହ୍ନଟ ଓ ଧରାଯାଇଥିଲା,  ଡାକ୍ତର ଓ ଅନ୍ୟ କର୍ମଚାରୀ ନିର୍ଭିକ ଭାବେ ରାତି ଦିନ  କାର୍ଯ୍ୟ କରୁଥିଲେ, ଦୂରଦୂରlନ୍ତର  ରୋଗୀ ଓ ବରିଷ୍ଠ ନାଗରିକ ଚିକିତ୍ସା ପାଇଁ  ସମସ୍ତ ସୂଚନା ପାଇ ଅନେକ ଭରସା ପାଇ  ପାରୁଥିଲେ,  ରକ୍ତ ଦଲାଲ,  ଟ୍ୟାକ୍ସି ଗାଡି, ଓ ବିଭିନ୍ନ ଦଲାଳି ଙ୍କ  ଅସାମାଜିକ କାର୍ଯ୍ୟ ଓ ଚାପ କୁ ନିୟନ୍ତ୍ରଣ କରାଯାଇ ପାରୁଥିଲା, ଅସହାୟ,  ଦୁର୍ଘଟଣାଗ୍ରସ୍ତ,  ଗୁରୁତର ରୋଗୀ ଓ  ରକ୍ତ ଅଭାବ ଥିବା ରୋଗୀ ଙ୍କୁ ରକ୍ତଦାନ ଭଳି ସୁ ବ୍ୟବସ୍ଥା  ଯୋଗାଇ ରୋଗୀଙ୍କ ଜୀବନ ବଞ୍ଚାଇ  ଆସୁଥିଲା   ଜ଼ିଲ୍ଲାପାଳ, ଓ ପ୍ରାକ୍ତନ ଏସପି ମେଡିକାଲକୁ ଅନେକ ଥର ଅଚାନକ ପରିଦର୍ଶନ  ବେଳେ  କାର୍ଯ୍ୟରତ ପୋଲିସଙ୍କୁ    ପ୍ରଶଂସା କରିଥିବା ଘଟଣା ସମସ୍ତେ ଜାଣନ୍ତି l  ଏପରି କି ଗତ ବର୍ଷ 5T ସଚିବ ଶ୍ରୀ ପାଣ୍ଡିଆନ  ଓ  ମୁଖ୍ୟ ଶାସନ ସଚିବଙ୍କ ମେଡିକାଲ ପରିଦର୍ଶନ ବେଳେ ଫାଣ୍ଡି  ର ଉତ୍ତମ ସେବାକୁ  ମୁକ୍ତକଣ୍ଠରେ ପ୍ରଶଂସା କରି ଥିଲେ l 

ତେବେ ଏହି ଜରୁରୀ କାଳୀନ ସେବା ପାଇଁ  ଉତ୍ସର୍ଗୀକୃତ ଥିବା  ପୋଲିସ ଅସ୍ଥାୟୀ କ୍ୟାମ୍ପ କୁ ଉଠାଇଦେଵାକୁ ସୋନପୁରର ନୂତନ ଏସ ପି  ମହୋଦୟ କେମିତି ମନସ୍ତ କଲେ ତାହା ସହର ବୁଦ୍ଧିଜୀବୀ ମହଲରେ ଏକ ବିରାଟ ପ୍ରଶ୍ନବାଚୀ ସୃଷ୍ଟି କରିଛି l ଏ ନେଇ ଜ଼ିଲ୍ଲାର ବରିଷ୍ଠ ଆଇନଜ୍ଞ ତଥା ବିଜେପି ନେତା ବଳଦେବ ବେଦବlକ ଗଣମାଧ୍ୟମକୁ ସୂଚନା ଦେଇ ଏହି ପୋଲିସ ବିଟ ହାଉସ କୁ ପୁନଃସ୍ଥାପନ କରିବା ପାଇଁ ଦାବୀ କରିଛନ୍ତି ।  କୋଭିଡ ଟୀକାକରଣରେ ଲୋକଙ୍କ  ପ୍ରବଳ ଭିଡ଼, ବିଶୃଙ୍ଖଳା  ଓ ଗୋଷ୍ଟି ସଂକ୍ରମଣ ଭଳି ଅପ୍ରୀତିକର ସ୍ଥିତିକୁ  ଏହି  ପୋଲିସ ଫାଣ୍ଡି  ଦ୍ୱାରା ନିଶ୍ଚିତ ଭାବେ ନିୟନ୍ତ୍ରଣ କରାଯାଇପାରିଥାନ୍ତା ବୋଲି ନିଜ ପ୍ରତିକ୍ରିୟାରେ ଶ୍ରୀ ବେଦବାକ୍ ପ୍ରକାଶ କରିବା ସହିତ ଆଗାମୀ ଦିନରେ ସୁବର୍ଣପୁରରେ ପୋଲିସ ଫାଣ୍ଡି ପ୍ରତିଷ୍ଠା ନହେଲେ ଆନ୍ଦୋଳନକୁ ଜୋରଦାର୍ କରାଯିବ ବୋଲି ଚେତାବନୀ ଦେଇଛନ୍ତି l