22-Oct-2020

ବଲାଙ୍ଗୀର, ବଲାଙ୍ଗୀର ଜିଲ୍ଲା ଟିଟିଲାଗଡ଼ ବ୍ଲକ ଅନ୍ତର୍ଗତ କୂରସୁଡ଼ ଗ୍ରାମ ପଞ୍ଚାୟତ ରେ ଦେଖାଦେଇଛି ୨୦୧୯ର ପ୍ରଧାନମନ୍ତ୍ରୀ ଫସଲ ବୀମା ରେ ଅନିୟମିତତା। ଯାହାକୁ ନେଇ ପୁଣି କୁରସୁଡ଼ ଗ୍ରାମପଞ୍ଚାୟତ ର ବାସୀନ୍ଧା ବାଲାଙ୍ଗୀର ଜିଲ୍ଲାପାଳଙ୍କୁ ଲିଖିତ ଦାବିପତ୍ର ପ୍ରଦାନ କରିଛନ୍ତି। ତେବେ ସୂଚନା ଅନୁସାରେ ବିଗତ ବର୍ଷରେ ଏହି ଗ୍ରାମର ଚାଷୀକୁଳ ଫସଲ ବୀମା କରିଥିଲେ ସୁଧା ଏପ୍ରଯନ୍ତ ପ୍ରଧାନମନ୍ତ୍ରୀ ଫସଲବୀମା ପାଇ ନ ଥିବା ଯୋଗୁଁ ଗତ ମାସ ୫ ତାରିଖ ରେ ପ୍ରଶାସନ ର ଦୃଷ୍ଟି ଆକର୍ଷଣ କରିବା ସହ ନିବେଦନ କରିଥିଲେ।  ଯେଉଁଥିରେ କିଛି ଚାଷୀ ଫସଲବୀମା ପାଇଁ ସାରିଥିବା ବେଳେ ୧୦୦ ରୁ ଉର୍ଦ୍ଧ ଚାଷୀ ଏବେ ବି ବଞ୍ଚିତ ଅଛନ୍ତି ପ୍ରଧାନମନ୍ତ୍ରୀ ଫସଲବୀମା ରେ। ତେବେ  ବଲାଙ୍ଗୀର ଜନମୋର୍ଚା ସଂଘଠନର ସଭାପତି ବାସୁଦେବ ରଥ ଙ୍କ ନେତୃତ୍ୱରେ ଏମାନେ  ଜିଲ୍ଲାପାଳଙ୍କୁ ଦାବିପତ୍ର ଦେବା ପାଇଁ ଆସିଥିବାବେଳେ କୌଣସି କାରଣରୁ ଜିଲ୍ଲାପାଳଙ୍କୁ ସାକ୍ଷାତ କରିପାରିନଥିଲେ ଯାହା ଅତିରିକ୍ତ ଜିଲ୍ଲାପାଳ ଶ୍ରୀ ଲାଙ୍ଗୁରି ଙ୍କୁ ଦାବିପତ୍ର ଦେବା ସହ ଏହା ଉପରେ ଯଥାଶୀଘ୍ର କାରୁକାର୍ଯ୍ୟ କରିବା ପାଇଁ ନିବେଦନ କରିଥିଲେ। ଏବଂ ଜନ ମୋର୍ଚ୍ଚା ସଂଘଠନ ର ସଭାପତି ବାସୁଦେବ ରଥ ମଧ୍ୟ ଅତିରିକ୍ତ ଜିଲ୍ଲା ପାଳଙ୍କୁ ନିବେଦନ କରିବା ସହ ଯଥାଶୀଘ୍ର ଫସଲ ବୀମା ରେ ହୋଇଥିବା ଅନିୟମିତତା କୁ ଦୂର କରି ଏମାନଙ୍କୁ ଫସଲବୀମା ଯୋଗାଇଦେବା ପାଇଁ ନିବେଦନ କରିଛନ୍ତି। ଅନ୍ୟପଟେ ଏହି ଚାଷୀ ଏବେ କରୋନା କଟକଣା ଯୋଗୁଁ ଦୟନୀୟ ଅବସ୍ଥାରେ ବିଗତ ମାସ ଗୁଡିକରୁ କାଳାତିପାତ କରିଆସୁଛନ୍ତି ଯାହା ଏହି ଘଡ଼ିସନ୍ଧି ମୁହୂର୍ତ୍ତରେ ଏମାନେ ଜୀବନ ଜୀବିକା ମଧ୍ୟ ହରାଇ ବେରୋଜଗାର ହୋଇ ବେସାହାରା ସାଜିଛନ୍ତି।ଯାହା ଫଳରେ ଏମାନଙ୍କ ପାଇଁ ପରିବାରର ଭରଣ ପୋଷଣ କରିବା କଷ୍ଟସାଧ୍ୟ ହୋଇପଡିଛି।ତେବେ ଏହି ଘଡ଼ିସନ୍ଦି ମୁହୂର୍ତ୍ତରେ ଏହି ପ୍ରଧାନମନ୍ତ୍ରୀ ଫସଲବୀମା ଯୋଗାଇଦେଲେ ଏମାନେ କିଛିଟା ଆସ୍ୱସ୍ତି ହେବେ ଓ ନିଜ ନିଜ ପରିବାରର ଭରଣ ପୋଷଣ କରିବା ସହ ଜୀବନ ଜୀବିକା ସହ ଚାଷ କାମ ମଧ୍ୟ ସୁଚାରୁରୂପେ ଚଳାଇପାରବେ ବୋଲି ମତ ରଖିଛନ୍ତି। ନ ହେଲେ ଏମାନେ ରାଜରାସ୍ତାକୁ ଓଲ୍ଲାଇବେ ଓ ଆନ୍ଦୋଳନ କରିବେ ବୋଲି ସିଧାସଳଖ ଚେତାବନୀ ଦେଇଛନ୍ତି।