17-May-2021

ବଲାଙ୍ଗିର (ପ୍ରେରଣା ଖବର) ବର୍ତ୍ତମାନ  କୋଭିଡ଼ -19 ପାଇଁ ସ୍ଥାନେ ସ୍ଥାନେ ଅନେକ ପ୍ରକାରର ସମସ୍ୟା ଦେଖାଦେଇଛି। ଅନେକ ଡାକ୍ତରଖାନାରେ  ରୋଗୀ ମାନଙ୍କ ପାଇଁ ରକ୍ତ ର ଅଭାବ ଦେଖା ଯାଉଛି। ସେଥିପାଇଁ ରକ୍ତ ଦାନର ଆବଶ୍ୟକତା ଆହୁରି ଅଧିକ ମାତ୍ରାରେ ବଢିଯାଇଛି। ହେଲେ ଏହି ଭୟାନକ ପରିସ୍ଥିତିରେ ରକ୍ତଦାନ ପାଇଁ ଆଗକୁ ଆସିବାକୁ କେହି ମଧ୍ୟ ରାଜି ହେଉନାହାନ୍ତି। ଏପରି ଘଡ଼ିସନ୍ଧି ମୁହୂର୍ତ୍ତରେ ବଲାଙ୍ଗିରର ନାରୀ ଶକ୍ତି ଫାଉଣ୍ଡେସନ ରକ୍ତଦାନ ଉପରେ ଲୋକଙ୍କୁ ସଚେତନ କରିଛି l ରକ୍ତ ଦାନ ଜୀବନ ଦାନ ଉକ୍ତି କୁ ସାର୍ଥକ କରି ନାରୀ ଶକ୍ତି ଫାଉଣ୍ଦେସନ୍ ବଲାଙ୍ଗୀରର ଏକ ନୂତନ ଜାଗରଣ ସୃଷ୍ଟି କରିଛି l ଏଥିରେ ସଂଗଠନ ର ମହିଳା ସଭ୍ୟl ମାନଙ୍କ ଉଦ୍ୟମ ପ୍ରଶଂସନୀୟ ଅଟେ l

   ବର୍ତ୍ତମାନ  ଏ + ରକ୍ତ ର ଅଭାବ ଅନେକ ମାତ୍ରାରେ ଦେଖା ଯାଉଛି। କିନ୍ତୁ ଏହି ପରିସ୍ଥିତିରେ  ସୁନି ନାଏକ  ଏବଂ ଜ୍ୟୋତ୍ସ୍ନାମୟୀ ବାଗଙ୍କ ପରି ଦୁଇ ଜଣ ଭଉଣୀ  ଏ +  ରକ୍ତ ଦେଇଛନ୍ତି।
   ସେମାନେ ଏଭଳି ପରିସ୍ଥିତିରେ ନିର୍ଭୀକ ଭାବରେ ରକ୍ତ ଦାନ ପାଇଁ ଆଗକୁ ଆସିଛନ୍ତି ଏବଂ ପ୍ରଥମ ଥର ପାଇଁ ଦୁଇ ଜଣ ଭଉଣୀ ରକ୍ତ ଦାନ କରିଛନ୍ତି। ସେଥିପାଇଁ ପାଇଁ  ନାରୀ ଶକ୍ତି ,ଫାଉଣ୍ଦେସନ  ତରଫରୁ ଦୁଇ ଜଣ ଭଉଣୀଙ୍କୁ ଅଶେଷ ଧନ୍ୟବାଦ ଜ୍ଞାପନ କରାଯାଇଛି l