28-Apr-2021

ବରଗଡ଼ (ମୁକୁନ୍ଦ ଦାସ): ନିଷ୍ଠା ପରିବାର ତରଫରୁ ଗତକାଲି ସ୍ଥାନୀୟ ମାଲିପାଲି,ଫୁଟବଲ ପଡିଆ ଠାରେ ଏକ ସ୍ଵେଚ୍ଛାକୃତ ରକ୍ତ ଦାନ ଶିବିର ଅନୁଷ୍ଠିତ ହୋଇଯାଇଛି l
କରୋନା ମହାମାରୀର ଦ୍ବିତୀୟ ଲହରରେ  ରକ୍ତର ଅଭାବକୁ କିଛିକାଂଶରେ ଦୂର କରିବା ପାଇଁ ନିଷ୍ଠା ପରିବାର ର ପ୍ରୟାସ ଜାରି ରହିଛି l ବରଗଡ ର ବିଶିଷ୍ଟ ସମାଜସେବୀ ଡାକ୍ତର ଦମ୍ପତ୍ତି ଡାକ୍ତର ରାଜେଶ ତ୍ରିପାଠୀ ଓ ଡାକ୍ତର ସୁସ୍ମିତା ତ୍ରିପାଠୀ ମୁଖ୍ଯ ଅତିଥି ଭାବରେ ଯୋଗଦେଇ ଫିତାକାଟି ଶିବିର କୁ ଉଦ୍ଘାଟନ କରିଥିଲେ। ବରଗଡ ରକ୍ତ ଭଣ୍ଡାର ଦ୍ବାରା ସର୍ବମୋଟ ୫୨ୟୁନିଟ ରକ୍ତ ସଂଗୃହୀତ ହୋଇଥିଲା।କରୋନା ଟୀକା ନେବା ପୁର୍ବ ରୁ ରକ୍ତଦାନ କରିବା ପାଇଁ ଯୁବ ଗୋଷ୍ଠୀଙ୍କୁ ସଚେତନ କରିଥିଲା ଟିମ୍ ନିଷ୍ଠା। ଏହି ଶିବିର କୁ ନିଷ୍ଠା ପରିବାର ର ସଭାପତି ରକ୍ଷପାଲ ସାହୁ,ସମ୍ପାଦକ ଅଶ୍ବିନୀ ତ୍ରିପାଠୀ ,କୋଷାଧକ୍ଷ ଶ୍ୟାମ ସୁନ୍ଦର ସାହୁ ଏବଂ ସଦସ୍ଯ ଆଦିତ୍ଯ ସାହୁ,ଗିରି ପ୍ରଧାନ,ନରୋତ୍ତମ ଭୋଇ,ବିଜୟ ପ୍ରଧାନ, ପଦ୍ମଲୋଚନ ମଲ୍ଲିକ,ଚିତ୍ରସେନ ପ୍ରଧାନ,ସଂଜୀବ ସାହୁ,ଭଜମନ ଭୋଇ ପ୍ରମୁଖ ପରିଚାଳନା କରିଥିଲେ।ସମସ୍ତ ରକ୍ତ ଦାତା ମାନଙ୍କୁ ନିଷ୍ଠା ପରିବାର ତରଫରୁ ଧନ୍ୟବାଦ ଜ୍ଞାପନ କରାଯାଇଛି l ଦୀର୍ଘ ଦଶ ବର୍ଷ ଧରି ଅସହାୟଙ୍କ ସେବାରେ ଉତ୍ସର୍ଗୀକୃତ   ନିଷ୍ଠା ପରିବାର ସମଗ୍ର ବରଗଡ଼ ଜିଲ୍ଲାରେ ନିଜର ଏକ ସ୍ଵତନ୍ତ୍ର ପରିଚୟ ସୃଷ୍ଟି କରିପାରିଛି l