28-Apr-2021

ଭୁବନେଶ୍ୱର:(ଶୁଭାଶିଷ ନାୟକ)ରାଜଧାନୀରେ କରୋନା ସଂକମ୍ରଣ ବୃଦ୍ଧି ପାଉଥିବା ବେଳେ ବିଏମ୍ସି ପକ୍ଷରୁ ସଂକ୍ରମଣ ରୋକିବା ପାଇଞ ବିଭିନ୍ନ ପ୍ରକାରର ବ୍ୟବସ୍ଥା କରାଯାଇଛି । ଭୁବନେଶ୍ୱର ଘରୋଇ ହସ୍ପିଟାଲମାନଙ୍କରେ କୋଭିଡ ବେଡର ବ୍ୟବସ୍ଥା କରାଯାଇଛି । ଏହି ବେଡ ସଂଖ୍ୟା ପର୍ଯ୍ୟାୟକ୍ରମେ ବୃଦ୍ଧି କରାଯାଉଛି ବୋଲି ବିଏମସି ପକ୍ଷରୁ ସୂଚନା ଦିଆଯାଇଛି । କୋଭିତଡ ପଜିଟିଭ୍ ଥିଲେ ବେଡରେ ଭର୍ତ୍ତି ହେବା ପାଇଁ ୧୯୨୯ ହେଲପଲାଇନ ନମ୍ବର କାର୍ଯ୍ୟକାରୀ ହେଉଛି ।
ବିଏମସି ପକ୍ଷରୁ କୁହାଯାଇଛି ଯେ,ରାଜଧାନୀରେ କୋଭିଡ ହସ୍ପିଟାଲରେ କୌଣସି ପ୍ରକାର ବେଡର ଅସୁବିଧା ନାହିଁ । ହସ୍ପିଟାଲଗୁଡ଼ିକରେ ଯଥେଷ୍ଟ ପରିମାଣରେ ବିଭିନ୍ନ ବିଭାଗ ଅନୁଯାୟୀ ବେଡ ମହଜୁଦ ରହିଛି । ତେବେ ବେଡରେ ଭର୍ତ୍ତି ହେବା ପାଇଁ ୧୯୨୯ ହେଲପଲାଇନ ନମ୍ବର କାର୍ଯ୍ୟକାରୀ ହେଉଛି । ଆରଆରଟି ମାଧ୍ୟମରେ ବି ଅନେକ ଲୋକଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଇଛି । କିଛିଦିନ ତଳେ ୧୯୨୯ ହେଲପଲାଇନ ନମ୍ବରରେ ଯାନ୍ତ୍ରିକ ତ୍ରୁଟି ପରିଲକ୍ଷିତ ହେବାରୁ ଏହା କିଛି ସମୟ ପାଇଁ କାମ ଦେଇ ନଥିଲା । ତେବେ ଏସବୁ ତ୍ରୁଟିର ସମାଧାନ ହୋଇଯାଇଛି ।
ଏଣିକି ଭୁବନେଶ୍ୱର ବାସିନ୍ଦା ୧୯୨୯ ହେଲପଲାଇନ ନମ୍ବର ସେବାର ଲାଭ ଉଠାଇ ପାରିବେ । ଶବ ଦାହ ପାଇଁ ସ୍ୱର୍ଗ ଦ୍ୱାରକୁ ବାହାର ଜିଲ୍ଲା ଲୋକ ଯାଇପାରିବେ ନାହିଁ ବୋଲି ଘୋଷଣା ହେବା ପରେ ଲୋକେ ଭୁବନେଶ୍ୱର ଉପରେ ନିର୍ଭର କରୁଛନ୍ତି । ବିଏମସି ପକ୍ଷରୁ ଏସବୁ ଦିଗ ପ୍ରତି ଯଥେଷ୍ଟ ଦୃଷ୍ଟି ଦିଆଯାଇଛି । ସଂକ୍ରମଣକୁ ରୋକିବା ପାଇଁ ବିଏମସିରେ ଟେଷ୍ଟିଂ ଜୋରଦାର କରାଯାଇଛି । ପ୍ରତିଦିନ ୩ ହଜାରରୁ ଅଧିକ ଟେଷ୍ଟିଂ କରିବାକୁ ନିଦେ୍ର୍ଧଶ ରହିଥିବା ବେଳେ ୱାର୍ଡରେ ଥିବା ବିଭିନ୍ନ ସ୍ୱାସ୍ଥ୍ୟ କେନ୍ଦ୍ରରେ ଟେଷ୍ଟିଂ କରାଯାଉଛି