26-Apr-2021

ବୌଦ୍ଧ(ଶ୍ରୀବନ୍ତମେହେର) - ଶ୍ରୀ ଶ୍ରୀ ମହାପ୍ରଭୁ ଜଗନ୍ନାଥଙ୍କ ଘୋଷଯାତ୍ରା ଲାଗି ରଥ ନିର୍ମାଣପାଇଁ ସୋମବାର ବୌଦ୍ଧରୁ ଗଲାକାଠ । ଗତ ୨୦୧୮ମସିହାରୁ ରଥ ନିର୍ମାଣପାଇଁ ନିୟମିତ ଭାବେ ବୌଦ୍ଧ ବନଖଣ୍ଡରୁ ରଥକାଠ ପ୍ରେରଣ କରା ଯାଇ ଆସୁଛି । ଚଲିତବର୍ଷ ଚତୁର୍ଥ ଥର ପାଇଁ ପୁରୀକୁ ରଥକାଠ ପଠାଇବାର ସୌଭଗ୍ୟ ଅର୍ଜନକରିଛି ବୌଦ୍ଧଜିଲ୍ଲା । ଚଳିତବର୍ଷ ସୁଦାୟ ୭୦୧ ଖଣ୍ଡ ରଥକାଠ ପଢାଇବାକୁ ଥିବାବେଳେ ପ୍ରଥମ ପର୍ଯ୍ୟାୟରେ ୨୯୯ଖଣ୍ଡ କାଠ ପଠାଯାଇସାରିଛି । ଆଜି ଦ୍ୱିତୀୟପର୍ଯ୍ୟାୟରେ ୯୬ଖଣ୍ଡ ରଥକାଠ ପୁରିକୁ ପଠାଯଉଛି । ଏହି ଅବସରରେ ବୌଦ୍ଧ ବନଖଣ୍ଡ ଅଧିକାରୀଙ୍କ କାର୍ଯ୍ୟାଳୟ ଠାରେ ରଥକାଠକୁ ଭବ୍ୟ ସ୍ୱାଗତକରାଯାଇଥିଲା । ରଥକାଠକୁ ଦର୍ଶନକରି ବିଭୁକୃପା ଲାଭ କରିବାପାଇଁ ଶ୍ରଦ୍ଧାଳୁଙ୍କ ଭିଡ ମଧ୍ୟ ଜମିଥିଲା । ପୁରୀଯାଇ ନପାରିଲେ ମଧ୍ୟ ବୌଦ୍ଧରେ କାଠକୁ ଦର୍ଶନକରି ଜଗନ୍ନାଥଙ୍କ ଦର୍ଶନ ପାଇଥିବା ଅନୁଭବ କରିଥିଲେ । କୋଭିଡ ନିୟମକୁ ପାଳନ କରିବାସହ ଜିଲ୍ଲାପାଳ ଲଲାଟେନ୍ଦୁ ମିଶ୍ର ମୁଖ୍ୟ ଅତିଥି ଭାବରେ ଉପସ୍ଥିତରହି ପୂଜାର୍ଚ୍ଚନା କରିଥିଲେ । ପତାକା ଦେଖାଇ ପୁରୀକୁ ରଥକାଠ ଯାତ୍ରାର ଶୁଭମନାସିଥିଲେ । ଏହି ଅବସରରେ ମହିଳା ଭକ୍ତମାନେ ହୁଳହୁଳି ଦେଇ ରଥକ।ଠକୁ  ବିଦାୟ ଦେଇଥିଲେ । ଏହି ପବିତ୍ରଦିବସରେ ବୌଦ୍ଧ ଏସପି ଭି.ରଘୁନାଥ ରାଓ, ଡିଏଫଓ ଯଶୋବନ୍ତ ସେଠୀଙ୍କ ସମେତ ବୌଦ୍ଧ ବନଖଣ୍ଡର ସମସ୍ତ ଅଧିକାରୀ ଉପସ୍ଥିତ ରହିଥିଲେ।