25-Apr-2021

ସୋନପୁର (ପ୍ରେରଣା ଖବର ବ୍ୟୁରୋ): ଅଗ୍ନିକାଣ୍ଡରେ ଜୀଅନ୍ତା ଜଳିଗଲେ ନାବାଳକ। ସୁବର୍ଣ୍ଣପୁର ଶଙ୍କରା ଗାଁରେ ଘଟିଛି ଅଭାବନୀୟ ଘଟଣା। ଘରେ ରୋଷେଇ ବେଳେ ହଠାତ୍ ଗ୍ୟାସ୍ ଲିକରୁ ନିଆଁ ଲାଗି ନାବାଳକ ଜଳି ଯାଇଛନ୍ତି। ନିଆଁ ଲାଗିବା ପରେ ଘର ଲୋକ ପଦାକୁ ବାହାରି ଆସିଥିଲେ, ହେଲେ ଦୁର୍ଭାଗ୍ୟବଶତଃ ଶୋଇଥିବା ବେଳେ ବାଳକ ଜୀବନ୍ତ ଦଗ୍ଧ ହୋଇଯାଇଛନ୍ତି। ମୃତ ନାବାଳକ ଜଣକ ହେଲେ ଶଙ୍କରା ଗାଁର ବାବୁସାନ ଗୁଦୁରିଆ (୧୦) ସୂଚନା ଅନୁସାରେ ଆଜି ଘରେ ଚା ପିଇବା ପାଇଁ ପରିବାର ଲୋକେ ଗ୍ୟାସ ଟାଙ୍କି ଅନ କରିଥିବା ସମୟରେ ହଠାତ ଗ୍ୟାସ ଟାଙ୍କିରୁ ନିଆଁ ଲାଗିଯାଇଥିଲାI ଫଳରେ ଘର ସମ୍ପୂର୍ଣ୍ଣ ଭାବେ ପୋଡି ପାଉଁଶ ହୋଇଯାଇଥିବା ବେଳେ ନାବାଳକ ଶୋଇଥିବା ଅବସ୍ଥାରେ ଜୀବନ୍ତ ଦଗ୍ଧ ହୋଇଯାଇଛିI ପରିବାର ଲୋକେ ନାବାଳକକୁ ଚିକିତ୍ସା ପାଇଁ ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ବି ଘଟଣା ସ୍ଥଳରେ ତାର ମୃତ୍ୟୁ ହୋଇଥିବା ଡାକ୍ତର କହିଛନ୍ତିI ଖବର ପାଇଁ ଘଟଣା ସ୍ଥଳରେ ବିନିକା ଅଗ୍ନିଶମ ବାହିନୀ ପହଞ୍ଚିଛି। ହେଲେ ନିଆଁ ଲାଗି  ଘର ସମ୍ପୂର୍ଣ୍ଣ ପୋଡି ପାଉଁଶ ହୋଇଯାଇଛି!.
ସେପଟେ କୋଣାର୍କର କରୁଣା ଗାଁର ଗୁହାଳ ଘରେ ଭୟାବହ ଅଗ୍ନିକାଣ୍ଡ ଘଟି ୮ ଗୋରୁ ଜୀବନ୍ତ ଦଗ୍ଧ ହୋଇଯାଇଛନ୍ତି ଏବଂ ୨ ଗୁରୁତର ଅଛନ୍ତି। ବିଳମ୍ବିତ ରାତିରେ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି। ଗ୍ରାମବାସୀ ଓ ଅଗ୍ନିଶମ ବିଭାଗ କର୍ମଚାରୀ ମାନଙ୍କ ଉଦ୍ୟମ ଯୋଗୁଁ ବଡ ଧରଣର ବିପଦ ଟଳିପାରିଛି। ସୂଚନାଯୋଗ୍ୟ ଗତକାଲି ବିଳମ୍ବିତ ରାତ୍ରିରେ କରୁଣା ଗ୍ରାମର ମୁରଲୀ ଜେନା,ବଂଶୀଧର ଜେନା,ସୁନକର ଜେନା,ରୋହିତ ଜେନାଙ୍କ ପରିବାର ଶୋଇଯିବା ପରେ ଘର ସମ୍ମୁଝରେ ଥିବା ଗୁହାଳ ଘରେ ନିଆଁ ଲାଗିଯାଇଥିଲା!.*ତେବେ ନିଆଁ ଲାଗିବା ପରେ ଘରୁ ବାହାରି ପାରିନଥିଲେ ପରିବାର ଲୋକ। ଅନ୍ୟପଟେ ଗାଁ ଲୋକେ  ଉଠି ନିଆଁ ନିୟନ୍ତ୍ରଣ କରିବା ବେଳକୁ ୪ ପରିବାରର ଗୁହାଳ ଘରେ ଥିବା ୮ଟି ଗୋରୁ ଜିଅନ୍ତା ଜଳିଯାଇଥିଲା। ଆଉ ଦୁଇଟି ଗୋରୁ ଅର୍ଦ୍ଧ ଦଗ୍ଧ ଅବସ୍ଥାରେ ବାହାରକୁ ବାହାରି ଯାଇଥିଲେ। ତେବେ ଏହି ଅଗ୍ନିକାଣ୍ଡରେ ୪ଟି ନଡିଆ ଗଛ ମଧ୍ୟ ପୋଡ଼ି ଯାଇଛି। ଅଗ୍ନିଶମ ବିଭାଗ କର୍ମଚାରୀ ପହଂଚିବା ବେଳକୁ ଗାଁ ଲୋକେ ନିଆଁକୁ ନିୟନ୍ତ୍ରଣ କରି ସାରିଥିଲେ!.