12-Apr-2021

ବଲାଙ୍ଗିର,(ପ୍ରେରଣା ଖବର): ବଲାଙ୍ଗୀର ଜିଲ୍ଲା ଆଇନ ସେବା ପ୍ରାଧିକରଣ ପକ୍ଷରୁ ସ୍ଥାନୀୟ ସିଭିଲ କୋର୍ଟ ପରିସରରେ ଜିଲ୍ଲା ଦୌରା ଜଜ୍ ତଥା ଆଇନ ସେବା ପ୍ରାଧିକରଣର ଅଧ୍ୟକ୍ଷ ଲୋକନାଥ ମହାପାତ୍ରଙ୍କ ଅଧ୍ୟକ୍ଷତାରେ  ରାଷ୍ଟ୍ରୀୟ ଲୋକ ଅଦାଲତ ଅନୁଷ୍ଠିତ ହୋଇଯାଇଛି । ଏହି ରାଷ୍ଟ୍ରୀୟ ଲୋକ ଅଦାଲତରେ ପ୍ରାୟ 205  ଗୋଟି ମମଲାର ଫଇସଲା କରାଯାଇଥିଲା । ତନ୍‌ମଧ୍ୟରରୁ୧୭ ଗୋଟି ଦେୱାନି ମାମଲାର ଫଇସଲା ହୋଇଥିବା ବେଳେ ୧ଠ ଗୋଟି ବ୍ୟାଙ୍କ ମାମଲାର ସମାଧାନ କରାଯାଇ ୨୯,୪୮,୩୫୫ଟଙ୍କା ଆଦାୟ ହୋଇଥିଲା । ସେହିପରି ୧୧ଗୋଟି ମୋଟର ଦୁର୍ଘଟଣାଜନିତ ମାମଲାର ଫଇସଲା କରାଯାଇ ମୋଟ୍ ୩୫,୩୩,ଠଠଠ ଟଙ୍କା କ୍ଷତିପୂରଣ ଦେବା ପାଇଁ ଆଦେଶ ହୋଇଥିଲା । ସେହିପରି ୧ଠ୪ ଗୋଟି ଫୌଜଦାରୀ ମାମଲାର ଫଇସଲା କରାଯାଇଥିଲା । ୫୫ଗୋଟି ପ୍ରାକ୍ ମୁକଦ୍ଦମାର ଫଇସଲା କରାଯାଇ ୧୮,ଠ୧,ଠ୧୬ ଟଙ୍କା ଆଦାୟ କରାଯିବା ସଙ୍ଗେ ସଙ୍ଗେ ୮ଗୋଟି ପାରିବାରିକ ମିଳାମିଶା ମାମଲାର ଫଇସଲା ହୋଇଥିଲା । ଏହି ଲୋକ ଅଦାଲତକୁ ଜିଲ୍ଲା ଆଇନ ସେବା ପ୍ରାଧିକରଣର ସଚିବ ଦେବାଶିଷ ଦାଶ ଓ କୋର୍ଟ ମ୍ୟାନେଜର ପ୍ରୀତିରାଣୀ ନାଗ ପରିଚାଳନା କରିଥିଲେ । ସ୍ଥାୟୀ ଲୋକ ଅଦାଲତର ଜଜ୍ ପ୍ରଶାନ୍ତ କୁମାର ଦାସ, ପରିବାର କୋର୍ଟ ର ଜଜ୍ ପ୍ରଶାନ୍ତ କୁମାର ନାୟକ, ଭିଜିଲାନ୍ସ କୋର୍ଟ ଜଜ୍ ଅଜନ୍ତା ଷଡଙ୍ଗୀ, ଅତିରିକ୍ତ ଜିଲ୍ଲା ଜଜ୍‌(ପ୍ରଥମ) ଦେବାଶିଷ ରାଉତ, ଅତିରିକ୍ତ ଜିଲ୍ଲା ଜଜ୍‌(ଦ୍ୱିତୀୟ) ପ୍ରଜ୍ଞା ପରମିତା ରାଉଳ, ଏସ୍‌ସି ଓ ଏସ୍‌ଟି ପ୍ରିଜାଇଡିଂ ଅଫିସର ସରୋଜ କୁମାର ଦାସ, ମୁଖ୍ୟ ବିଚାର ବିଭାଗୀୟ ମାଜିଷ୍ଟ୍ରେଟ୍ ଅଭିଳାଷ ସେନାପତି, ସିଭିଲ କୋର୍ଟ ରେଜିଷ୍ଟାର ଅମିତ କୁମାର ବାରିକ, ସିଭିଲ ଜଜ୍‌(ବରିଷ୍ଠ)ସସ୍ମିତା ନନ୍ଦିନୀ ତ୍ରିପାଠୀ, ଅତିରିକ୍ତ ସିଭିଲ ଜଜ୍‌(ବରିଷ୍ଠ)ସୀମା ତ୍ରିପାଠୀ, ଏସ୍‌ଡିଜେଏମ୍ କୈôଳାସ ସାହୁ, ସିଭିଲ ଜଜ୍‌(କନିଷ୍ଠ)ସସ୍ମିତା ସେଠୀ, ସ୍ପେସିଆଲ ଜୁଡିସିଆଲ ମାଜିଷ୍ଟ୍ରେଟ୍ ରମେଶ ଚନ୍ଦ୍ର ରାୟଗୁରୁ, ଜେଏମ୍‌ଏଫ୍‌ସି ସୌରଭ ଶର୍ମା, ଜେଏମ୍‌ଏଫ୍‌ସି ଅବିନାଶ ନନ୍ଦ, ଜିଲ୍ଲା ଜଜ୍ କୋର୍ଟର ପବ୍ଲିକ ପ୍ରସିକ୍ୟୁଟର ସୁବାଷ ଚନ୍ଦ୍ର ମହନ୍ତଙ୍କ ସମେତ ବହୁ ଓକିଲ ମାମଲାର ଗୁଡିକର ଶୁଣାଣି ସମୟରେ ଉପସ୍ଥିତ ଥିଲେ ।