07-Apr-2021

ବୌଦ୍ଧ(ଶ୍ରୀବନ୍ତ ମେହେର) ବୌଦ୍ଧ ସ୍ୱତନ୍ତ୍ର ଉପ କାରାଗାରରେ ଥିବା ଜଣେ ମହିଳା ବିଚାରାଧିନ ବନ୍ଦୀଙ୍କ ମୁଥ ମାଡ଼ରେ ଅନ୍ୟଜଣେ ବିଚାରଧିନ ମହିଳା ବନ୍ଦୀଙ୍କର ଦାନ୍ତ ଭାଙ୍ଗି ଯାଇଛି।ଏ ଘଟଣା ପଦାକୁ ଆସିବା ପରେ ସାଧାରଣରେ ଆଲୋଡନ ସୃଷ୍ଟି କରିବା ସହ ବିଚାରାଧୀନ ଜେଲ ହାଜତର ସୁରକ୍ଷା ବ୍ୟବସ୍ଥାକୁ ନେଇ ପ୍ରଶ୍ନ ଉଠୁଛି।ଏନେଇ ଆହତ ମହିଳାଙ୍କ ପକ୍ଷରୁ ଦିଆଯାଇଥିବା ବେଳେ ପ୍ରାପ୍ତ ସୂଚନା ମୋତେ ଏହି ଏତେଲାକୁ ଭିତ୍ତିକରି ବୌଦ୍ଧ ଆଦର୍ଶ ଥାନାରେ  କେସ ନମ୍ବର ୯୭/୨୧ ଅନୁଯାଇ ଏକ ମାମଲା ରୁଜୁ ହୋଇଥିବା ଜଣାଯାଇଛି । ଅଭିଯୋଗ ମତେ ଅନୁଯାୟୀ  ଏକ ଗଞ୍ଜେଇ ଚାଲାଣ ମାମଲାରେ ଗିରଫ ହୋଇ ବୌଦ୍ଧ ସ୍ୱତନ୍ତ୍ର ଉପକାରାଗାରରେ ବିଚାରାଧିନ ବନ୍ଦୀ ଭାବେ ରହୁଥିବା ତେତ୍ରା ଖାତୁନ ନାମକ ଜଣେ ମହିଳା ଙ୍କ ସହିତ ଅନ୍ୟଜଣେ ବିଚରାଧିନ ବନ୍ଦୀ ସକୁନ୍ତଳା ପଟେଲ ନାମକ ଅନ୍ୟଜଣେ ସହ ବନ୍ଦୀ ଙ୍କର କୌଣସି କଥାକୁ ନେଇ ତୁତୁ ମେମେ ହୋଇଥିଲା। ପରେ ସକୁନ୍ତଳା ଠାକୁର ପୂଜା କରୁଥିବା ବେଳେ ତେତ୍ରା ତାଙ୍କୁ ଦେଖେଇ ଶୁଣେଇ ଏଣୁତେଣୁ କହିଥିଲେ । ଏହାକୁ ନେଇ ଉଭୟଙ୍କ ମଧ୍ୟରେ ଉଚ୍ଚବାଚ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ସକୁନ୍ତଳା ତେତ୍ରାଙ୍କୁ  ଗୋଟିଏ ମୁଥମାରିବାରୁ ତାଙ୍କର ଦାନ୍ତ ଭାଙ୍ଗି ଯାଇଥିଲା। ଆହତ ତେତ୍ରା କାରାଗାରର ସୁପରିଟେଣ୍ଡେଣ୍ଟ୍‌ଙ୍କ ଜରିଆରେ ଏଫ ଆଇ ଆର ଦେଇଥିବା ଜଣାଯାଇଛି । ଅନ୍ୟପଟେ ବୌଦ୍ଧ ଆଦର୍ଶ ପୋଲିସ ଘଟଣାର ତଦନ୍ତ କରୁଥିବା ଜଣାପଡ଼ିଛି।