05-Apr-2021

ବଲାଙ୍ଗୀର(ପ୍ରେରଣା ଖବର): ଗତ କିଛି ଦିନ ହେଲା ବଲାଙ୍ଗୀରରେ କରୋନା ସଂକ୍ରମିତଙ୍କ ସଂଖ୍ୟା ଟୁ ଡିଜିଟକୁ ଛୁଇଁଛି । ଗୋଟିଏ ପଟେ କରୋନା ଭେକ୍ସିନ ଜୋର୍‌ସୋର୍‌ରେ ଚାଲିଥିବା ବେଳେ ଏହି ଅଦୃଶ୍ୟ ଭୂତାଣୁର ୟୁ ଟର୍ଣ୍ଣ ଜନସାଧାରଣଙ୍କ ଚିନ୍ତାକୁ ବଢ଼ାଇ ଦେଇଛି । ଗତକାଲି ଅର୍ଥାତ ମାର୍ଚ୍ଚ ୪ ତାରିଖ ବଲାଙ୍ଗୀରରେ କରୋନା ସଂକ୍ରମିତଙ୍କ ସଂଖ୍ୟା ୩୬ ରହିଥିଲା । ଏହା ପୂର୍ବ ଦିନ ବଲାଙ୍ଗୀରରେ କରୋନା ସଂକ୍ରମିତଙ୍କ ସଂଖ୍ୟା ୧୫ ରହିଥିଲା । କରୋନା ସଂକ୍ରମଣର ହାର କମି କମି ଶୁନ୍ କୁ ପହଞ୍ଚି ଯାଇ ସାରିଥିବା ବେଳେ  ଏହି ତିନି ଦିନ ଭିତରେ ପୁଣି କରୋନା ତାର ଭୟଙ୍କର ରୂପ ଦେଇଖାଇଛି । 
   ସାରା ରାଜ୍ୟରେ କରୋନା ପୋଜିଟିଭଙ୍କ ସଂଖ୍ୟା ବଢ଼ୁଥିବା ବେଳେ ଆଜି ଠାରୁ ବଲାଙ୍ଗୀର ସମେତ ରାଜ୍ୟର ୧ଠଟି ଜିଲ୍ଲାରେ ନାଇଟ୍ କର୍ଫ୍ୟୁ ଆରମ୍ଭ ହେବ । ବଲାଙ୍ଗୀର ଜିଲ୍ଲାପାଳ ଚଞ୍ଚଳ ରାଣା ବଲାଙ୍ଗୀର ଜିଲ୍ଲାବାସୀଙ୍କ ଉଦ୍ଦେଶ୍ୟରେ ନାଇଟ କର୍ଫ୍ୟୂର ଗାଇଡଲାଇନ ଓ କୋଭିଡ କଟକଣା ପାଳନ ସଂପର୍କିତ ଏକ ଭିଡିଓ ସଚେତନତା ବାର୍ତ୍ତା  ଜାରି କରିଛନ୍ତି । ସମସ୍ତେ ସାମାଜିକ ଦୂରତା ଅବଲମ୍ବନ କରିବା, ମାସ୍କ୍ ପିନ୍ଧିବା ଓ ହାତକୁ ସାନିଟାଇଜ୍ କରିବା ସଂପର୍କରେ ଏହି ଭିଡିଓ ବାର୍ତ୍ତାରେ ଜିଲ୍ଲାପାଳ ଶ୍ରୀ ରାଣା ଜନସାଧାରଣଙ୍କୁ ଅନୁରୋଧ କରିଛନ୍ତି ।