03-Apr-2021

ବ୍ରହ୍ମପୁର(ପ୍ରେରଣା ଖବର ବ୍ୟୁରୋ): ବ୍ରହ୍ମପୁରରେ ପୂର୍ବ ଶତ୍ରୁତାକୁ କେନ୍ଦ୍ର କରି ପୁଣି ଯୁବକଙ୍କୁ ଆକ୍ରମଣ। ବ୍ରହ୍ମପୁର ଆଙ୍କୁଲି ଅଞ୍ଚଳର ଜଣେ ଯୁବକଙ୍କୁ ଗଳା କାଟି ହତ୍ୟା ଉଦ୍ୟମ କରାଯାଇଛି ।

ସୂଚନାନୁସାରେସ ଆଙ୍କୁଲି ଅଞ୍ଚଳର ଶୁଭମ ବେହେରା ସକାଳୁ ଗୋପାଳପୁର ରାସ୍ତାରେ ଥିବା ଡୁରା ଛକ ନିକଟସ୍ଥ ଏକ ପୋଖରୀକୁ ଗାଧେଇବାକୁ ଯାଇଥିଲେ। ଠିକ ସେହି ସମୟରେ କିଛି ଦୁର୍ବୁତ୍ତ ଆସି ତାଙ୍କୁ ଏକ ଧାରୁଆ ବ୍ଲେଡ଼ରେ ଆକ୍ରମଣ କରିଥିଲେ  । ଫଳରେ ଶୁଭମ ଗୁରୁତର ହୋଇ ପଡିଥିଲେ । ସେଠାରେ ଉପସ୍ଥିତ ଥିବା କିଛି ସାଙ୍ଗ ସାଥି ପରିବାରକୁ ଏନେଇ ଖବର ଦେଇଥିଲେ ।

ଖବର ପାଇ ପରିବାର ଲୋକେ ତାଙ୍କୁ ଏମକେସିଜି ମେଡିକାଲରେ ଭର୍ତ୍ତି କରିଥିଲେ । ବର୍ତ୍ତମାନ ତାଙ୍କ ସ୍ୱାସ୍ଥ୍ୟ ଅବସ୍ଥା ସଂକାଟାପନ୍ନ ଥିବା  ପରିବାରବର୍ଗ  କହିଛନ୍ତି। ତେବେ ତାଙ୍କର ଗଳାରେ ତିନୋଟି ଓ ହାତରେ ତିନିଟି ସ୍ଥାନରେ ଆଘାତ ଲାଗିଛି ।