18-Oct-2020

ସମ୍ବଲପୁର,୧୭/୧୦(ସଞ୍ଜିବ ପାଣିଗ୍ରାହୀ ଙ୍କ ରିପୋର୍ଟ): ରାଜ୍ୟସଭା ସାଂସଦ ତଥା ବିଜୁ ଜନତା ଦଳ ର ବରିଷ୍ଠ ଉପ ସଭାପତି ପ୍ରସନ୍ନ ଆଚାର୍ଯ୍ୟଙ୍କ ଗତକାଲି କରୋନା ପୋଜିଟିଭ ରିପୋର୍ଟ ବାହାରିଲା ପରେ ସେ ବର୍ତ୍ତମାନ ଭୁବନେଶ୍ୱର ରେ ଚିକିତ୍ସାଧୀନ ଅଛନ୍ତି । ତାଙ୍କର ଶୀଘ୍ର ଆରୋଗ୍ୟ କାମନା କରି ଆଜି ରାଜ୍ୟର ଅନେକ ସ୍ଥାନ ରେ ବିଜେଡି କର୍ମକର୍ତ୍ତା ଓ ସମର୍ଥକ ମାନେ ପୂଜା ତଥା ଦୀପ ପ୍ରଜ୍ୱଳନ ପୂର୍ବକ ପ୍ରାର୍ଥନା କରିଛନ୍ତି । ସାଂସଦ ପ୍ରସନ୍ନ ଆଚାର୍ଯ୍ୟ ପଜିଟିଭ୍ ଚିହ୍ନଟ ହେବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ତାଙ୍କର ଶୀଘ୍ର ଆରୋଗ୍ୟ କାମନା କରିଛନ୍ତି। ମୁଖ୍ୟମନ୍ତ୍ରୀ ଟ୍ୱିଟ୍ ଯୋଗେ କହିଛନ୍ତି ଯେ, ସାଂସଦ ଶ୍ରୀ ଆଚାର୍ଯ୍ୟ କରୋନା ପଜିଟିଭ୍ ଚିହ୍ନଟ ହୋଇଥିବା ଖବର ପାଇଛନ୍ତି । ଏହାସହ ତାଙ୍କର ଆଶୁ ଆରୋଗ୍ୟ ଏବଂ ଉତ୍ତମ ସ୍ୱାସ୍ଥ୍ୟ କାମନା କରିଛନ୍ତି ମୁଖ୍ୟମନ୍ତ୍ରୀ ।

   ଏହି ମର୍ମରେ ଆଜି ସ୍ଥାନୀୟ ସମଲେଶ୍ୱରୀ ମନ୍ଦିର ଠାରେ ଦୀପ ପ୍ରଜ୍ଵଳନ କରି ତାଙ୍କର ଶୀଘ୍ର ଆରୋଗ୍ୟ କାମନା କରି ପ୍ରାର୍ଥନା କରିଥିଲେ ବହୁ ଦଳୀୟ କର୍ମୀ ତଥା ସମର୍ଥକ। ଅପରାହ୍ଣରେ ୫ ଘଟିକା ସମୟରେ ପୂର୍ବତନ ବିଜେଡି ଜ଼ିଲ୍ଲା କାର୍ଯ୍ୟକାରୀ ସଭାପତି ଅଶୋକ ସେନାପତି ଙ୍କ ପୌରହିତ୍ୟ ରେ ଅନୁଷ୍ଠିତ ଏହି ଦୀପପ୍ରଜ୍ୱଳନ କାର୍ଯ୍ୟକ୍ରମରେ ପୁର୍ବତନ ରାଜ୍ୟସଭା ସାଂସଦ ସୁଶ୍ରୀ ପ୍ରମିଳା ବହିଦାର, ସମଲେଶ୍ୱରୀ ଟ୍ରଷ୍ଟ ବୋର୍ଡ ସଭାପତି ସଞ୍ଜୟ ବାବୁ, ବିଜୁ ଯୁବ ଜନତା ଦଳ ରାଜ୍ୟ ସାଧାରଣ ସମ୍ପାଦକ ହୀରାଲାଲ ବେହେରା, ବିଜୁ ଯୁବ ଜନତା ଦଳ ରାଜ୍ୟ ସହ ସମ୍ପାଦକ ମନୋଜ ମହାପାତ୍ର, ବିଜୁ ମହିଳା ଜନତା ଦଳ ରାଜ୍ୟ ସମ୍ପାଦିକା ଉଷା ପ୍ରଧାନ, ବିଜେଡି ଯୁଜୋମୁରା ବ୍ଲକ ସଭାପତି ବିନୋଦ ବଡ଼ପଣ୍ଡା,ବିଜେଡି ସଂଖ୍ୟା ଲଘୁ ପୂର୍ବତନ ସଭାପତି ଜାଫର ଖାନ, ବିଜୁ ସୃତି କମିଟି ସଭାପତି ପ୍ରଶାନ୍ତ ଥାପା, ପ୍ରଦୀପ ଦୋରା, ଅଜୟ ମହାରଣା, ଦୟାସାଗର ପ୍ରଧାନ, ଶ୍ରୀକାନ୍ତ ମହାପାତ୍ର, ନରେଶ ସେଠ୍, ବି.ଶଙ୍କର, ସୁରେନ୍ଦ୍ର ଥାପା, ରାଜ କୁମାର ସାହୁ, ସରୋଜ ସାହୁ ପ୍ରମୁଖ ଉପସ୍ଥିତ ରହି ସମୂହ ଦୀପପ୍ରଜ୍ୱଳନ କରି ଶ୍ରୀ ଆଚାର୍ଯ୍ୟଙ୍କ ଆଶୁ ଆରୋଗ୍ୟ କାମନା କରିଥିଲେ। ଏହି କାର୍ଯ୍ୟକ୍ରମ ରେ ସମସ୍ତ କୋଭିଡ ନିୟମ ପାଳନ କରାଯାଇଥିଲା l