26-Mar-2021

ନୟାଗଡ଼ (ପ୍ରଦୀପ କୁମାର ପଣ୍ଡା) ଗତକାଲି ରାତିରେ ଖବର ପାଇ ଦଶପଲ୍ଲା ବନାଞ୍ଚଳ ଅଧିକାରୀ ଏବଂ ତାଙ୍କ କର୍ମଚାରୀ ମାନେ ଏକ ଚୋରାକାଠ ଚାଲାଣ ଗାଡିକୁ ଫଲୋ କରିବାବେଳେ ପଥର ମାଡ ର ଶିକାର ହୋଇଥିଲେ | ଗାଡିଟି ଗଣିଆ ଅଭିମୁଖେ ଆସୁଥିବା ବେଳେ ଗଣିଆ ବନାଞ୍ଚଳ ଅଧିକାରିଣୀ ସୋନାଲି ସିଓ ଏବଂ ତାଙ୍କ କର୍ମଚାରୀ ମାନେ ଗଣିଆ ଠାରେ ସେ ଗାଡିକୁ ଧରିବାକୁ ଚେଷ୍ଟା କରିଥିଲେ ହେଲେ ସେଠାରେ ମାଫିଆ ମାନେ ମାଡମାରି ଖସି ଯାଇଥିଲେ | ସନ୍ଦେହ ମୁତାବକ ଆଜି ଖଣ୍ଡପଡା ବନାଞ୍ଚଳ ଅଧୀନ କୁମ୍ଭାରପଡ଼ା ଗ୍ରାମର ମହେନ୍ଦ୍ର ପଣ୍ଡା ଙ୍କ ଘରେ ଉଭୟ ଖଣ୍ଡପଡା ଏବଂ ଗଣିଆ ବନାଞ୍ଚଳ ତରଫରୁ ଚଢ଼ାଉ ହୋଇଥିଲା | ମହେନ୍ଦ୍ର ପଣ୍ଡା ଙ୍କ ଧର୍ମ ପତ୍ନୀ ଗଣିଆ ରେଞ୍ଜର ସୋନାଲି ସିଓ, ଖଣ୍ଡପଡା ବନରକ୍ଷୀ ସସ୍ମିତା ସେଠୀ ଏବଂ ଜଲି ସାମଲ ଙ୍କୁ ମାଡ ମାରିଥିଲେ | ଘଟଣା ସ୍ଥଳରୁ ମହେନ୍ଦ୍ର ପଣ୍ଡା ଙ୍କୁ ଗିରଫ କରାଯିବା ସହିତ ଶାଗୁଆନ, ଗମ୍ଭାରୀ, ଶାଳ, ଆକାଶିଆ ଭଳି ଦାମୀ କାଠ ର ପଟା ଜବତ କରାଯାଇଛି | ଘଟଣା ସ୍ଥଳରେ ଖଣ୍ଡ ପଡା ବନାଞ୍ଚଳ ଅଧିକାରୀ ଶ୍ରୀଯୁକ୍ତ ପଣ୍ଡା ଏବଂ ଗଣିଆ ବନାଞ୍ଚଳ ଅଧିକାରିଣୀ ସିଓ ଙ୍କ ସମେତ ଖଣ୍ଡପଡା ପୋଲିସ ଏବଂ ବନବିଭାଗୀୟ କର୍ମଚାରୀ ମାନେ ପ୍ରାୟ କୋଡିଏ ଜଣ ଉପସ୍ଥିତ ଥିଲେ | ବିଭାଗୀୟ ଅଧିକାରୀ ଏବଂ କର୍ମଚାରୀ ମାନଙ୍କୁ ଆକ୍ରମଣ କରିଥିବା ଅଭିଯୋଗ ରେ ମହେନ୍ଦ୍ର ପଣ୍ଡା ଙ୍କ ସ୍ତ୍ରୀ ଙ୍କୁ ଗିରଫ କରାଯିବ ବୋଲି ଖଣ୍ଡପଡା ରେଞ୍ଜର ସୂଚନା ଦେଇଛନ୍ତି |