26-Mar-2021

ଲୋଇସିଂହା, (ବିନୋଦ କୁମାର ଦୀପ): ଏନଏସି ମାନ୍ୟତା ଦାବିରେ ଲୋଇସିଂହା ଆଂଚଳିକ ବିକାଶ ପରିଷଦ ତରଫରୁ ଚାଲି ଥିବା ଧାରଣା ଗୋଟିଏ ମାସ ବିତିଯାଇଥିଲେ ସୁଦ୍ଧା ସରକାର କର୍ଣ୍ଣପାତ କରୁ ନ ଥିବାରୁ ଚାରି ଦିନ ହେଲା ବିକାଶ ପରିଷଦର ସଦସ୍ୟ ମାନେ ଗାଆଁକୁ ଗାଆଁ ଏବଂ ପ୍ରତ୍ୟେକ ସାହିରେ ସଭା କରି ଲୋକଙ୍କୁ ସଚେତନା ରୁଛନ୍ତି l ସଚେତନାର ଚତୁର୍ଥ ଦିନରେ ପନେସରା ଗ୍ରାମରେ ବୈଠକ ଅନୁଷ୍ଠିତ ହୋଇଥିଲା। ଏଥିରେ ସରୋଜ ବିଶ୍ଵାଳ, ପ୍ରଶାନ୍ତ ବେହେରା ଯୋଗଦେଇ ଲୋଇସିଂହା ଏନଏସି ମାନ୍ୟତା ପାଇଲେ ଅଞ୍ଚଳର କଣ ଲାଭ ହେବ, ଲୋକେ କଣ ଫାଇଦା ପାଇବେ ସେ ଉପରେ ଲୋକ ଙ୍କୁ ବୁଝାଇ ଥିଲେ। ପନେସରା ଗ୍ରାମବାସୀ ମଧ୍ୟ ଧାରଣାରେ ସାମିଲ୍ ହେବା ପାଇଁ ପ୍ରତିଶ୍ରୁତି ଦେଇଥିଲେ ଏବଂ ସରକାର ଲୋଇସିଂହାକୁ ଏନଏସି ମାନ୍ୟତା ନ ଦେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ଚେତାବନୀ ଥିଲେ।