22-Mar-2021

ନୟାଗଡ଼ (ପ୍ରଦୀପ କୁମାର ପଣ୍ଡା) : ନୟାଗଡ଼ ଜିଲ୍ଲା ଖଣ୍ଡପଡା ବ୍ଳକ ଅନ୍ତର୍ଗତ କୁମ୍ଭାରପଡ଼ା ଗ୍ରାମପଞ୍ଚାୟତ ର ବିଦ୍ୟାର୍ଥୀ ଶିକ୍ଷା ନିକେତନ ପରିସରରେ ଏକ ସଚେତନ ମୂଳକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି | ନେହେରୁ ଯୁବକେନ୍ଦ୍ର, ନୟାଗଡ଼ ଏବଂ ୟୁଥ ଫର ସୋସାଇଟି ତରଫରୁ ଉକ୍ତ କାର୍ଯ୍ୟକ୍ରମ ରେ ଶିକ୍ଷକ ତଥା ପ୍ରତିଷ୍ଠିତ ସମାଜ ସେବୀ ଅଜୟ କୁମାର ସେଠୀ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ନେହେରୁ ଯୁବକେନ୍ଦ୍ର ନୟାଗଡ ର ଖଣ୍ଡପଡା ବ୍ଳକ ସଂଯୋଜିକା ଶ୍ରୀମତୀ ସାଗରୀକା ଲେଙ୍କା, ଶିକ୍ଷକ ବିଭତ୍ସ ଭଞ୍ଜନ ମୁଦୁଲି, ବ୍ୟଙ୍ଗ କବି ତଥା ନୟାଗଡ଼ ଜିଲ୍ଲା ସାମ୍ବାଦିକ ଉତ୍ପଳ କୁମାର ସାହୁ ପ୍ରମୁଖ ସମ୍ମାନିତ ଅତିଥି ଭାବେ ମଞ୍ଚାସିନ ଥିଲେ | ବ୍ଳକ ର ବିଭିନ୍ନ ଯୁବସଂଗଠନ ର ଅନେକ ଯୁବକ ଯୁବତୀ ତଥା ବିଦ୍ୟାର୍ଥୀ ଶିକ୍ଷା ନିକେତନ ର ବିଦ୍ୟାର୍ଥୀ ମାନଙ୍କ ଉପସ୍ଥିତିରେ ଏହି ବିଶ୍ୱ ଜଳ ଦିବସ ଉପଲକ୍ଷେ ଏକ ସଚେତନାତ୍ମକ କାର୍ଯ୍ୟକ୍ରମ ରେ ଜଳ ସଂରକ୍ଷଣ କୁ ନେଇ ଏକ ବିସ୍ତୃତ ଆଲୋଚନା ହୋଇଥିଲା | ବିଶେଷତଃ ବର୍ଷା ଜଳକୁ ସଂରକ୍ଷଣ କରି କିପରି ବିଭିନ୍ନ ଉପାୟରେ ତାକୁ ଉପଯୋଗ 

କରି ଲାଭବାନ ହେବା ସହିତ ପାନୀୟ ଜଳ ର ଅପବ୍ୟବହାର କୁ ରୋକ ଲଗାଯାଇ ପାରିବ ସେ ବିଷୟରେ ମୁଖ୍ୟ ଅତିଥି ନିଜର ବ୍ୟକ୍ତବ୍ୟ ରଖିଥିଲେ | ଉପସ୍ଥିତ ସମସ୍ତ ଯୁବଗୋଷ୍ଠୀ ମାନେ ଏହି ଦିବସରେ ସଂକଳ୍ପ କରିଥିଲେ ଯେ ଜଳ ସଂରକ୍ଷଣ କରିବା ସହିତ ଏହି ବାର୍ତା କୁ ଅଂଚଳରେ ପ୍ରଚାରିତ କରିବେ |