21-Mar-2021

ତେଲକୋଇ।(ପ୍ରେରଣା ଖବର): କେନ୍ଦୁଝର ଜିଲ୍ଲା  ତେଲକୋଇ ଥାନା ଅନ୍ତର୍ଗତ ଦୋବଲାପାଳ ଛକ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏକ କାର୍ ରାସ୍ତା କଡରେ ଥିବା ଗଛରେ ପିଟି ହେବା ପଳେ ଜଣେ ଗୁରୁତର ହୋଇ ପଡିଛନ୍ତି ।

ଗୁରୁତର ହେଲେ ଦଇତାରୀ ନାୟକ । ପ୍ରଥମେ ତାଙ୍କୁ ତେଲକୋଇ ମେଡିକାଲରେ ଭର୍ତ୍ତି କରାଯାଇଥିଲା ତେବେ ଅବସ୍ଥା ଗୁରୁତର ହେବାରୁ କେନ୍ଦୁଝରକୁ ସ୍ଥାନାନ୍ତର କରାଯାଇଛି ।

ସୂଚନାନୁସାରେ, ରବିବାର ସକାଳେ କାରଟି ଅନୁଗୁଳ ଜିଲ୍ଲା ରେଙ୍ଗାଲୀରୁ କେନ୍ଦୁଝରକୁ ଯାଉଥିବା ବେଳେ ଦୋବଲାପାଳ ଛକ ନିକଟରେ ଭାରସ୍ୟାମ ହରାଇ ରାସ୍ତା କଡରେ ଥିବା ଗଛରେ ପିଟି ହୋଇଥିଲା ।ଦୁର୍ଘଟଣା ପରେ ଗାଡ଼ିର ଗୋଟିଏ ଏୟାର ବ୍ୟାଗ୍ ଖୋଲିଥିଲା କିନ୍ତୁ ଆଉ ଏକ ଏୟାର ବ୍ୟାଗ୍ ଖୋଲି ନଥିଲା । ଫଳରେ ଚାଳକଙ୍କ ବାପା ଦଇତାରୀ ନାୟକଙ୍କ ମୁଣ୍ଡ ଓ ମୁହଁରେ ମାଡ ହୋଇଥିଲା ।କାରରେ ବାପ ଓ ପୁଅ ଦୁଇଜଣ ଥିଲେ । ତେବେ ସକାଳ ସମୟରେ ଚାଳକଙ୍କ ଆଖି ଲାଗିଯିବା ଫଳରେ ଗାଡିଟି ଭାରସ୍ୟାମ ହରାଇଥିବା କୁହାଯାଉଛି ।