21-Mar-2021

ସମ୍ବଲପୁର(ସଂଜୀବ କୁମାର ପାଣିଗ୍ରାହୀ): ସମ୍ବଲପୁର ଧନୁପାଲି ଥାନା ସୁନାପାଲିରେ ଗୋଷ୍ଠୀ ସଂଘର୍ଷ । ଭୁଜାଲି ମାଡ଼ରେ ଜଣେ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର । ଗୁରୁତରଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ମୃତ ବ୍ୟକ୍ତି ଜଣକ ସରଲାକାନିର ବାଙ୍କେ ଓରାମ୍ ବୋଲି ଜଣାପଡ଼ିଛି । ଘଟଣାସ୍ଥଳରେ ଧନୁପାଲି ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ସେହିପରି ଏହି ଗୋଷ୍ଠୀ ଅନ୍ୟ ଜଣେ ବ୍ୟକ୍ତି ଗୁରୁତର ହୋଇଛନ୍ତି ।  ଗୁରୁତର ହୋଇଥିବା ବ୍ୟକ୍ତି ଲବ ଓରାମ ଓ ତାଙ୍କର ବୟସ ମଧ୍ୟ ୨୦ ବର୍ଷ ବୋଲି ଜଣାପଡିଛି । ଗୁରୁତର ଜଣଙ୍କ ଆକ୍ରମଣରୁ ବର୍ତ୍ତିଯାଇ ଆହତ ଅବସ୍ଥାରେ ପ୍ରାୟ ୨ କିମି ଦୂର ସାରଳା କାନି ସ୍ଥିତ ଘରେ ପହଁଚି ଥିଲେ। ଏହାପରେ ପିସିଆର ତାଙ୍କୁ ଉଦ୍ଧାର କରି ପ୍ରଥମେ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ପ୍ରାଥମିକ ଚିକିତ୍ସା ପରେ ବୁର୍ଲା ମେଡିକାଲକୁ ସ୍ଥାନାନ୍ତର କରାଯାଇଛି। ପେସାରେ ଦୁଇ ଯୁବକ ରଙ୍ଗ ମିସ୍ତ୍ରୀ ହୋଇଥିବା ବେଳେ ପୁଲିସ ଏ ପର୍ଯ୍ୟନ୍ତ ଆକ୍ରମଣକାରୀଙ୍କ ଟେର ପାଇପାରି ନାହିଁ। ସଦର ଏସଡିପିଓ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।