20-Mar-2021

ଉଲୁଣ୍ଡା଼ (ଗୌରଚନ୍ଦ୍ର ପରିଛା)- ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଲସ୍ତଲା ତୁରୀପଡା ଗାଁର ବାବୁଲା ନାଏକଙ୍କ ବାଇକ ଧକ୍କାରେ ଗତକାଲି ମୃତ୍ୟୂ ହୋଇଥିଲା । ଏହି ଘଟଣା ପରେ ଆଜି ପରିବାର ଲୋକେ କ୍ଷତିପୁରଣ ଦାବିରେ ସୋନପୁର- ସମ୍ବଲପୁର ମୁଖ୍ୟ ରାସ୍ତାର ପୋଢଟିକିରା ଛକରେ ଶବ ରଖି ରାସ୍ତା ରୋକ କରିଛନ୍ତି । ଘଟଣା ସ୍ଥଳରେ ପ୍ରଶାଶନ  ପହଂଚି ଉତ୍ୟକ୍ତ ଲୋକଙ୍କୁ ବୁଝାସୁଝା କଲାପରେ ରାସ୍ତାରୋକ ପ୍ରତ୍ୟାହୁତ ହୋଇଥିଲା ।  ସୂଚନା ଅନୁସାରେ ଗତକାଲି ବାବୁଲା ଉଲୁଣ୍ଡା ପଟରୁ ରାତି ପ୍ରାୟ  ବିଲମ୍ବିତ ରାତ୍ରୀରେ ଚାଲି ଚାଲି ଘରକୁ ଫେରୁଥିଲେ । ଏହି ସମୟରେ ଉଦେପଦର ଗାଁର ଚରଣ ଭୋଇ ବାଇକରେ ଯାଉଥିବା ବେଳେ ଉଲୁଣ୍ଡା ପୋଲ ନିକଟରେ ଭାରସାମ୍ୟ ହରାଇ ତାଙ୍କୁ ଧକ୍କା ଦେଇଥିଲେ । ଘଟଣା ସ୍ଥଲରୁ ଉଭୟଙ୍କୁ ଏମ୍ବଲାନ୍ସ ଯୋଗେ  ସୋନପୁର ଚିକିତ୍ସାଳୟକୁ ନେଇଥିଲେ । ସେଠାରେ ଦାକ୍ତର ବାବୁଲାଙ୍କୁ ମୃତ ଘୋଷଣା କରିଥିବା ବେଲେ ଚରଣଙ୍କ ଅବସ୍ଥା ସଙ୍କଟାପନ୍ନ ଥିବାରୁ ବୁର୍ଲା ସ୍ଥାନାନ୍ତର କରାଯାଇଛି । ଉଲୁଣ୍ଡା ପୁଲିସ ଶବ ଜବତକରି ଆଜି ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରିଥିଲା ।  ପରିବାର ଲୋକେ କ୍ଷତିପୁରଣ ଦାବିରେ ପୋଢଟିକିରା ଛକରେ ଅପରାହ୍ନ ୨ଟାରୁ ଶବ ରଖି ରାସ୍ତା ଅବରୋଧ କରିଥିଲେ । । ଖବର ପାଇ  ମାଜଷ୍ଧେଟ ଭାବରେ ଉଲୁଣ୍ଡା ତହସିଲଦାର ପୁର୍ଣ୍ଣଚନ୍ଦ୍ର ନାଏକ, ଡିଏସପି ମିହିର ପଣ୍ଡା, ଆଇଆଇସି ଚନ୍ଦ୍ର ମୋହନ ସିଂ  ପହଂଚି ଉତ୍ୟକ୍ତ ଲୋକଙ୍କ ସହିତ ଆଲୋଚନା କରିବା ପରେ ବିଫଳ ହୋଇଥିଲେ । ମାତ୍ର ଉତ୍ୟକ୍ତ ଲୋକେ ଦୁର୍ଘଟଣା ଘଟାଇଥିବା ପରିବାର ଲୋକେ ମୃତ ପରିବାରକୁ କ୍ଷତିପୁରଣ ବାବଦକୁ ୨୦ ଲକ୍ଷ ଟଙ୍କା ଦେବା ପାଇଁ  ଦାବି କରିଥିଲେ । ପରେ ଦୁର୍ଘଟଣା ଘଟାଇଥିବା ପରିବାର ତରଫରୁ ୧୦ ହଜାର ଟଙ୍କା ସହାୟତା ଦେବା ସହ  ରେଡକ୍ରସରୁ ୧୦ ହଜାର, ହରିଶ୍ଚନ୍ଦ୍ର ଯୋଜନାରେ ୨ହଜାର ଏବଂ ସରକାରୀ ନିୟମ ଅନୁସାରେ ବାକି ସବୁ ସହାୟତା ପ୍ରଦାନ କରାଜିବ ବୋଲି ପ୍ରଶାସନିକ ଅଧିକାରୀ ମାନେ ପ୍ରତିଶୃତି ଦେବା ପରେ ସଂଧ୍ୟା ୭ ଟାରେ ରାସ୍ତାରୋକ ପ୍ରତ୍ୟାହୁତ ହୋଇଥିଲା । ପରେ ଯାନବାହାନ ଚଲାଚଲ ସ୍ୱଭାବିକ ହୋଇଥିଲା । ପ୍ରକାଶ ଥାଉକି ମୃତ ବାବୁଲାଙ୍କ ସ୍ତ୍ରୀ ଗର୍ଭବତୀ ଥିବା ବେଲେ ତାଙ୍କର ଗୋଟିଏ ୩ବର୍ଷର ôଝଅ ଅଛି । ତେବେ ଆନ୍ଦୋଳନ ସ୍ଥଳରେ ମୃତକଙ୍କ ôଝଅ ନ୍ୟାୟ ମାଗୁଥିବା ଘଟଣା ସମସ୍ତଙ୍କୁ ସ୍ତବ୍ଦ କରି ଦେଇଥିଲା । ଯଥାଶିଘ୍ର ପରିବାରକୁ କ୍ଷତିପୁରଣ ଦେବା ସହିତ ଥଇଥାନ କରିବାକୁ  ଦାବି ହେଉଛି ।