17-Oct-2020

ନର୍ଲା (ସଞ୍ଜୀବ ଦାସ) :କାଶତଣ୍ଡି ଫୁଲେ ଫୁଲେ ଫଗୁଣ ଆସିଛି।-ଋତୁ ଚକ୍ରରେ ତାଳେ ତାଳେ ବଦଳିଥାଏ ପ୍ରକୃତିର ସୌନ୍ଦର୍ଯ୍ୟ।ସର୍ବଦା ସବୁଜ ସୁନ୍ଦର ରଙ୍ଗରେ ଚହଟୁ ଥିବା ଧରିତ୍ରୀ ଶରତ ଋତୁରେ ଧଳା ଫର ଫର କାଶତଣ୍ଡି ଫୁଲର ଶାଢ଼ୀ ପିନ୍ଧି ସତେ ଯେପରି ଜଗତ ଜନନୀ ମାଁ ଦୁର୍ଗାଙ୍କ ଧରାଵତରଣକୁ ଆଗମନ କରିଥାନ୍ତି।ଖୋଲା ଆକାଶର ରାସ୍ତା କଡଠାରୁ ଆରମ୍ଭ କରି ନଇ ପଠା ପର୍ଯ୍ୟନ୍ତ ଧଳା ରଙ୍ଗର କାଶ ତଣ୍ଡି ଫୁଲର ପସରା ପ୍ରକୃତିର ସୌନ୍ଦର୍ଯ୍ୟକୁ ଦୁଇଗଣିତ କରି ଦେଇଛି।ଧରଣୀର ଏଭଳି ସୁନ୍ଦର ମାଦକତାର ରୁପକୁ ମନଭରି ଉପଭୋଗ କରିବା ପାଇଁ ରାସ୍ତାରେ ଅଟକି ଯାଏ ବାଟୋଇ ଟିଏ।ଖାଲି ସୁନ୍ଦରତାରେ ନୁହଁ ଔଷଧିୟ ଗୁଣରେ ବି କାଶତଣ୍ଡିର ମହତ୍ତ୍ଵ ଅନେକ ବୋଲି ପୁରୁଣା କାଳ ଲେଖାରେ ବର୍ଣ୍ଣିତ ଅଛି।ଗଜାନନ ଙ୍କ ପୂଜା ପରେ କାଶତଣ୍ଡିର ସୁନ୍ଦର ପସରାର ଆରମ୍ଭ ହୁଏ ଓ ମାଁ ଦୁର୍ଗାଙ୍କ ଆଗମନରେ ପ୍ରକୃତିର ଶୋଭା ମଣ୍ଡନ କରୁଥିବା କାଶତଣ୍ଡି ମାଁଙ୍କ ମେଲାଣି ପରେ ସୂତପ୍ରବୃତ ଭାବେ ମଉଳି ଯାଏ ବୋଲି ପୌରାଣିକ ମତ ରହିଛି।