14-Mar-2021

ନୟାଗଡ଼ (ପ୍ରଦୀପ କୁମାର ପଣ୍ଡା) :ଆବଶ୍ୟକତା ଦୃଷ୍ଟିକୋଣରୁ ନୟାଗଡ଼ ଜିଲ୍ଲା ନୂଆଗାଁ ବ୍ଲକର ମାଳିସାହି ପଞ୍ଚାୟତ ର ଗତିଶ୍ଵର ଡିଗ୍ରୀ କଲେଜ ରେ ଏକ ଡିଜିଟାଲ ଲାଇବ୍ରେରୀ ଗୃହ ର ଭିତ୍ତିପ୍ରସ୍ତର ସ୍ଥାପନ କରାଯାଇଛି | ଏମଏଲଏ ଲ୍ୟାଡ଼ ରୁ ଦଶପଲ୍ଲା ବିଧାୟକ ତଥା ନୟାଗଡ଼ ଜିଲ୍ଲା ବିଜେଡି ସଭାପତି ଶ୍ରୀଯୁକ୍ତ ରମେଶ ଚନ୍ଦ୍ର ବେହେରା ଅର୍ଥ ରାଶି ଘୋଷଣା କରିବା ସହିତ ଉକ୍ତ କାର୍ଯ୍ୟକ୍ରମ ର ଆୟୋଜନ କରିଥିଲେ | ଏହି କାର୍ଯ୍ୟକ୍ରମ ରେ ଉଚ୍ଚ ଶିକ୍ଷା ମନ୍ତ୍ରୀ ଅରୁଣ କୁମାର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ବୌଦ୍ଧିକ ବିକାଶ ସହ ବ୍ୟବହାରିକ ବିକାଶ ଉପରେ ବକ୍ତବ୍ୟ ରଖିବା ସହିତ ଅବକାଶ ସମୟରେ ଛାତ୍ରଛାତ୍ରୀ ମାନେ ଗ୍ରନ୍ଥାଗାର ଗୃହରେ ବସି ପୁସ୍ତକ ଅଧ୍ୟୟନ ପ୍ରତି ଆଗ୍ରହ ବଢିବା ଆବଶ୍ୟକ ବୋଲି କହିଥିଲେ | ଏହି କାର୍ଯ୍ୟକ୍ରମ ରେ ଶ୍ରୀଯୁକ୍ତ ବେହେରା ମହାବିଦ୍ୟାଳୟ ର ପାରିପାର୍ଶ୍ଵିକ ସ୍ଥିତି ଅନୁଧ୍ୟାନ କରିବା ସହିତ ଶୈକ୍ଷିକ ବାତାବରଣ ଏବଂ ବିଦ୍ୟାର୍ଥୀ ଙ୍କ ଅସୁବିଧାର ସମାଧାନ ପାଇଁ ତାଙ୍କର ଚେଷ୍ଟା ଜାରିରହିବ ବୋଲି ମତବ୍ୟକ୍ତ କରିଥିଲେ | ଏହି କାର୍ଯ୍ୟକ୍ରମ ରେ ନୂଆଗାଁ ବ୍ଳକ ଅଧ୍ୟକ୍ଷ ଅନ୍ତର୍ଯ୍ୟାମୀ ସ୍ୱାଇଁ, ମହାବିଦ୍ୟାଳୟ ର ପ୍ରତିଷ୍ଠାତା ଅଲେଖ ବେହେରା, ଅଧ୍ୟକ୍ଷ ସୁଶାନ୍ତ କୁମାର କର ପ୍ରମୁଖ ଉପସ୍ଥିତ ଥିଲେ | ଅଞ୍ଚଳ ର ବହୁତ ବୁଦ୍ଧିଜୀବୀ ତଥା ଶିକ୍ଷାବିତ ମାନେ ଏହିଭଳି କାର୍ଯ୍ୟକ୍ରମ ପାଇଁ ସ୍ଥାନୀୟ ବିଧାୟକ ଏବଂ ମନ୍ତ୍ରୀ ଙ୍କୁ ଭୁରି ପ୍ରଶଂସା କରିଛନ୍ତି |