14-Mar-2021

କେସିଙ୍ଗା (ପ୍ରେରଣା ଖବର) କଳାହାଣ୍ଡି ଜିଲ୍ଲା କେସିଙ୍ଗା ବ୍ଳକ ର ଶିରୋଲ ଗ୍ରାମ ପଞ୍ଚାୟତ ଅଧିନସ୍ତ ପୋଡ଼ଖମ୍ବ ଗ୍ରାମ ର  ନିକଟରେ ଏକ ବ୍ରିଜ କାମ ନିର୍ମାଣ ସମୟରେ  ଦୁଇ ଜଣ ଶ୍ରମିକ ବିଦ୍ୟୁତ ତାର ସଂସ୍ପର୍ଶରେ ଆସି  ଚେତା ଶୁନ୍ୟ ହେବାରୁ ରବିବାର ସକାଳ 9 ଘଣ୍ଟା ସମୟରେ କେସିଙ୍ଗା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଚିକିତ୍ସିତ କରିବା ପାଇଁ ନିଆ ଯାଇଥିଲା।କିନ୍ତୁ ଅତି ସଙ୍କଟାପନ୍ନ ହେବାରୁ ଦୁଇ ଜଣ ଶ୍ରମିକଙ୍କୁ ଭବାନୀପାଟଣା ସରକାରୀ ହସ୍ପିଟାଲ କୁ ସ୍ଥାନାନ୍ତରିତ କରା ଯାଇଛି।
ପୁର୍ତ୍ତ ବିଭାଗ ଦ୍ଵାରା ପୋଡ଼ଖମ୍ବ ଗ୍ରାମ ନିକଟରେ ଥିବା  ବୁଡ଼ାବାହାଲ ନିକଟରେ ଏକ ବ୍ରିଜ ଦୀର୍ଘ ଦିନରୁ ଚାଲୁଅଛି।ବ୍ରିଜ କାର୍ଯ୍ୟ ରେ ପାଣି ସିଞ୍ଚନ ପାଇଁ ଏକ ପାଣି ଟାଙ୍କି  ନମ୍ବର ORO8B-9291  ଅଣା ଯାଇଥିଲା ।ପାଣି ଅଛିକି ନାହିଁ  ବୋଲି କାର୍ଯ୍ୟରତ ଦୁଇ ଜଣ  ଶ୍ରମିକଙ୍କ ମଧ୍ୟରୁ ଜଣେ ୧୪ ବର୍ଷର  ଜିତୁ ମାଝୀ ନାମକ ନାବାଳକ  ଶ୍ରମିକ ପାଣି  ଟାଙ୍କି ଗାଡି ଉପରକୁ   ଚଡି ଯାଇ ଏକ ଲୁହା ଛଡ଼ ଦ୍ବାରା  ପାଣି ଟାଙ୍କି ଭିତରକୁ ପସାଇ ଦେଇଥିଲା।ପାଣି ଟାଙ୍କି ଉପର ଦେଇ 33  KV. ବିଦ୍ୟୁତ ତାର କେସିଙ୍ଗା ରୁ  ଗାୟତ୍ରୀ ତେଲମିଲ କୁ ସଂଯୋଗ ହୋଇ ଥିବା ସେହି   ତାର ରେ ସଂଯୋଗ ହେବାରୁ ଜିତୁ ମାଝି ର ଦେହର ବିଭିନ୍ନ  ଅଂଶ ରେ ପୋଡ଼ି ଯାଇ  ଚେତା ଶୁନ୍ୟ ହୋଇଥିଲା।ତଳେ ଥିବା ଅନ୍ୟ ଜଣେ 55 ବର୍ଷୀୟ ଡେକୁଲା ମାଝୀ  ର ଦେହର ବିଭିନ୍ନ ଅଂଶ ପୋଡି ଯାଇ ଛି।ଉଭୟଙ୍କୁ  ଠିକାଦାର ଗାଡ଼ିରେ କେସିଙ୍ଗା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ପ୍ରାଥମିକ ଚିକିତ୍ସା ପାଇଁ ପଠାଇଥିଲେ।କିନ୍ତୁ  ଉଭୟଙ୍କ ଦେହ ଅତି ସଙ୍କଟାପନ୍ନ ହେବାରୁ  ଭବାନୀପାଟଣା ହସ୍ପିଟାଲ କୁ ସ୍ଥାନାନ୍ତରିତ କରା ଯାଇଛି।