11-Mar-2021

ପାଟଣାଗଡ଼ (ଗୋରେଖନାଥ ବରିହା): ପାଟଣାଗଡ଼ ସହରରେ ଦେଖାଦେଇଥିବା ଟ୍ରାଫିକ ସମସ୍ୟା ଦିନ କୁ ଦିନ ଜଟିଳ ହେବାରେ ଲାଗିଛି । ଏନେଇ ପ୍ରଶାସନର ଦୃଷ୍ଟି ଆକର୍ଷଣ କରାଯାଇଥିଲେ ସୁଦ୍ଧା କିଛି ସୁଫଳ ମିଳୁ ନଥିବାରୁ ଜନ ଅସନ୍ତୋଷ ବଢିବାରେ ଲାଗିଛି । ସହର  ମୁଖ୍ୟ କଲେଜ ଛକ ଠାରୁ ରାମଜୀ ଛକ ପର୍ଯ୍ୟନ୍ତ ରାସ୍ତାରେ ଉତ୍କଟ ଟ୍ରାଫିକ ସମସ୍ୟା ସୃଷ୍ଟି ହେଉଛି । ଅନ୍ୟ ପକ୍ଷରେ ବସ୍ ଷ୍ଟାଣ୍ଡ ରୁ ରାମଜୀ ଛକ ପର୍ଯ୍ୟନ୍ତ ରାସ୍ତାର  ସଂକୁଚିତ ହୋଇ ଥିବା ଓ ସପ୍ତାହିକ ବଜାର ବସିଥିବା ଦିନ ଗୁଡିକରେ ଲୋକଙ୍କ ଭିଡ଼ ଯୋଗୁଁ ଗୋଟିଏ ଗାଡ଼ି ଗଲେ ବିପରିତ ଦିଗରୁ ଆସୁଥିବା ଗାଡି , ବାଇକ୍ , ଆମ୍ବୁଲାନ୍ସ ଯାଇପାରୁନଥିବା ସହ ଘଣ୍ଟା ଘଣ୍ଟା ଧରି ଅଟକି ରହୁଥିବା ଦେଖିବାକୁ ମିଳିଛି । ସହର ମୁଖ୍ୟ  କଲେଜ ଛକ ରେ ଟ୍ରାଫିକ ସମସ୍ୟା ଦେଖାଦେଇଛି । କଲେଜ ଛକ ଟି ସଂକୁଚିତ ହେଉଥିବା ବେଳେ ଉକ୍ତ ଛକ ରାସ୍ତାରେ କଲେଜକୁ  ଯାଉଥିବା ଛାତ୍ର ଛାତ୍ରୀ ନିଜକୁ ସୁରକ୍ଷିତ ମଣୁନାହାନ୍ତି । ଛକ ରେ  ବିଭିନ୍ନ ସମୟରେ ଛୋଟ ବଡ଼ ଦୃର୍ଘଟଣା ଘଟି ଧନଜୀବନ ହାନି ଘଟିବାର ନଜିର ରହିଛି । ସହର ବାଇପାସ୍ ରାସ୍ତା ନିର୍ମାଣ ପାଇଁ ଅର୍ଥ ମଞ୍ଜୁର ହୋଇ ଥିବା ବେଳେ ଜମି ଅଧିଗ୍ରହଣ ବିଳମ୍ବ ହେଉଥିବା ଅଭିଯୋଗ ହେଉଛି ।ସହରରେ ଲାଗି ରହିଥିବା  ଟ୍ରାଫିକ ସମସ୍ୟା ଓ ବାଇପାସ୍ ରାସ୍ତାର ସମାଧାନ ଓ ନିର୍ମାଣ ପାଇଁ ପ୍ରଶାସନ ଓ ଜନପ୍ରତିନିଧିଙ୍କ ଆନ୍ତରିକ ଇଚ୍ଛାଶକ୍ତି ର ଆବଶ୍ୟକ ରହିଛି ବୋଲି ମତପ୍ରକାଶ ପାଉଛି । 

      ସେମାନେ ଯାହା କୁହନ୍ତି 
ଟ୍ରାଫିକ ସମସ୍ୟା ସମାଧାନ ଏକ ମାତ୍ର ଉପାୟ  ସହରର ମୂଖ୍ୟ  ଛକ ଗୁଡିକ ରେ ବେକାରୀ ଯୁବକ ମାନଙ୍କୁ ନିଯୁକ୍ତି ଦିଆଯାଉ । ଯାହାଫଳରେ ବେକାରୀ ସମସ୍ୟା ଦୂର ହେବା ସାଙ୍ଗକୁ ଟ୍ରାଫିକ ସମସ୍ୟା ରେ ସୁଧାର ଆସିବ । 
             ଡିଙ୍ଗର କୁମ୍ଭାର, ଜନମଞ୍ଚ , ସଫେଇ କର୍ମଚାରୀ ସଂଘ , ସଭାପତି 

 ଦୀର୍ଘଦିନ ହେବ ଟ୍ରାଫିକ ସମସ୍ୟା ପାଟଣାଗଡ଼ ସହର ରେ ଲାଗି ରହିଛି । ଆମେ ପ୍ରାୟ ଶହେ ଜଣ ଯୁବକ କୁ ନେଇ ଟ୍ରାଫିକ ସମସ୍ୟା ର ସମାଧାନ ପାଇଁ ଦାବି ଉପସ୍ଥାପନ କରିଥିଲୁ । କିନ୍ତୁ କୈାଣସି ସୁଫଳ ମିଳିନାହିଁ । ଅନ୍ୟ ଦିଗରେ ପ୍ରଶାସନ ଓ ଜନ ପ୍ରତିନିଧି ଙ୍କ ମତଭେଦ ଲାଗି ରହିଥିବା ଯୋଗୁଁ ଟ୍ରାଫିକ ସମସ୍ୟା ର ସମାଧାନ ହୋଇପାରୁନାହିଁ ।
         ବିମଳ କୁମାର  ବାଗ, ସଭାପତି
ଠେଲା ଉଠାଦୋକାନୀ  ସଂଘ, ପାଟଣାଗଡ଼