15-Oct-2020

ବଲାଙ୍ଗୀର:-ବଲାଙ୍ଗୀର ଜିଲ୍ଲା ତୁଷୁରା ଏବଂ ଗୁଡ଼ଭେଲା ବ୍ଲକ୍ କୁ ସଂଯୋଗ କରୁଥିବା ମୁଖ୍ୟ ରାସ୍ତା ରେ ଥିବା ତେଲ ନଦୀ ବ୍ରିଜ ଉପରେ ଆଜି ଅପରାହ୍ନ ରେ ଧଳା ରଙ୍ଗର ହିରୋ ସ୍କୁଟି ଏବଂ ଦୁଇ ଜଣ ଯୁବତୀ ଙ୍କ ଚପଳ ଥିବା ବେଳେ ଯୁବତୀ ଦୁଇ ଜଣ ନଦୀ କୁ ଡେଇ ଛନ୍ତି ନା ନୀରୁଦ୍ଦିଷ୍ଟ ବର୍ତମାନ ପର୍ଯ୍ୟନ୍ତ ଜଣାପଡିନାହିଁ । ସ୍ଥାନୀୟ ଲୋକଙ୍କ ଚର୍ଚ୍ଚା ରୁ ଜଣାପଡେ ଯୁବତୀ ଦ୍ବୟ ନଦୀ କୁ ଡ଼େଇ ଆତ୍ମହତ୍ୟା କରିଛନ୍ତି । ପୋଲ ଉପରେ ଥିବା ସ୍କୁଟି ର ନମ୍ୱର୍ ଓଡି ୦୮ଜି ୧୪୨୦ ହୋଇଥିବା ବେଳେ ଗାଡି ର ମାଲିକ ଙ୍କ ନାମ ଗୁଡଭେଲା ନିବାସୀ ରାମୋତର ଅଗ୍ରୱାଲ ବୋଲି ଜଣାପଡିଛି । ସ୍ଥାନୀୟ ଲୋକଙ୍କ ଚର୍ଚ୍ଚାରୁ ଜଣାପଡେ ଗୁଡ଼ଭେଳା ପଟରୁ ଦୁଇ ଜଣ ଯୁବତୀ ପୋଲ ଉପରେ ଗଡ଼ି ରଖି ନଦୀ କୁ ଲମ୍ଫ ଦେଇଥିବା ବେଳେ ବର୍ତମାନ ପର୍ଯ୍ୟନ୍ତ ପୋଲିସ ଏବଂ ଓଡ୍ରଫ୍ଟ୍ ଟିମ୍ ଯୁବତୀ ଦ୍ୱୟ ଙ୍କ କୌଣସି ସୁରାକ ପାଇ ନାହାଁନ୍ତି । ପୋଲିସ ତେଲ ବ୍ରିଜ ରୁ ବୌଦ୍ଧ ବୋର୍ଡର କେନ୍ଦ୍ ଘାଟ ପର୍ଯ୍ୟନ୍ତ ଖୋଜିବାରେ ଲାଗିଛି । ନଦୀରେ ପ୍ରଖର ଜଳ ପ୍ରବାହିତ ହେଉଥିବାରୁ ଉଦ୍ଧାରକାରୀ ଟିମ୍ କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡୁଛି । ପୋଲିସ ତଦନ୍ତ କରୁଥିବା ବେଳେ ଏହା ଆତ୍ମହତ୍ୟା ନା ନିଖୋଜ କାରଣ ଜଣାପଡି ନ ଥିବା ବେଳେ ଦୁଇ ଜଣ ଯୁବତୀ ହେଲେ ଅନମୋଲ୍ ଅଗ୍ରୱାଲ (୨୨)ଓ ଆଁଚଳ ଅଗ୍ରୱାଲ (୧୯) ବୋଲି ଜଣାପଡିଛି । ଅଧିକ ତଥ୍ୟ ଜାଣିବାକୁ ସ୍ଥାନୀୟ ପୋଲିସ କୁ ପଚାରିବାରୁ ଘଟଣା ସମ୍ପର୍କରେ କୌଣସି ସଠିକ ତଥ୍ୟ ମିଳିପାରିନାହିଁ । ପୋଲିସ ଏବଂ ଦମକଳ ବାହୀନି ଯୁବତଦ୍ୱୟଙ୍କୁ ଖୋଜିବାରେ ବ୍ୟସ୍ତ ଅଛନ୍ତି । ଘଟଣାସ୍ଥଳରେ ତୁଷୁରା ପୋଲିସ ଏବଂ ଏସ ଡି ପି ଓ ଉପସ୍ଥିତ ରହି ତଦନ୍ତ ଜାରି ରଖିଛନ୍ତି ।