02-Mar-2021

ଖଲ୍ଲିକୋଟ(ପ୍ରେରଣା ଖବର) : ଗଞ୍ଜାମ ଥାନା ଅନ୍ତର୍ଗତ ସୂର୍ଯ୍ୟନାରାୟଣପୁର ୧୬ନମ୍ବର ଜାତୀୟ ରାଜପଥ ଉପରେ ଓଲଟିଛି ଗ୍ୟାସ୍ ଟ୍ୟାଙ୍କର । ମଙ୍ଗଳବାର ଅପରାହ୍ନ ୫ଟାରେ ଏକ ଗ୍ୟାସ୍ ଟ୍ୟାଙ୍କର ଓଲଟି ପଡିଥିଲା । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଥିଲା । ଟ୍ୟାଙ୍କରଟି ପାରାଦୀପରୁ ୧୮ ଟନ୍ ଏମୋନିଆ ଗ୍ୟାସ୍ ନେଇ ବିଶାଖାପାଟଣା ଅଭିମୁଖେ ଯାଉଥିବା ବେଳେ ଏକ ଟ୍ରକକୁ ଓଭରଟେକ୍ କରୁଥିବା ବେଳେ ଭାରସାମ୍ୟ ହରାଇ ଓଲଟି ପଡିଥିଲା।  

ତେବେ ଏହି ଘଟଣାକୁ ୧୫ ଘଣ୍ଟା ବିତିଯାଇଥିଲେ ସୁଦ୍ଧା ଏପର୍ଯ୍ୟନ୍ତ ରାସ୍ତା ଉପରୁ ହଟାଯାଇପାରିନି । ପାରାଦୀପରୁ ୪ ଜଣିଆ ଯାଞ୍ଚ ଟିମ୍ ଆସି ଯାଞ୍ଚ କାର୍ଯ୍ୟ ଚଳାଇଛନ୍ତି ।  ଯାଞ୍ଚ ପ୍ରକ୍ରିୟା ସରିବା ପରେ ୫ଟି କ୍ରେନ୍ ସାହାଯ୍ୟରେ ଓଲଟି ପଡିଥିବା ଟ୍ୟାଙ୍କରକୁ ଉଠାଯିବ ।  ଅନ୍ୟପଟେ ମଙ୍ଗଳବାର ସନ୍ଧ୍ୟା ସମୟରୁ ହିଁ ଜାତୀୟ ରାଜପଥରେ ଶହ ଶହ ଯାନବାହନ ଅଟକି ରହିଥିବା ବେଳେ ଉଦ୍ଧାରକାର୍ଯ୍ୟ ବିଳମ୍ବ ଯୋଗୁଁ ଜନ ଅସନ୍ତୋଷ ଦେଖାଯାଇଛି ।