28-Feb-2021

ଜଟଣୀ: ତିରିମଲ ରାସ୍ତାରେ ନିଆଁର ପ୍ରକୋପରେ ଯାନବାହାନ ଇତ୍ୟାଦି ଯାତାୟତ ବନ୍ଦ ହୋଇଯାଇଥିଲା । ଏନେଇ ଲୋକେ ଜଟଣୀ ଅଗ୍ନିଶମ ବିଭାଗକୁ ଫୋନକରି ଜଣାଇଥିଲେ । ଖବରପାଇ ଜଟଣୀ ଅଗ୍ନିଶମ ବିଭାଗ ଘଟଣାସ୍ଥଳରେ ପହଁଚି ନିଆଁକୁ ଆୟତ କରିବାକୁ ଚେଷ୍ଟାକରିଥିଲା ।
ସେଥିରେ ବିଫଳ ହେବାରୁ ପୁଣି ଆଉ ୨ଟି ଦମକଳଗାଡି ଆଣି ନିଆଁକୁ ଦିର୍ଘ ୨ଘଂଟାର ଅକ୍ଳାନ୍ତ ପରିଶ୍ରମ ପରେ ଆୟତ କରିଥିଲେ । ସେହିପରି ବାଛରାମୁଣ୍ଡିଆରେ ମଧ୍ୟ ଆଜି ପୁର୍ବାହ୍ନ ୧୦ଟାଠାରୁ କେହି ବ୍ୟକ୍ତି ନିଆଁ ଲଗାଇଦେବା ଫଳରେ ନିଆଁର ପକୋପ ଏବଂ ଗ୍ରୀଷ୍ମପ୍ରବାହରେ ସ୍ଥାନୀୟ ଲୋକେ ଅଣନିଶ୍ୱାସୀ ହୋଇଯାଇଥିଲେ ।
ଏନେଇ ଲୋକେ ଆତଙ୍କିତ ହୋଇଯାଇଥିଲେ । ତେବେ ବାରମ୍ବାର ବିଭିନ୍ନ ସ୍ଥାନରେ ଏପରି ଗଛଲଟା ପୋଡିବା ଆଳରେ ଲୋକମାନେ ନିଆଁଲଗାଇ ପରିବେଶକୁ ନଷ୍ଟ କରୁଛନ୍ତି । ଜଟଣୀ ସହରରେ ମଧ୍ୟ ଅନୁରୁପ ଗ୍ରୀଷ୍ମପ୍ରବାହ ଜାରି ରହୁଛି ।

ଏବେଠାରୁ ଲୋକେ ଗ୍ରୀଷ୍ମପ୍ରବାହରେ ଡହଳବିକଳ ହେଲେଣି । ଏପରି କାର୍ଯ୍ୟକରୁଥିବା ଅସାମାଜିକ ବ୍ୟକ୍ତିଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବି କରାଯାଇଛି ।