25-Feb-2021

ଉଲୁଣ୍ଡା(ଗୌରଚନ୍ଦ୍ର ପରିଛା)- ଉଲୁଣ୍ଡା ବ୍ଲକର ପୋଢଟିକିରା ଠାରୁ ପାତାଳୀ ଶ୍ରୀକ୍ଷେତ୍ରକୁ ସଂଯୋଗ କରିଥିବା ରାସ୍ତାଟି  ଏବେ ଲସ୍ତଲା ଠାରୁ ନାକଡେଇଁ ପର୍ଯ୍ୟନ୍ତ ମରଣଯନ୍ତା ସାଜିଛି । ଫଳରେ ଲୋକେ ବହୁ ଅସୁବିଧାର ସମ୍ମୁଖିନ ହେଉଛନ୍ତି । ପ୍ରକାଶ ଯେ ଏହି ରାସ୍ତାକୁ କିଛି ବର୍ଷ ପୁର୍ବରୁ ଆରଡି ବିଭାଗ ତରଫରୁ ନିର୍ମାଣ କରାଯାଇଥିଲା । ମାତ୍ର ରାସ୍ତାର ମରାମତି କରାଯାଉନଥିବାରୁ ମେଟାଲ ସବୁ ବାହାରି ଆସିବା ସହ ବଡ ବଡ ଖାଲ ହୋଇ ମରଣଯନ୍ତା ସାଜିଛି । ଏହି ରାସ୍ତା ଦେଇ ପ୍ରତ୍ୟହ ନାକଡେଇଁ ସମେତ ପାତାଲି ଶ୍ରୀକ୍ଷେତ୍ର, ଠେଙ୍ଗୋଡେମ, ରେଢାଖୋଲ, ବଡମାଲ ଆଦି ଅଂଚଲକୁ ଜିବା ଅସିବା କରିଥାନ୍ତି । ମାତ୍ର ବିଭାଗର ଖାମଖିଆଲି ମନୋଭାବ ଯୋଗୁଁ ଲୋକେ ଜିବା ଆସିବାରେ ବହୁ ଅସୁବିଧାର ସମ୍ମୁଖିନ ହେଉଛନ୍ତି । ବିଶେଷକରି ଏହି ରାସ୍ତାଦେଇ ସୋନପୁର, କଂଟାମାଲ, ବଲାଙ୍ଗିର ଆଦି ଅଂଚଲରୁ ଲୋକମାନେ ଅନ୍ୟତମ ପର୍ଯ୍ୟଟନ ସ୍ଥଳି ପାତାଲି ଶ୍ରୀକ୍ଷେତ୍ର ଏବଂ ଠେଙ୍ଗୋଡେମକୁ ଆସିଥାନ୍ତି । ମାତ୍ର ରାସ୍ତାଟି ବ୍ୟବହାର ଉପଯୋଗୀ ହୋଇପାରୁନଥିବାରୁ ପର୍ଯ୍ୟଟକଙ୍କ ମନରେ ଅଶନ୍ତୋଷ ଦେଖାଦେଇଛି । ରାସ୍ତାଘାଟର ବିକାଶ ପାଇଁ  କୋଟି କୋଟି ଟଙ୍କା ଖର୍ଚ କରାଯାଉଥିବା ବେଲେ ଏହି ଗୁରୁତ୍ୱପୁର୍ଣ୍ଣ ରାସ୍ତାକୁ ଦୃଷ୍ଟି ଦିଆଯାଉନଥିବା ଯୋଗୁଁ ଅଂଚଲରେ ଗଭୀର ଅସନ୍ତୋଷ ଦେଖାଦେଇଛି ।