23-Feb-2021

ଲୋଇସିଂହା, (ବିନୋଦ କୁମାର ଦୀପ ): ଆଜି ଲୋଇସିଂହା ବୁଢ଼ୀପଦର ଗ୍ରାମ ପଂଚାୟତ ରୁଗୁଡ଼ିଖାଲ ପାଖରେ ଏକ ମର୍ମନ୍ତୁଦ ରାସ୍ତା ଦୁର୍ଘଟଣା ଘଟି ଯାଇଛି l ମୋଟର ସାଇକେଲ ଓ ମାରୁତି କାର ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ଦୁଇ ଜଣ ଶିକ୍ଷକ ଗୁରୁତର ଭାବେ ଆହତ ହୋଇଛନ୍ତି l

    ସୂଚନାନୁସାରେ ସ୍ଥାନୀୟ ଆଦିବାସୀ ହରିଜନ ହାଇସ୍କୁଲ କେଉଁଟିପାଲିର ଖେଳ ଶିକ୍ଷକ ଶିବପ୍ରସାଦ ବିଶି ଓ ହିନ୍ଦୀ ଶିକ୍ଷକ ଦୀପକ କୁମାର ସାହୁ  ଏକ ମୋଟର ସାଇକେଲ ଯୋଗେ ସ୍କୁଲରୁ ଘରକୁ ଫେରୁଥିଲେ l ବାଟରେ OD-26B 1166 ନାମକ ଏକ ମାରୁତି କାର ଶିକ୍ଷକ ଦୁହେଁ ବସିଥିବା ହିରୋହଣ୍ଡl ମୋଟର ସାଇକେଲକୁ ଧକ୍କା ଦେଇଥିଲା l ଦୁର୍ଘଟଣାରେ   ଦୁଇ ଶିକ୍ଷକ ଗୁରୁତର ଆହତ ହୋଇଛନ୍ତି l ସୁଚନା ପାଇ ସେହି ସ୍ଥାନକୁ ଅଗ୍ନିଶମ ଗାଡି ପହଂଚି ଦୁଇ ଜଣଙ୍କୁ କ୍ଷତାକ୍ତ ଅବସ୍ଥାରେ ଉଦ୍ଧାର କରି ଲୋଇସିଂହା ହସ୍ପିଟାଲରେ ଭର୍ତି କରିଥିଲେ lପରେ ୨ ଜଣଙ୍କ ଅବସ୍ଥାକୁ ଦେଖି  ଡାକ୍ତର ଲୋଇସିଂହା ରୁ  ବଲାଙ୍ଗୀର ହସ୍ପିଟାଲକୁ  ରେଫର କଲେ l ବଲାଙ୍ଗୀରରେ ସୁଧାର ନ ଆସି ଗୁରୁତୁ ହେବାରୁ ଏମାନଙ୍କୁ ଡାକ୍ତର ବୁର୍ଲାକୁ ରେଫେର କରିଛନ୍ତି l  ଲୋଇସିଂହା ଥାନାରେ ଏକ ମାମଲା ରୁଜୁ କରାଯାଇଛି l  ଶିକ୍ଷକ ଶିବପ୍ରସାଦ ବିଶି ଖୁସମାଲର ଓ ଦିପକ କୁମାର ସାହୁ  ଚେରୁପାଲୀ ଗ୍ରାମ ର ବୋୋଲି ଜଣାପଡିଛି l