13-Oct-2020

ନୟାଗଡ଼(ପ୍ରଦୀପ ପଂଡା), ନୂଆଗାଁ - ମହୀପୁର ପୋଲିସ ଗଞ୍ଜେଇ ଚୋର ଚାଲାଣ ହୋଇଥିବା ଏକ ଗାଡି ଜବତ କରିଛି |କରୋନା ମହାମାରୀର ତାଣ୍ଡବ ଗଞ୍ଜେଇ ମାଫିଆଙ୍କ ପାଇଁ କୁହୁଡି ଘର ପାଲଟି ଥିବା ବେଳେ ନୟାଗଡ ଜିଲ୍ଲାର ମହୀପୁର ପୋଲିସ ର ସନ୍ଦେହୀ ଆଖିରୁ ବଞ୍ଚିବାର ରାସ୍ତା ଭଟକୀ ଯାଇଛି|  ସୂଚନା ମୁତାବକ ନୟାଗଡ଼ ଜିଲ୍ଲା ନୂଆଗାଁ ଥାନା ଅଧିନସ୍ଥ ମହୀପୁର ଫାଣ୍ଡି ପୋଲିସ ଏକ ମାରୁତି ସୁଇଫ୍ଟଡିଜାୟାର ସହିତ ଅଧା କ୍ୱେଣ୍ଟାଲ ରୁ ଅଧିକ ଗଞ୍ଜେଇ ଜବତ କରିଛି |ବିଳମ୍ବିତ ରାତିରେ ମହୀପୁର ଫାଣ୍ଡି ଅନ୍ତର୍ଗତ ମାଳିସାହି ନିକଟରେ OD-02BAH8856ନମ୍ବର ବିଶିଷ୍ଟ କlର ଉପରେ ସନ୍ଦେହ କରି ମହୀପୁର ଫାଣ୍ଡି ଅଧିକାରୀ ଉମେଶ ଚନ୍ଦ୍ର ଦେବତା ଏବଂ ଏଏସଆଇ ପ୍ରମୋଦ କୁମାର ନନ୍ଦଙ୍କ ସହିତ ପୋଲିସ ଦଳକୁ ନେଇ ଘଟଣା ସ୍ଥଳରେ ଗାଡ଼ିଟିକୁ ଅଟକ ରଖିଥିଲେ |ଗାଡ଼ିଟିକୁ ତଦାରଖ କରିବା ସମୟରେ ୩ ବସ୍ତା ଗଞ୍ଜେଇ, ଏଟିମ କାର୍ଡ ଏବଂ କେତେକ ବ୍ୟାଙ୍କ ପାସବୁକ ଜବତ କରିଥିଲେ | ଘଟଣାସ୍ଥଳରୁ କୌଣସି ବ୍ୟକ୍ତିଙ୍କର ଗଞ୍ଜେଇ ଚୋରାଚାଲାଣ କୁ ଦେବତା ପଣ୍ଡ  କରିଥିବାବେଳେ କାହାରିକୁ ଗିରଫ ନକରି ଫେରିଥିଲା | ମାଜିଷ୍ଟ୍ରେଟ ଙ୍କ ଉପସ୍ଥିତି ରେ ଗଞ୍ଜେଇ ଓଜନ ହୋଇଥିଲା | ପଚାଶ କିଲୋଗ୍ରାମ ଦୁଇଶହ ଗ୍ରାମ ଗଞ୍ଜେଇ ଜବତ ହୋଇଥିବା ସୂଚନା ଦେଇଛନ୍ତି ଫାଣ୍ଡି ଅଧିକାରୀ |  ଉକ୍ତ ଚୋରାଚାଲାଣ ମାଫିଆ ମାନଂକୁ ଧରିପାରୁନଥିବା ବିଷୟରେ ଅଂଚଳ ବାସୀ ପ୍ରଶାସନ କୁ ନିନ୍ଦା କରୁଛନ୍ତି |ନୟାଗଡ ଏସଡିପିଓ ନିରଞ୍ଜନ ପାଢ଼ୀ ସାମ୍ବାଦିକ ସମ୍ମିଳନୀରେ ମନ୍ତବ୍ୟ  ଦେଇଛନ୍ତି ଯେ ଜବତ ଗଞ୍ଜେଇ ଅବକାରୀ ବିଭାଗ ହସ୍ତାନ୍ତର କରାଯିବ |