26-Jul-2026

ବରପାଲି, (ସୁଦାମ ଦୀପ) ସ୍ଵାଧୀନତା ଦିବସ ପାଳନ ପାଇଁ ପ୍ରଶାସନିକ ସ୍ତରରେ  ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଆଜି ଶନିବାର ଅପରାହ୍ନ ୩ ଘଣ୍ଟା ସମୟରେ ବରପାଲି ତହସିଲ ଅଫିସ ମିଟିଙ୍ଗ ହଲ ଠାରେ  ଅତିରିକ୍ତ ତହସିଲଦାର ହିମାଂଶୁ ଶେଖସର ନାଏକ ଙ୍କ ଅଧ୍ୟକ୍ଷତା ରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। ଏହି ଅବସର ରେ ପ୍ରତିବର୍ଷ ପରି  ଚଳିତ ବର୍ଷ ଅଗଷ୍ଟ ୬ ଓ ୭ ତାରିଖ ଦିନ ଛାତ୍ର ଛାତ୍ରୀ ମାନଙ୍କ ବକ୍ତୃତା,ପ୍ରବନ୍ଧ ,ଦେଶାତ୍ମବୋଧକ ସଙ୍ଗୀତ, ଚିତ୍ରାଙ୍କନ ପ୍ରତିଯୋଗିତା ମାନ ହେବା ପାଇଁ ପ୍ରସ୍ତାପ ନିଆଯାଇଥିଲା ହାଇସ୍କୁଲ ପଡିଆ ଠାରେ ଅନୁଷ୍ଠିତ ସାମୁହିକ ପତାକା ଉତ୍ତୋଳନ ଅବସରରେ ଛାତ୍ର ଛାତ୍ରୀ ମାନଙ୍କ ପ୍ୟାରେଡ ଅନୁଷ୍ଠିତ ହେବ। ଚଳିତ ବର୍ଷ ବିଜ୍ଞାପିତ ଅଞ୍ଚଳ ପରିଷଦ ର ଅଧ୍ୟକ୍ଷ ଦୀନେଶ ଗହୀର ପତାକା ଉତ୍ତୋଳନ କରିବା ପାଇଁ ମଧ୍ୟ ନିଷ୍ପତି ନିଆଯାଇଥିଲା । ଆଜିର ଏହି ବୈଠକ ରେ ଅତିରିକ୍ତ ତହସିଲଦାର ଆଲିଶା ବାର୍ଲା ବ୍ଲକ ଅଧ୍ୟକ୍ଷା ରୀନା ଥଇତ, କାର୍ଯ୍ୟନିର୍ବାହୀ ଅଧିକାରୀ ଭୁବନ କୁମାର ଶତପଥୀ ,ଅତିରିକ୍ତ ଶିକ୍ଷାଧିକାରୀ ଦିଲୀପ ମେହେର , ପ୍ରତାପ ସିଂ ଓ ପୋଲିସ ଅଧିକାରୀ ଙ୍କ ସମେତ ବହୁ ବିଭାଗୀୟ ଅଧିକାରୀ, ବିଭିନ୍ନ ସ୍କୁଲ କଲେଜ ର ଶିକ୍ଷକ ଶିକ୍ଷୟତ୍ରୀ, ତଥା ସାମ୍ବାଦିକ ମାନେ ବୈଠକ ରେ ଉପସ୍ଥିତ ଥିଲେ ।