25-Jul-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ )
ସୋନପୁରରେ  ଶ୍ରୀ ବଡ଼ ଜଗନ୍ନାଥ ଙ୍କ ପବିତ୍ର ବାହୁଡ଼ା ଯାତ୍ରା ଓ ସାଂସ୍କୃତିକ କାର୍ଯ୍ୟ କ୍ରମ ମହାସମାରୋହରେ ସମ୍ପନ୍ନ ହୋଇଛି। ଗୁଣ୍ଡିଚା ମନ୍ଦିରରେ ବଳଭଦ୍ର, ମହାପ୍ରଭୁ ଶ୍ରୀ ଜଗନ୍ନାଥ ଓ ମାତା ସୁଭଦ୍ରାଙ୍କୁ ସକାଳୁ ସ୍ନାନ କରାଯାଇ ମଙ୍ଗଳ ଆଳତି କରାଯାଇଥିଲା। ପରେ ତିନିଠାକୁରଙ୍କୁ ରୀତିନୀତିରେ ପୂଜାର୍ଚ୍ଚନା କରାଯାଇ ବିଭିନ୍ନ ଭୋଗ ଅର୍ପଣ କରାଯାଇଥିଲା। ସନ୍ଧ୍ୟା ୫ଟାରେ ଚତୁଦ୍ଧା ମୂର୍ତ୍ତିଙ୍କୁ ଆଳତି କରାଯାଇ ପହଣ୍ଡିକରି ରଥାରୁଢ଼ କରାଯାଇଥିଲା I ଚତୁର୍ଦ୍ଧାମୂରତୀ ମାଉସୀ ମନ୍ଦିରରୁ ବାହାରିବା ପରେ ମନ୍ଦିର ସମ୍ମୁଖରେ ବିଭିନ୍ନ ବ୍ୟକ୍ତି ତଥା ସଂଗଠନ ପକ୍ଷରୁ ଉପନ ଭୋଗ ଅର୍ପଣ କରିଥିଲେ। ମହାପ୍ରଭୁଙ୍କ ପହଣ୍ଡି ସମୟରେ କଳାକାରମାନେ ସଂକୀର୍ତ୍ତନ ପରିବେଷଣ
କରାଯାଇଥିଲା। ଶ୍ରୀ ଜଗନ୍ନାଥ ମନ୍ଦିରର ପୂଜକ ରାମଗୋପାଳ ପୂଜାରୀ, ସୁମିତ ପୂଜାରା, ଅଶ୍ବିନୀ ପୂଜାରୀ ସମସ୍ତ ପୂଜାନୀତି ତୁଲାଇ ଥିବାବେଳେ ବ୍ରହ୍ମଣ ସମାଜର ଜୟନାରାୟଣ ମିଶ୍ର, ଜଗଦାନନ୍ଦ ମିଶ୍ର, ସଚ୍ଚିଦାନନ୍ଦ ଦାଶ, ନନ୍ଦକିଶାର ତ୍ରିପାଠୀ, ମନୋରଂଜନ ମିଶ୍ର, ମିଲନ ମିଶ୍ର, କାଳିଆ ମିଶ୍ର, ନିମାଇଁଚରଣ ପାଣିଗ୍ରାହୀ, ଆଶିଷ କୁମାର ନାୟକ ପ୍ରମୁଖ  ପହଣ୍ଡି କାର୍ଯ୍ୟ ତୁଲାଇଥିଲେ। ସେହିପରି ସୋନପୁର ଘୋଡ଼ାଘାଡ଼ପଡ଼ାସ୍ଥିତ ଦଧୂବାମନ ମହାପ୍ରଭୁ ও ବଡ଼ବଜାରସ୍ଥିତ ବୃନ୍ଦାବନବିହାରୀ ମହାପ୍ରଭୁ ଙ୍କ ମଧ୍ଯ ବାହୁଡ଼ା ଯାତ୍ରା ମହାସମାରୋହରେ ସମ୍ପନ୍ନ ହୋଇଛି। ଶ୍ରୀ ଗୁଣ୍ଡିଚା ମନ୍ଦିର ସମ୍ମୁଖରେ ଶେଷ ସନ୍ଧ୍ୟା ସାଂସ୍କୃତିକ କାର୍ଯ୍ୟ କ୍ରମ ରେ ଗୁରୂ ଶଙ୍କର ବେହେରା ଓ ସାଥୀ କଳାକାର ସମ୍ବଲପୁରୀ ଭଜନ ସଙ୍ଗୀତ ଓ ଲୋକ ଗୀତ ପରିବେଷଣ କରିଥିଲେ l ଏହି ଅବସରରେ  ମୁଖ୍ୟ ଅତିଥି ଭାବେ ଏଡିଏମ ରାଜେନ୍ଦ୍ର ମାଝୀ, ସମ୍ମାନିତ ଅତିଥି ଭାବେ ବୀର ମହାରାଜ ପୁର ବ୍ଳକ ଉପାଧ୍ୟକ୍ଷ ନାରାୟଣ ଲୁହା, ସୋନପୁର ପୌର ପରିଷଦ ପ୍ରାକ୍ତନ ଅଧ୍ୟକ୍ଷ ପ୍ରକାଶ ସାହୁ, ଜିଲ୍ଲା ଅଗ୍ନିଶମ ବିଭାଗ ଅଧିକାରୀ ଭବେନ୍ଦ୍ର ଦେ , ଦେବୋତ୍ତର ମ୍ୟାନେଜର ଆଲୋକ ରଞ୍ଜନ ମହାପାତ୍ର, ସମାଜ ସେବୀ ଶ୍ରୀବତ୍ସ ମଲ୍ଲିକ ଯୋଗ ଦେଇ ସାଂସ୍କୃତିକ କାର୍ଯ୍ୟ କ୍ରମ କୁ ଶୁଭ ଉଦ୍ଘାଟନ କରି ଥିଲେ l ପ୍ରତି ଦିନ ସଂଧ୍ୟା ଆଳତୀ ପରେ ଗୁଣ୍ଡିଚା ମନ୍ଦିର ସମ୍ମୁଖରେ  ଅନ୍ନ ଓ ମିଷ୍ଟାନ୍ନ ପ୍ରାସାଦ ବଣ୍ଟନ କାର୍ଯ୍ଯ କ୍ରମ ରେ ସହଯୋଗ କରିଥିବା ସମସ୍ତ ଭକ୍ତ ବା ବିଶିଷ୍ଟ ବ୍ୟକ୍ତି ବିଶେଷ ଙ୍କୁ ସମ୍ବର୍ଦ୍ଧିତ କରାଯାଇଥିଲା l ସାଂସ୍କୃତିକ କାର୍ଯ୍ୟ କ୍ରମ ର ଶେଷ ଭାଗରେ ସ୍ୱତନ୍ତ୍ର ନିମନ୍ତ୍ରିତ ଅତିଥି ଭାବରେ ସୁବର୍ଣ୍ଣପୁର ଜିଲ୍ଲାପାଳ ଡ଼ ନୃପ ରାଜ ସାହୁ ସପରିବାର ଯୋଗ ଦେଇ ମହା ପ୍ରଭୁ ତିନି ଠାକୁର ଙ୍କ କୃପା ଲାଭ କରି ଭଜନ ଓ ଲୋକ ସଂଗୀତ  କୁ ଉପଭୋଗ କରିଥିଲେ l ଗୁରୁ ଶଙ୍କର ବେହେରା ଓ ସାଥୀ କଳାକାର ଙ୍କୁ ଜିଲ୍ଲାପାଳ ଡ଼. ସାହୁ ଙ୍କ ଦ୍ୱାରା ସମ୍ବର୍ଦ୍ଧିତ କରାଯାଇଥିଲା l ଆୟୋଜକ,ଦର୍ଶକ ଓ ଗୁରୁ ଶଙ୍କର ବେହେରା ଙ୍କ ଅନୁରୋଧ କ୍ରମେ ଜିଲ୍ଲାପାଳ ଡ଼ ସାହୁ ସମ୍ବଲପୁରୀ ଭଜନ "ହାଏ କୃଷ୍ଣ ହାଏ କୃଷ୍ଣ ବୋଲି ଯାଉ ମୋର ଜୀବନ" ସଙ୍ଗୀତ ପରିବେଷଣ କରି ସମସ୍ତ ଙ୍କ ମନ ମୋହିଥିଲେ l ଆଇନ  ଶୃଙ୍ଖଳାକୁ ନଜରରେ ରଖି ଜିଲ୍ଲା ପୋଲିସ ପ୍ରସାଶନ ପକ୍ଷରୁ ଡି ଏସ ପି ରେଣୁକା ସୁନା ଙ୍କ ନେତୃତ୍ୱ ରେ ଥାନା ଅଧିକାରୀ ଯାଦବ ବାଗ ଙ୍କ ସହଯୋଗ ରେ ବ୍ୟାପକ ପୁଲିସ ବନ୍ଦୋବସ୍ତ କରାଯାଇ ଯାତ୍ରା କୁ ଶୃଙ୍ଖଳିତ କରା ଯାଇଥିଲା l