09-Jun-2026

ଲୋଇସିଂହା, (ପ୍ରେରଣା ଖବର) ଲୋଇସିଂହା ଥାନା ବନ୍ଧଲିପଡ଼ା ନିକଟରୁ ଆଲୁମିନିୟମ ତାର ଚୋରୀ କରି ନେଉଥିବା ବେଳେ ପୋଲିସ ହାତରେ ଚୋରମାନେ ଧରା ପଡ଼ିଛନ୍ତି । ସେମାନେ ହେଲେ ବରଗଡ଼ ଜିଲ୍ଲା ଗାଇସିଲେଟ ଥାନା ଅଧୀନ ଉମରାଡ ଗ୍ରାମର ମହେନ୍ଦ୍ର ଭୁଏ(୬୦), ଶରଧାପାଲି ଗ୍ରାମର କବିରାଜ ଭୋଇ(୪୮), ସରଗିପାଲି ର ଜେଠୁ ସାହୁ(୫୮), ଆଗଲପୁର ଥାନା ଜେମାପାଲି ଗ୍ରାମର ଜଗଦୀଶ ସାହୁ(୪୦), ଭରସୁଜାର ବିକ୍ରମ ପାତ୍ର(୫୪) ଓ ଲୋଇସିଂହା ଥାନା ସୂଜିଆ ନିକଟସ୍ଥ ସଲତରପାଲି ଗ୍ରାମର ପ୍ରଫୁଲ୍ଲ ସଲତର(୩୮) । ଆଲୁମିନିୟମ ତାର ଚୋରୀ ହେଉଥିବା ଜାଣିପାରି ସ୍ଥାନୀୟ ବାସିନ୍ଦା ପୋଲିସକୁ ଖବର ଦେଇଥିଲେ । ପୋଲିସ ଦଳ ଚଢ଼ାଉ କରି ଘଟଣାସ୍ଥଳରୁ ଚୋରୀ ହୋଇଥିବା ତାର ଓ ଦୁଇଟି ବାଇକ୍ ଜବତ କରିଥିବା ଜଣାଯାଇଛି । ଅଭିଯୁକ୍ତ ମାନଙ୍କୁ ମଙ୍ଗଳବାର କୋର୍ଟ ଚାଲାଣ କରାଯାଇଥିବା ଆଇଆଇସି ସିପୋରା ସରାୟ ଲୁଗୁନ ସୂଚନା ଦେଇଛନ୍ତି l