05-Jun-2026

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲାରେ ଅବସ୍ଥିତ ଥିବା ଆଇ.ଟି.ଆଇ. କଲେଜରେ ଜିଲ୍ଳା ଶିଶୁ ସୁରକ୍ଷା ୟୁନିଟ ତରଫରୁ ବୈଷୟିକ ଶିକ୍ଷା ପରାମର୍ଶ ଶିବିର ଅନୁଷ୍ଠିତ ହୋଇ ଯାଇଛି। ଏହି ପରାମର୍ଶ ଶିବିରରେ ଜିଲ୍ଲା ଆଇନ ପରିବିକ୍ଷକ ଅଧିକାରୀ ଦିଗମ୍ବର କର ସ୍ୱାଗତ ଭାଷଣ ଦେଇଥିଲେ ଓ ବୈଷୟିକ ଶିକ୍ଷା ଉପରେ ନିଜର ମତାମତ ଦେଇଥିଲେ।କାର୍ଯକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ଶିଶୁ ସୁରକ୍ଷା ଅଧିକାରୀ ବିକ୍ରମ ପଣ୍ଡା କହିଲେ ମେଟ୍ରିକ୍ ଓ ଦ୍ୱାଦଶରେ ଉତ୍ତୀର୍ଣ୍ଣ ହୋଇଥିବା ଛାତ୍ରଛାତ୍ରୀମାନେ ବୈଷୟିକ ପାଠ୍ୟକ୍ରମକୁ ବୁଝିବା ପଢ଼ିବାକୁ ପରାମର୍ଶ ଦେଇଥିଲେ। ଏହି ଅବସରରେ ଆଇ.ଟି.ଆଇ କଲେଜର ତାଲିମଦାତା ଭାବେ ଭାବେ ଦୟାନିଧି ବାଗ ତାଲିମ୍ ଓ ପରାମର୍ଶ ପ୍ରଦାନ କରିଥିଲେ। ଆଇ.ଟି.ଆଇ କଲେଜର ଅଧକ୍ଷ ସାମ ଓରାମ ବିଭିନ୍ନ  ଟ୍ରେଡ ର
ବିଭାଗର ପାଠ୍ୟକ୍ରମ ସହିତ ନିଯୁକ୍ତି ବିଷୟରେ ଓ କ୍ୟାମ୍ପସର ଗ୍ୟାରେଣ୍ଟି ଉପରେ ନିଜର ଉପସ୍ଥାପନା କରିଥିଲେ।କାର୍ଯକ୍ରମ ରେ ସାମାଜିକ କର୍ମୀ ଅରୁଣ କୁମାର ଖୁଅସ ପିତୃମାତୃହୀନ ଶିଶୁ ମାନଙ୍କୁ ଜିଲ୍ଲା ଶିଶୁ ସୁରକ୍ଷା ୟୁନିଟ ବଲାଙ୍ଗୀର ତରଫରୁ ଦିଆଯାଉଥିବା ଯୋଜନାକୁ ସଫଳ କରିବାକୁ ବୈଷୟିକ ପାଠ୍ୟକ୍ରମ ଏକ ବିକଳ୍ପ ଭାବେ ଭବିଷ୍ୟତ ବୋଲି ମତାମତ ପ୍ରଦାନ କରିଥିଲେ। ଜିଲ୍ଲା ଶିଶୁ ସୁରକ୍ଷା ୟୁନିଟରେ ଅବସ୍ଥାପିତ ଥିବା ଅରୁଣା ର ଜିଲ୍ଲା ପରାମର୍ଶଦାତା ଭାବେ ପ୍ରମୋଦ ବଗର୍ତ୍ତୀ କହିଲେ ଏକା ସାଙ୍ଗରେ ଦ୍ୱାଦଶ ଓ ଆଇ.ଟି.ଆଇ ରେ ପାଠ ପଢ଼ିବା, ରାଜ୍ୟ ଓ କେନ୍ଦ୍ର ସରକାରଙ୍କ ଏକ ବଡ଼ ପଦକ୍ଷେପ ବୋଲି ସମସ୍ତ ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ। ଆଇ ଟି ଆଇ ର ରାଜୀବ ଲୋଚନ ପଣ୍ଡା, ଜିତେନ୍ଦ୍ର ସୁନା, ଭୁବନ ମହାନ୍ତି, ଦୀପିକ ଦାସ ମଧ୍ୟ ଉପସ୍ଥିତ ରହି ଆବଶ୍ୟକୀୟ କାଗଜ ଉପରେ ଓ କାଳିଆ ଯୋଜନା, ଲେବର କାର୍ଡ ଉପରେ ଜନାଇଥିଲ।କାର୍ଯକ୍ରମରେ ଅଣଆନୁଷ୍ଠାନିକ ଅଧିକାରୀ ସୁଧାଂଶୁ ଶେଖର କୁମ୍ଭାର ଆଶୀର୍ବାଦ,ଗ୍ରୀନ ପ୍ୟାସେଜ, ଯଶୋଦା ଯୋଜନା, ସି ଆଇ ସି ଏଲ ସମ୍ପର୍କରେ ଅବଗତ କରାଇଥିଲେ।କାର୍ଯକ୍ରମରେ ପ୍ରୋଗ୍ରାମ ଅଫିସର ଆଶିଷ ନାଏକ,ସାମାଜିକ କର୍ମୀ ହରିବନ୍ଧୁ ରାଉତ୍,ଗଣେଶ କୁମ୍ଭାର ସକ୍ରିୟ ଅଂଶଗ୍ରହଣ କରିଥିଲେ।କାର୍ଯକ୍ରମରେ ୭୦ ଜଣ ଛାତ୍ରଛାତ୍ରୀ ଉପସ୍ଥିତ ଥିଲେ,ପରିଶେଷରେ ପ୍ରମୋଦ ବଗର୍ତ୍ତୀ ଧନ୍ୟବାଦ ଅର୍ପଣ କରି ଥିଲେ।