04-Jun-2026

ବରଗଡ(ତୁଳସୀ ଚରଣ ଦାଶ)ଗତକାଲି ବରଗଡ଼ ମାରୱାଡ଼ି ପଡ଼ା ନିବାସୀ ତଥା ବରଗଡ଼ ଜର୍ଜ ହାଇସ୍କୁଲ ୧୯୭୫ ମେଟ୍ରିକ୍ ବ୍ୟାଚର ସହପାଠୀ ଦାମୋଦର ଅଗ୍ରୱାଲଙ୍କ ୬୮ ବର୍ଷ ବୟସରେ ପରଲୋକ ହୋଇ ଯାଇଅଛି। ମୃତ୍ୟୁ ଶଯ୍ୟା ନିକଟ ରେ ସ୍ତ୍ରୀ ଲକ୍ଷ୍ମୀ, ପୁତ୍ର - ନଟବର ଅଗ୍ରୱାଲ -ପୁତ୍ରବଧୂ ରାଖୀ ଅଗ୍ରୱାଲ ତଥା ଚାରି ଝିଅ- ସୁମନ ,ବିନ୍ଦୀଆ, ଖୁସବୁ, ସୋନୀ ଓ ଜ୍ବାଇଁ ମାନେ ଉପସ୍ଥିତ ଥିଲେ । ତାଙ୍କ ମୃତ୍ୟୁ ଖବର ପାଇ ଜର୍ଜ ହାଇସ୍କୁଲ ୧୯୭୫ ମେଟ୍ରିକ୍ ବ୍ୟାଚ ର ସହପାଠୀ ମାନେ ସର୍ବଶ୍ରୀ ଗଣେଶ ରେଖାନୀ, ରାଜେନ୍ଦ୍ର ଲାଠ, କୈଳାସ ଛାପଡିଆ ବନୱାରି ଲାଲ କଟାରୁକା, ରବିନ୍ଦ୍ର ପାଣିଗ୍ରାହୀ, ଅଭୟ ଭୋଇ, ସୁନୀଲ ଦାଶ,ସ୍ବାଧୀନ ମହାରଣା, ନିର୍ମଳ କିଶୋର କର, ଗୋବିନ୍ଦ ଦାଶ, ସତ୍ୟ ନାରାୟଣ ପଣ୍ଡା ଓ ତୁଳସୀ ଚରଣ ଦାଶ ତଥା ଜ୍ଞାତି ପରିଜନ ତାଙ୍କ ବାସଭବନକୁ ଓ ଜୀରା ନଦୀ ସ୍ଵର୍ଗଦ୍ଵାରକୁ ଯାଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ସ୍ବର୍ଗତ ଅଗ୍ରୱାଲ ନିଜ ପ୍ରଚେଷ୍ଟାରେ ପ୍ରତ୍ୟେକ ମଙ୍ଗଳବାର ଦିନ ହନୁମାନ ମନ୍ଦିରରେ ହିନ୍ଦୁ ସମାଜକୁ ଏକତ୍ରିତ କରି ହନୁମାନ ଚାଳିଶା ପାଠ କରାଉଥିଲେ । ଶ୍ୟାମ ପରିବାରର କୋଷାଧ୍ୟକ୍ଷ ଭାବେ ରହି ଅନେକ ଦାନଧର୍ମ କରୁଥିଲେ ଏହା ବ୍ୟତୀତ ବାଲାଜୀ ଭକ୍ତ ମଣ୍ଡଳୀର ଜଣେ ପରମ ଭକ୍ତ ଥିଲେ । ଅଧ୍ୟକ୍ଷ ଶ୍ରୀ କିଶନ ଲାଲ ଅଗ୍ରୱାଲ ଗଭିର ଦୁଃଖ ପ୍ରକାଶ କରି ଶ୍ୟାମ ପରିବାର ତଥା ବରଗଡ଼ ପାଇଁ ଏହା ଏକ ଅପୂରଣୀୟ କ୍ଷତି ବୋଲି ପ୍ରକାଶ କରିଛନ୍ତି ଏହା ସହିତ ଜର୍ଜ ହାଇସ୍କୁଲ ୧୯୭୫ ମେଟ୍ରିକ୍ ବ୍ୟାଚ ର ସମସ୍ତ ବନ୍ଧୁମାନେ ତଥା ଜିଲ୍ଲା ବରିଷ୍ଠ ନାଗରିକ ସଂଘ ପକ୍ଷରୁ ସଭାପତି ଶ୍ରୀ କେଦାର ମିଶ୍ର,ଉପ ସଭାପତି ନିର୍ମଳ କିଶୋର କର, ସଂପାଦକ ଗୋବିନ୍ଦ ଦାଶଙ୍କ ସମେତ ଅନ୍ୟାନ୍ୟ ସଦସ୍ୟ ମାନେ ତାଙ୍କ ବାସଭବନକୁ ଯାଇ ଶ୍ରଦ୍ଧାଞ୍ଜଳି ଜଣାଇବା ସହ ଗଭୀର ଦୁଃଖ ପ୍ରକାଶ କରିଛନ୍ତି । ପୁତ୍ର ନଟବର ଅଗ୍ରୱାଲ ମୁଖାଗ୍ନି ଦେଇଥିଲେ । 
        --------×××--------