08-Feb-2021

କଣ୍ଟାବାଞ୍ଜି (ପ୍ରେରଣା ଖାବର) ତୁରେକେଲା ବ୍ଳକ ଅନ୍ତର୍ଗତ ଚଟୁଅନକା ଗ୍ରାମ ପଞ୍ଚାୟତ ର ପଞ୍ଚାୟତ ସ୍ତରରେ ଚଟୁଅନକା ଠାରେ ନଵ ଵର୍ଷ ଓ ପୌଷ ପୂର୍ଣିମା ଉପଲକ୍ଷେ ଏକ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ଏହି ଉତ୍ସବରେ ମୁଖ୍ୟ ଅତିଥି ଭାବେ ବିଧାୟକ ସନ୍ତୋଷ ସିଂ ସାଲୁଜା, ମୁଖ୍ୟ ବକ୍ତା ଭାବରେ ମାଝୀପଡା ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ବିରଞ୍ଚି ନାରାୟଣ ଦାଶ, ସମ୍ମାନିତ ଅତିଥି ଭାବରେ ବ୍ଳକ ଚେୟାରମ୍ୟାନ ଶ୍ରାମତୀ ଅନୁ ଭୋଇ,ସରପଞ୍ଚ ଶ୍ରୀ ମତୀ ସସ୍ମିତା ମହାନନ୍ଦ, ଯୋଗଦେଇଥିଲେ।ନିଜ ପରିବେଶ କୁ ପରିଷ୍କାର, ପରିଛନ୍ନତା ରଖିବା ସହିତ ବୃକ୍ଷ ରୋପଣ କଲେ ଏକ ସୁସ୍ଥ ସୁନ୍ଦର ବାତାବରଣ ସୃଷ୍ଟି ହେବ ବୋଲି ମୁଖ୍ୟ ବକ୍ତା ଯୁକ୍ତି ବାଢିଥିଲେ।ଆମ ଅଞ୍ଚଳର ପର୍ବପର୍ବାଣି ଧୀରେ ଧୀରେ ଲୋପ ପାଇବାରେ ବସିଛି ଏଣୁ ଏଭଳି କାର୍ଯ୍ୟକ୍ରମ ମାଧ୍ୟମରେ ଲୋକଙ୍କ ମଧ୍ୟରେ ଜନସଚେତନତା ସୃଷ୍ଟି କରିହେବ ବୋଲି ମୁଖ୍ୟ ଅତିଥି ନିଜ ଅଭିଭାଷଣରେ କହିଥିଲେ।ବେହେରେନ ସିଲେଟ,କୁର୍ଲି ଓ ଚଟୁଅନକା ଗ୍ରାମର ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଉପ ଢୌକନ ଦେଇ ସମ୍ମାନିତ କରାଯାଇଥିଲା।ଉପସ୍ଥିତ ଭଦ୍ରବ୍ୟକ୍ତି ଥମିର ଛତ୍ରିଆ, ହୀରାଧର ବଏ,କବିରାଜ ପୁଟେଲ, ନିଜ ନିଜ ବକ୍ତବ୍ୟ ରଖିଥିଲେ ଓ ବିଷିକେଶନ ତାଣ୍ଡି ମଞ୍ଚ ପରିଚାଳନା କରିଥିଲେ।