24-Jun-2026

ବରପାଲି  (ସୁଦାମ ଦୀପ)ବରପାଲି ସ୍ଥିତ ଓମ୍ ଶାନ୍ତି ବରଦାନୀ ଭବନରେ ବୁଧବାର ସକାଳ ୮ ଘଣ୍ଟା ସମୟରେ ଜଗଦମ୍ବା ସରସ୍ୱତୀ ମମାଙ୍କ ଶ୍ରୁତି ଦିବସ ଏବଂ ମାଦକ ଦ୍ରବ୍ୟର ଦୁରୁପଯୋଗ ଓ ଅବାଧ ତସ୍କରୀ ବିରୋଧୀ ଆନ୍ତର୍ଜାତୀୟ ଦିବସ ଉପଲକ୍ଷେ ଏକ ସଚେତନତାମୂଳକ କାର୍ଯ୍ୟକ୍ରମ ଆୟୋଜିତ ହୋଇଥିଲା।ଏହି କାର୍ଯ୍ୟକ୍ରମରେ ବରପାଲି ସରକାରୀ ଡାକ୍ତରଖାନାର ମୁଖ୍ୟ ଚିକିତ୍ସା ଅଧିକାରୀ ଡା. ରାଜେଶ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ମାଦକଦ୍ରବ୍ୟର କୁପ୍ରଭାବ, ସମାଜ ଓ ଯୁବପିଢ଼ି ଉପରେ ଏହାର କ୍ଷତିକାରକ ପ୍ରଭାବ ସମ୍ପର୍କରେ ଆଲୋକପାତ କରିଥିଲେ। ସେ ନିଶାମୁକ୍ତ ସମାଜ ଗଠନ ପାଇଁ ସମସ୍ତଙ୍କୁ ସଚେତନ ହେବାକୁ ଆହ୍ୱାନ ଦେଇଥିଲେ।ଅନୁଷ୍ଠାନର ମୁଖ୍ୟ ଭଉଣୀ ଗୌରୀ ଓ ଭାଇ ସୁରେନ୍ଦ୍ର ହୋତା କାର୍ଯ୍ୟକ୍ରମକୁ ସୁଚାରୁରୂପେ ପରିଚାଳନା କରିଥିଲେ। ସମସ୍ତ ଅତିଥିଙ୍କ ବକ୍ତବ୍ୟ ପରେ ଜଗଦମ୍ବା ସରସ୍ୱତୀ ମମାଙ୍କ ପ୍ରତିମୂର୍ତ୍ତି ସମ୍ମୁଖରେ ଦୀପ ପ୍ରଜ୍ଜ୍ୱଳନ କରାଯାଇଥିଲା। ପରବର୍ତ୍ତୀ ସମୟରେ ଅତିଥିମାନଙ୍କୁ ଫୁଲତୋଡ଼ା ଓ ସ୍ମାରକ ଉପହାର ପ୍ରଦାନ କରି ଓମ୍ ଶାନ୍ତି ପରିବାର ପକ୍ଷରୁ ସମ୍ମାନିତ କରାଯାଇଥିଲା।
କାର୍ଯ୍ୟକ୍ରମ ଶେଷରେ ସମସ୍ତ ଉପସ୍ଥିତ ଭକ୍ତ ଓ ଅତିଥିଙ୍କ ମଧ୍ୟରେ ଭୋଗ ବଣ୍ଟନ କରାଯାଇଥିଲା। ଏହି ଅବସରରେ ବି.କେ. ଶିବ କୁମାର, ବି.କେ. ଆକାଶ, ବି.କେ. ଅଞ୍ଜଳି, ବି.କେ. ସୁରେନ୍ଦ୍ର, ବି.କେ. ଅନୁସୂୟା, ବି.କେ. ଅମୂଲ୍ୟ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମର ସଫଳ ଆୟୋଜନରେ ସହଯୋଗ କରିଥିଲେ।ଏହି କାର୍ଯ୍ୟକ୍ରମ ମାଧ୍ୟମରେ ଆଧ୍ୟାତ୍ମିକ ମୂଲ୍ୟବୋଧ ସହ ନିଶାମୁକ୍ତ ସମାଜ ଗଠନର ବାର୍ତ୍ତା ପ୍ରଦାନ କରାଯାଇଥିଲା।