02-Jun-2026

ଆଗଲପୁର, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଭରସୂଜା ଗ୍ରାମ ପଞ୍ଚାୟତ ଗଣ୍ଡପାଲି ଗ୍ରାମ ରେ ମନରେଗା ଯୋଜନା ର କାମ କରୁଛି କିଏ ? ଜଣା ନାହିଁ ପ୍ରଶାସନକୁ । ଭରସୂଜା ରୁ ଗଣ୍ଡପାଲି ଯିବା ରାସ୍ତାରେ କିରକିଚି ରୋଡ ଯାଇଛି ଯାହାକି ଲଡ ଗାଁ ଜୋର କୁ ଯାଇଛି । ଯାହାକି କୌଣସି ପ୍ରକାର ସୂଚନା ଫଳକ ଦିଆଯାଇ ନାହିଁ । ଗ୍ରାମବାସୀ କହିବା ଅନୁସାରେ 24/25 /25/26 ଦୁଇ ବର୍ଷ ରେ ଦୁଇଥର କାମ ହୋଇଥିବା ସୂଚନା ଦେଇଛନ୍ତି । ଏହାର ଅଟକଳ ପରିମାଣ କେତେ, କେଉଁଫଣ୍ଡ ରୁ ଆସିଛି , ଆରମ୍ଭ ଓ ଶେଷ ସମୟ ସୀମା କେତେ , ବ୍ଲକ କାମ ନା ଗ୍ରାମ ପଞ୍ଚାୟତ କାମ କୌଣସି ସୂଚନା ନାହିଁ ।ବିନା ସୂଚନାଫଳକ ରେ ଚାଲିଛି ରାସ୍ତା କାମ । ଏହି ମନରେଗା ଯୋଜନା କାମ କୁ ରାତି ରେ ମେସିନ ଦ୍ୱାରା କାମ ହେଉ ଥିବା ସୂଚନା ମିଳିଛି । ଉକ୍ତ ରାସ୍ତା କାମ 200 ମିଟର ରୁ 300 ମିଟର ପର୍ଯ୍ୟନ୍ତ ଚାଲିଥିବା ଗ୍ରାମବାସି ସୂଚନା ଦେଇ ଛନ୍ତି ।ଏହା ବ୍ୟତୀତ ଅଧା ପନ୍ତରିଆ ହୋଇ ପଡିଥିବା ଦେଖାଯାଇଛି ।ଏହି କାର୍ଯ୍ୟ ଉପରେ ବ୍ଲକ କନିଷ୍ଠ ଯନ୍ତ୍ରୀ ଙ୍କୁ ଯୋଗାଯୋଗ କରିବାରୁ ଏହାର  ଡିମାଣ୍ଡ ହୋଇନାହିଁ କିଏ କରୁଛି ଜାଣି ନାହିଁ ମୁଁ ବୋଲି କହିବା ସହ ଯାଇକି ଦେଖୁଛି ଏହି ରାସ୍ତା କାମ ଏବଂ ଆପଣ ମାନଙ୍କୁ କହୁଛି ବୋଲି ସୂଚନା ଦେଇଥିଲେ । ଉକ୍ତ ଗ୍ରାମର ପ୍ରକାଶ ସାହୁ , ଜଗବନ୍ଧୁ ବାଗ , ସନ୍ତୋଷ ପୋଡ଼, ଜୟକୁମାର ସାହୁ, ସୁଦାମ ବାଗ , ଗଣେଶ ବାଗ ପ୍ରମୁଖ ଚାଷୀ ଏହି କାମ କୁ ତଦନ୍ତ କରିବା ସହ ପଦକ୍ଷେପ ନେବାକୁ ଦାବି କରିଛନ୍ତି l