27-May-2026

ବଲାଙ୍ଗୀର(ପ୍ରେରଣା ଖବର)-ବଲାଙ୍ଗୀର ଜିଲ୍ଲା ଟିଟିଲାଗଡ ପୌରପାଳିକା ପକ୍ଷରୁ ଚାଲିଥିବା ମହାରାଜା ବନ୍ଧର ଉନ୍ନତିକରଣ କାମ ଚାଲିଥିବା ବେଳେ ଜଣେ ଅଜଣା ବ୍ୟକ୍ତିର ମୃତଶରୀର ଉଦ୍ଧାର ହୋଇଥିଲା। ସେହି ବ୍ୟକ୍ତିର ମୃତ୍ୟୁ ଜେସିବି ମାଡରେ ହୋଇଥିବା ଅଭିଯୋଗ ଉଠୁଥିଲା। ଏପରିକି ଏହି ଘଟଣାରେ ପୋଲିସର ତଦନ୍ତନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି କରିଥିଲା। ତେବେ ଆଜି ବଲାଙ୍ଗୀର ଏସପି ଅଭିଲାଷ ଜୀ ସ୍ଥାନୀୟ ପୋଲିସ ମୁଖ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ବିଳନୀରେ ସ୍ପଷ୍ଟ କରିଛନ୍ତି ଯେ, ପୋଲିସ ସଠିକ ତଦନ୍ତ କରିଛି ଓ ଡାକ୍ତରଙ୍କ ପୋଷ୍ଟମର୍ଟମ ରିପୋର୍ଟରେ ଉକ୍ତ ବ୍ୟକ୍ତିଙ୍କ ମୃତ୍ୟୁ ଅଂଶୁଘାତ ଜନିତ(ହିଟଷ୍ଟ୍ରୋକ) ବୋଲି କହିଛନ୍ତି। ମଲଟିଅରଗାନ ଫେଲ୍ୟୁର କାରଣରୁ ମୃତ୍ୟୁ ହୋଇଥିବା ପୋଷ୍ଟମଟର୍ମ ରିପୋର୍ଟ ଆସିଥିବା ଘଟଣାଦିନ ସହିତ ପୂର୍ବରୁ ସେହି ଅଜଣାବ୍ୟକ୍ତି ଜଣକ ଅବାଞ୍ଛିତ ଭାବରେ ମହାରାଜା ସାଗର ଅଞ୍ଚଳରେ ବୁଲୁଥିବାରୁ ଅନେକଲୋକ ଦେଖିଛନ୍ତି ଓ ସେହିଦିନ ସେ ହଠାତ ପଡିଯିବା ପରେ ତାକୁ ଉଦ୍ଧାର କରି ପୋଲିସ ଡାକ୍ତରଖାନାକୁ ନେଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲା। ପରେ ଏକ ଅପମୃତ୍ୟୁ ମାମଲା ରୁଜୁ କରାଯାଇ ପୋଲିସ ମାଜିଷ୍ଟ୍ରେଟଙ୍କ ଉପସ୍ଥିତିରେ ଇନକ୍ୱେଷ୍ଟ କରାଯାଇ ପୋଷ୍ଟମର୍ଟମ କରାଯାଇଥିଲା। ମୃତ ବ୍ୟକ୍ତିର ପରିଚୟ ପାଇଁ ତାଙ୍କର ଫଟୋ ବିଭିନ୍ନ ମାଧ୍ୟରେ ଲୋକଙ୍କୁ ଦିଆଯାଇଛି ବୋଲି ଏସପି କହିଛନ୍ତି।
   ତେବେ ଏହି ଘଟଣାକୁ ନେଇ ଟିଟିଲାଗଡରେ ଭିନ୍ନ ଭିନ୍ନ ଆଲୋଚନା ହେଉଛି। ଘଟଣାଦିନ ଯେଉଁଠାରେ ସେହି ବ୍ୟକ୍ତିର ଶରୀର ପଡିଥିଲା ସେଠାରେ ମହାରାଜାସାଗରର ମାଟିକାମ ଚାଲିଥିଲା ଓ ଉକ୍ତଶରୀରରେ ମାଟି ମଧ୍ୟ ଲାଗିଥିଲା। ସ୍ଥାନୀୟ ଲୋକଙ୍କଠାରୁ ଜଣାପଡିଛି ଯେ,ଉକ୍ତ ବ୍ୟକ୍ତିଜଣକ ଜଣେ ବଙ୍ଗାଳି ଲୋକ ଓ ସେ ମିସ୍ତ୍ରୀକାମ କରୁଥିଲେ। ଘଟଣାଦିନ ଜେସିବି ମାଡରେ ତାଙ୍କର ମୃତ୍ୟୁ ହୋଇଯାଇଥିଲା। ତାଙ୍କ ଉପରେ ଜେସିବି ମାଡହେବା ପରେ ସେ ପଡିଯାଇଥିଲେ ଓ ଜେସିବି ଡ୍ରାଇଭର ଜେସିବିଛାଡି ଚାଲିଯାଇଥିଲେ। ସେହିଦିନରୁ ଜେସିବି ଡ୍ରାଇଭର ଫେରାର ରହିଛନ୍ତି। ଟିଟିଲାଗଡ ଆଇ.ଆଇ.ସି  ମନୋଜ ମୁଣ୍ଡା ଘଟଣାର ଖବରପାଇ ଟିମ ସହିତ ପହଞ୍ଚିଲେ । ପୋଲିସ କର୍ମଚାରୀଙ୍କୁ ଲଗାଇ ବସ୍ତାଉଠାଇଲା ଭଳି ମଣିଷ ର ଶରୀରକୁ ଉଠାଇ ଆମ୍ବୁଲାନ୍ସ ବଦଳରେ ପୋଲିସ ଗାଡିରେ ଲଦି ହସପିଟାଲକୁ ନେଇ ପଳାଇଲେ। ଏସପିଙ୍କ କହିବା ହେଲା ମଣିଷଟି ବଞ୍ଚିଥିବା ଭାବି ଆଇଆଇସି ସାଙ୍ଗେ ସାଙ୍ଗେ ହସପିଟାଲକୁ ନେଇଥିଲେ। ହସପିଟାଲରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସେଠାରେ ମାଜିଷ୍ଟ୍ରେଟଙ୍କୁ ଡାକି ଇନକ୍ୱେଷ୍ଟକରି ପୋଷ୍ଟମର୍ଟମ କରାଇଥିଲେ। ପୋଲିସର କୌଣସି ମନ୍ଦ ଉଦ୍ଦେଶ୍ୟ ନଥିବା ଏସପି ଅଭିଲାଷ ଜୀ କହିଛନ୍ତି । ତେବେ ପୋଲିସର ଏତେସବୁ ବୟାନ ପରେ ମଧ୍ୟ ସ୍ଥାନୀୟ ଲୋକମାନଏ ଏହାକୁ ବିଶ୍ୱାସ କରୁନାହାଁନ୍ତି । କେତେକ ଗଣମାଧ୍ୟମରେ ଏହି ଖବର ପ୍ରକାଶିତ ହେଲାପରେ ଟିଟିଲାଗଡ ଆଇଆଇସି ମନୋଜ ମୁଣ୍ଡା ଛୁଟିରେ ଚାଲିଯିବା,ଜେସିବି ଡ୍ରାଇଭର କାମଛାଡି ଚାଲିଯିବା, ଡାକ୍ତର ଗୋଟିଏ ଦିନରେ ପୋଷ୍ଟମର୍ଟମ ରିପୋର୍ଟ ଦେଇଦେବା ଇତ୍ୟାଦି ଘଟଣାକୁ ଲୋକମାନେ ସହଜରେ ଗ୍ରହଣ କରିପାରୁ ନାହାଁନ୍ତି। ଟିଟିଲାଗଡରେ ଥିବା ଏସଡିପିଓଙ୍କୁ ଅନେକଗୁଡିଏ ଘଟଣାରେ ସ୍ଥାନୀୟଲୋକେ ସନ୍ଦେହଚକ୍ଷୁରେ ଦେଖୁଛନ୍ତି। ତେଣୁ ଏହି ଘଟଣାର ଏକ ଉଚ୍ଚସ୍ଥରୀୟ କରାଯିବାକୁ ମଧ୍ୟ ଜନସାଧାରଣ ରେ ଦାବି ହେଉଛି ।