25-May-2026

ବଲାଙ୍ଗୀର(ପ୍ରେରଣା ଖବର): NEET ପେପର ଲିକ୍ ଘଟଣାକୁ ନେଇ ବଲାଙ୍ଗୀରରେ ଆଜି ଭାରତୀୟ ବିଦ୍ୟାର୍ଥୀ ମୋର୍ଚ୍ଚା ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିଶାଳ ବିରୋଧ ପ୍ରଦର୍ଶନ ହୋଇଛି। ଛାତ୍ରମାନେ “NTA ମୁର୍ଦାବାଦ୍”, “ଶିକ୍ଷା ମନ୍ତ୍ରୀ ଇସ୍ତଫା ଦିଅ” ସ୍ଲୋଗାନ୍ ଦେଇ ଥାଳି ପିଟି ପ୍ରତିବାଦ କରିଥିଲେ।  ମୁଖ୍ୟ ଦାବି: ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଇସ୍ତଫା, ୨୩ ଲକ୍ଷ ଛାତ୍ରଙ୍କୁ ୩ ଗୁଣା ଫିସ୍ ଫେରସ୍ତ, ମୃତ ପରୀକ୍ଷାର୍ଥୀଙ୍କ ପରିବାରକୁ

୫୦ ଲକ୍ଷ କ୍ଷତିପୂରଣ, NEET ଛାତ୍ରଙ୍କୁ ନ୍ୟାୟ, ମେଡିକାଲ୍ ନାମଲେଖାରେ OBC, SC, STଙ୍କୁ ସଂଖ୍ୟା ଅନୁପାତରେ ପ୍ରତିନିଧିତ୍ୱ ଏବଂ ‘ଏକ ଦେଶ – ଏକ ଶିକ୍ଷା, ଏକ ଫିସ୍ – ଏକ ପରୀକ୍ଷା’ ବ୍ୟବସ୍ଥା ଲାଗୁ।  

ମୋର୍ଚାର ଜିଲ୍ଲା ସଭାପତି ଉତ୍ତମ ଖମାରୀଙ୍କ ନେତୃତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ନିରଞ୍ଜନ ଡାଙ୍ଗ, ଜ୍ଞାନ ମହାକୁର, ସରୋଜ କୁମାର ମେଶ୍ଵା, ପୂର୍ଣଚନ୍ଦ୍ର ବିଶ୍ୱାଳ, ରାହାସ ବିହାରୀ ଭୋଇ, ସୁଦର୍ଶନ ବୁଡେକ ପ୍ରମୁଖ ଉପସ୍ଥିତ ଥିଲେ।  

ଉତ୍ତମ ଖମାରୀ କହିଲେ, “NEET ଲିକ୍ ପଶ୍ଚିମ ଓଡ଼ିଶାର ଗରିବ ପିଲାଙ୍କ ଡାକ୍ତର ହେବା ସ୍ୱପ୍ନ ଭାଙ୍ଗିଦେଇଛି। NEET ଛାତ୍ର ନ୍ୟାୟ ମାଗନ୍ତି, ଭିକ ନୁହେଁ।” ସରୋଜ ମେଶ୍ଵା କହିଲେ, “ଯେଉଁ ସରକାର ଶିକ୍ଷା-ରୋଜଗାର ଦେଇ ନ ପାରେ, ସେ ସରକାର ନିକମ୍ମା।”  

ମୋର୍ଚା ଚେତାବନୀ ଦେଇଛି: ୧୫ ଦିନରେ ଦାବି ପୂରଣ ନ ହେଲେ ଜିଲ୍ଲାବ୍ୟାପୀ କଲେଜ ବନ୍ଦ ଓ ରାଜରାସ୍ତା ଅବରୋଧ ହେବ।  “ଭାରତୀୟ ବିଦ୍ୟାର୍ଥୀ ମୋର୍ଚା ଜିନ୍ଦାବାଦ୍” ସ୍ଲୋଗାନ୍ ମଧ୍ୟରେ ଅତିରିକ୍ତ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ ପରେ କାର୍ଯ୍ୟକ୍ରମ ସମାପ୍ତ ହୋଇଥିଲା।