08-Feb-2021

କଳାହାଣ୍ଡି,କୋକସରା(ତ୍ରିନାଥ ବେଶ୍ରା):କଳାହାଣ୍ଡି ଜିଲ୍ଲା କୋକସରା ବ୍ଳକ କାଉଡୋଲା ଚକାଡୋଳା ସାଂସ୍କୃତିକ ଅନୁଷ୍ଠାନ ଦ୍ଵାରା ଗତ ୨୮ ତାରିଖ ରୁ ଆରମ୍ଭ ହୋଇଥିବା ନକ୍ ଆଉଟ୍ କ୍ରିକେଟ ଟୁର୍ଣ୍ଣାମେଣ୍ଟ  ରବିବାର ଫାଇନାଲ ମ୍ୟାଚ ସହ ଉଦଯାପିତ ହୋଇଯାଇଛି। ଫାଇନାଲ ଖେଳ ବାନେର ଓ ଦେଉଣ୍ଡି କ୍ରିକେଟ ଦଳ ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ବାନେର ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୨ଓଭର ମଧ୍ୟରେ ୮ ଉଇକେଟ ହରାଇ ୯୬ରନ ସଂଗ୍ରହ କରିଥିଲେ। ୯୭ ରନ ର ବିଜୟ ଲକ୍ଷ ନେଇ ଦେଉଣ୍ଡି  ଦଳ ପଡ଼ିଆରେ ଓହ୍ଲାଇ ଥିବାବେଳେ ୧୦ ଓଭର ରେ ସମସ୍ତ ଉଇକେଟ ହରାଇ ମାତ୍ର ୪୧ରନ କରିଥିଲେ। ଶେଷରେ ୫୫ରନ ରେ ବାନେର ଦଲ ଚାମ୍ପିଅନ ହୋଇଥିଲା। ଉଦଯାପନୀ ତଥା ପୁରସ୍କାର ବିତରଣ ଉତ୍ସବରେ ମୁଖ୍ୟ ଅତିଥି ଭାବରେ ଜିଲ୍ଲା ବିଜେପି ଯୁବମୋର୍ଚ୍ଚା ସଭାପତି ବିଜୟ ଦେବ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ।

ସମ୍ମାନୀତ ଅତିଥିଭାବେ ଶିକ୍ଷକ ନିର୍ମଲ ପୂର୍ଣ୍ଣଚନ୍ଦ୍ର ନାଏକ, ଯୁବ ସମାଜସେବୀ ଓମ୍ କାର ପଣ୍ଡା, ଆଇନଜୀବୀ ପଞ୍ଚାନନ ବେଶ୍ରା, କାଉଡୋଲା ନାଏବ ସରପଞ୍ଚ ଦେବୀ ସିଂ ତାଣ୍ଡି, ସୁବାଷ ଚନ୍ଦ୍ର ସତପଥି,  ସମିତି ସଭ୍ୟ ସାଧୁ ବେମାଲ ପ୍ରମୁଖ ଯୋଗଦେଇ ଉଭୟ ବିଜେତା ଓ ପରାଜିତ ଦଳକୁ ପୁରସ୍କାର ପ୍ରଦାନ କରିଥିଲେ। ଏଥିରେ ବାନେର ଦଳର ଲବ ମେନ୍ ଅଫ୍ ଦି ମ୍ୟାଚ ଓ ବିପିନ୍ ମେନ୍ ଅଫ୍ ଦି ସିରୀଜ ବିବେଚିତ ହୋଇଥିଲେ। ଫାଇନାଲ ଖେଳକୁ ଚିତ୍ତରଞ୍ଜନ ସରାବୁ ଓ ଭିକାରୀ ଚରଣ ମାଝି ପରିଚାଳନା କରିଥିଲେ। ଧାରାବିବରଣୀ ମାନସ ସରାବୁ ଓ ଗୁପ୍ତେ ଦିଶାରୀ କରିଥିବାବେଳେ ମଞ୍ଚ କୁ ଚକ୍ରଧର ବେଶ୍ରା ପରିଚାଳନା କରିଥିଲେ। ଅନୁଷ୍ଠାନର ସଭାପତି ସୁରଥ ସରାବୁ, ସମ୍ପାଦକ କୁଷ ସରାବୁ, ଉପ ସଭାପତି ଗଣେଶ ସୁନାମୀ, ସହ-ସମ୍ପାଦକ ଥବିର ମାଝି, କୋଷାଧ୍ୟକ୍ଷ ମନୋରଞ୍ଜନ ସରାବୁ ଉପସ୍ଥିତ ରହି ଖେଲାଲି ମାନଙ୍କୁ ଉତ୍ସାହିତ କରିଥିଳେ। ମିତ୍ରଭାନୁ ସରାବୁ, ହରେକୃଷ୍ଣ ସରାବୁ, ସୁଧା ସରାବୁ, ମଣ୍ଟୁ କୋଚିଆ, ତୋଫାନ ସତନାମୀ ପ୍ରମୁଖ ସଦସ୍ୟ ପରିଚାଳନାରେ ସହଯୋଗ କରିଥିଲେ।