10-May-2026

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ସୋନପୁର ଜିଲ୍ଲା ଡୁଙ୍ଗୁରିପାଲି ଥାନା ବେହେରାମାଳ ଗ୍ରାମପଞ୍ଚାୟତ ଲଙ୍ଗଳକଟା ଗ୍ରାମ ଚାଷଜମି ରାସ୍ତାରୁ ଶନିବାର ସକାଳ ୭ଟା ସମୟରେ ୨କୁଇଣ୍ଟାଲ ୭୨କିଲୋ  ୨୦୦ଗ୍ରାମ ଗଂଜେଇ ଜବତ କରି ଗଂଜେଇ ବୋଝେଇ ଏକ କ୍ରେଟା କାର୍ ଗାଡି ନମ୍ବର ଓଡ଼ି ୧୭ଏକ୍ସ ୭୧୨୭କୁ ଜବତ କରିଛି ଡୁଙ୍ଗୁରିପାଲି ପୋଲିସ।ଗଂଜେଇ ମାଫିଆମାନେ ଗାଡି ଛାଡି ଫେରାର ହୋଇ ଯାଇଛନ୍ତି। ଓଡିଶାରୁ ଛତିଶଗଡ଼ ଗଂଜେଇ ଚାଲାଣ।

ପ୍ରାପ୍ତ ପୋଲିସ ସୂତ୍ରରୁ ପ୍ରକାଶ ଯେ, ଶନିବାର ବୌଦ୍ଧ ପଟରୁ  ଛତିଶଗଡକୁ ଗଂଜେଇ ଚାଲାଣ ହେଉଥିବା ବେଳେ ଧଳା ରଙ୍ଗର ଏକ କାର୍ ଗଂଜେଇ ବୋଝେଇ ଭର୍ତ୍ତି ଆସୁଥିବା ଦେଖି କୌଣସି ସୂତ୍ରରୁ ଖବର ପାଇଁ ସୋନପୁର ପୋଲିସ ଟିମ୍ କାରକୁ ପିଛା କରି ବିନିକା ଓ ରାମପୁର ପୋଲିସକୁ ଖବର ଦେଇଥିଲା। ସୋନପୁର, ବିନିକା ଓ ରାମପୁର ଥାନା ପୋଲିସ ଟିମ୍ ମିଳିତ ହୋଇ ଭୋର ୫ ଟା ସମୟରେ କାର୍ କୁ ପିଛା କରିଥିଲେ।ହେଲେ ଗଂଜେଇ ମାଫିଆ ମାନେ ଗଂଜେଇ ପାର କରି ନପାରି ଡୁଙ୍ଗୁରିପାଲି ଥାନା ବେହେରାମାଲ ଗ୍ରାମପଞ୍ଚାୟତ  ଲଙ୍ଗଳକଟା ଗ୍ରାମ ନିକଟ ଚାଷଜମି ରାସ୍ତାରେ ଗଂଜେଇ ଭର୍ତ୍ତି ଏକ ଧଳା କାରକୁ ଛାଡି ଫେରାର ହୋଇ ଯାଇଥିଲେ।ଚାଷଜମି ରାସ୍ତାରେ ସକାଳ ୭ଟା ରେ ଏକ ଧଳା କାର୍ ଥିବା ଦେଖି ଲଙ୍ଗଳକଟା ଗ୍ରାମର  ରବୀନ୍ଦ୍ର ତ୍ରିପାଠୀ ଡୁଙ୍ଗୁରିପାଲି ପୋଲିସ କୁ ଖବର ଦେଇଥିଲେ।ଡୁଙ୍ଗୁରିପାଲି ପୋଲିସ ଘଟଣାସ୍ଥଳକୁ ସକାଳ ୭ ଟା ସମୟରେ ପହଂଚିଥିଲେ। ପରେ ଦିନ ୧୧ ଟା ସମୟରେ  ରାମପୁର ଅତିରିକ୍ତ ତହସିଲଦାର ରୋହିତ କୁମାର ବାଘ ମାଜିଷ୍ଟ୍ରେଟ ଦାଇତ୍ୱ ଉପସ୍ଥିତ ରହିଥିଲେ। ପୋଲିସ କାର ଭିତରୁ ଗଂଜେଇ ସବୁକୁ  ବାହାର କରିଥିଲେ। କାର ଭିତରୁ ମୋଟ ୨୭୦ ପକେଟ ଗଂଜେଇ ବାହାରିଥିଲା। ମାଜିଷ୍ଟ୍ରେଟଙ୍କ ଉପସ୍ଥିତରେ ଓଜନ କରାଯାଇଥିଲା। ଗଂଜେଇକୁ ଓଜନ କଲା ପରେ ଏହାର ପରିମାଣ ୨କୁଇଣ୍ଟାଲ ୭୨କିଲୋ 

୨୦୦ଗ୍ରାମ ହୋଇଥିଲା। ଓଜନ ଗଂଜେଇ ସବୁ ୧୨ ଗୋଟି  ବଡ଼ ବୁରା ପକେଟରେ ଭର୍ତ୍ତି କରି ସିଲ୍ କରାଯାଇ ପୋଲିସ ଜବତ କରିରଖିଛି।ଗଂଜେଇ ମାଫିଆ ମାନେ ଗଂଜେଇ ଚାଲାଣ କରୁଥିବା ବେଳେ ଦୁଇଟି ନମ୍ବର ପ୍ଲେଟ ଓଡିଶା ଓ ଛତିଶଗଡ ନମ୍ବର ପ୍ଲେଟ ଓ କାରକୁ ପୋଲିସ ଜବତ କରିଛି। ଜବତ ହୋଇଥିବା ଗଂଜେଇର ସରକାରୀ ମୂଲ୍ୟ ୨୭ ଲକ୍ଷ ଟଙ୍କା ହେବା ପୋଲିସ କହିଛି। ଏ ନେଇ ଡୁଙ୍ଗୁରିପାଲି ପୋଲିସ କେଶ୍ ନଂ -୧୧୫ /୨୬ ରେ ଅବକାରୀ ଆକ୍ଟ ୩୧୮/(୪)ଭାରତୀୟ ନ୍ୟାୟ ସହିତା ଅନୁଯାୟୀ ୨୦(b) c ୨୫/୨୯ ,୨୦(b)(ii)c ୨୫/୨୯ ମାମଲା ରୁଜୁ ହୋଇଥିବା ତଦନ୍ତଅଧିକାରୀ ଏ.ଏସ.ଆଇ ଅମିତ କୁମାର ଧଳ କହିଛନ୍ତି |