10-May-2026

କଟକ(ତପନ ମହାନ୍ତି): କଟକ ବୋର୍ଡ ଅଫ ରେଭିନ୍ୟୁ ନିର୍ମାଣାଧୀନ କୋଠାରୁ ଖସି ପଶ୍ଚିମବଙ୍ଗର ଶ୍ରମିକ ଆମିନୁଲ ଇସଲାମଙ୍କ ମୃତ୍ୟୁ ଘଟିଛି। ଠିକା ସଂସ୍ଥା ଗୁଡ଼ିକ ନିରାପତ୍ତା ନିୟମ ପାଳନ କରୁନଥିବାରୁ ଏଭଳି ଘଟଣା ଘଟୁଛି। ଦୁର୍ଘଟଣାର ନିରପେକ୍ଷ ଉଚ୍ଚସ୍ତରୀୟ ତଦନ୍ତ କରିବା ସହ ଠିକା ସଂସ୍ଥା ଓ ଯନ୍ତ୍ରୀ ଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଏବଂ ମୃତ ଶ୍ରମିକଙ୍କ ପରିବାରକୁ ୫ ଲକ୍ଷ ଟଙ୍କା ଅନୁକମ୍ପା ମୂଳକ ସହାୟତା ପ୍ରଦାନ କରିବାକୁ ଏଆଇୟୁଟିୟୁସି ପକ୍ଷରୁ ଜିଲା ସଭାପତି ଖଗେଶ୍ବର ସେଠୀ, ସମ୍ପାଦକ ରାଜକିଶୋର ମଲ୍ଲିକ ଦାବି ଜଣାଇଛନ୍ତି। ସେହିପରି ସିପିଡିଆରଏସ ଓଡ଼ିଶା ଶାଖା ପକ୍ଷରୁ ଉଦ୍‌ବେଗ ପ୍ରକାଶ ପାଇଛି। ନିର୍ମାଣାଧୀନ କୋଠାରେ ବ୍ୟାରିକେଡ୍, ସୁରକ୍ଷା ଜାଲ ଘେରାନଯାଇ କାମ କରାଯାଉଥିଲା। ନିର୍ମାଣ କ୍ଷେତ୍ରରେ ନିୟମ ପାଳନ କରୁନଥିବା ଠିକା ସଂସ୍ଥା ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ ସହ ମୃତ ଶ୍ରମିକଙ୍କ ପରିବାରକୁ କ୍ଷତିପୂରଣ ପ୍ରଦାନ ପାଇଁ ସିପିଡିଆରଏସ ଦାବି କରିଛି।