08-May-2026

ବରଗଡ(ପ୍ରେରଣା ଖବର): ବରଗଡ଼ ଜିଲ୍ଲାରେ ଚାଂଚଲ୍ୟ । ବିଜେପି ଆଇଟିସେଲ ସଂଯୋଜକଙ୍କୁ ହତ୍ୟା ଧମକ । ରାତି ଅଧରେ ବନ୍ଧୁକ ମୁନରେ ତାଙ୍କୁ ଘରୁ ଉଠାଇନେଲେ ୮ ଦୁର୍ବୃତ୍ତ। ବନ୍ଧୁ ଦେଖାଇ ଧମକ ଚମକ ଦେଇ ଅଧାବାଟରେ ଛାଡ଼ିଦେଲେ । ଏଭଳି ଏକ ଖବରକୁ ନେଇ ବରଗଡ଼ରେ ଆଲୋଡ଼ନ ସୃଷ୍ଟି ହୋଇଛି ।  ବିଜେପି ଗଡ଼ରେ ବିଜେଡିର ହୀନମାନସିକତାକୁ ନେଇ ସାରା ଜିଲ୍ଲାରେ ଚର୍ଚ୍ଚା ।  ବିଜେପି ସେଲ ଆଇଟି ମୁଖ୍ୟ ନୀଳାଞ୍ଚଳ ଦରୁଆନଙ୍କୁ ହତ୍ୟା ଧମକ । ରାତି ଅଧରେ ସ୍କର୍ପିଓ ଗାଡ଼ିରେ ଘରୁ ଉଠାଇନେଇ  ଜୀବନରେ ମାରିଦେବାକୁ ଧମକ ।  ଜିଲ୍ଲାରେ ନୀଳାଞ୍ଚଳ ଦରୁଆନ ଆଇଟି ବିଜେପି ଆଇଟି ସେଲ କ୍ଷେତ୍ରରେ ଅନେକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରନ୍ତି ।  ହେଲେ ବିଜେଡି ରାଜନୈତିକ ଅଭିସନ୍ଧି ରଖି ତାଙ୍କୁ ଜବରଦସ୍ତି ବିଜେପି ଛାଡ଼ି ବିଜେଡିରେ ମିଶିବାକୁ ଧମକ ଦେଇଛନ୍ତି । ବିଜେଡିରେ ମିଶିଲେ ସାତ ଖୁଣ ମାଫ୍ ବୋଲି ଧମକ ଦେଇଛନ୍ତି କିଛି ବିଜେଡି କର୍ମୀ ।ବନ୍ଧୁକ ମୂନରେ ଘରୁ ଉଠାଇ ନେଇ ଧମକ ଦେବା ଘଟଣାରେ ମେଲଛାମୁଣ୍ତା ଥାନା ଅଧିକାରୀଙ୍କ ନିକଟରେ ଫେରାଦ ହୋଇଛନ୍ତି ନୀଳାଞ୍ଚଳ ଦରୁଆନ ।  ପୂରା ଘଟଣାକୁ ନେଇ ମେଲଛାମୁଣ୍ଡା ଥାନା ଅଧିକାରୀଙ୍କୁ ସେ ଏକ ଲିଖିତ ଅଭିଯୋଗ କରିଛନ୍ତି ।  ୬ ତାରିଖ ରାତି ପ୍ରାୟ ଗୋଟାଏ ତିରିଶ ବେଳେ ସ୍କର୍ପିଓ ଗାଡ଼ିରେ ୮ଜଣ ବ୍ୟକ୍ତି ନିଜକୁ ମେଲଛାମୁଣ୍ଡା ପୋଲିସ କହି ଭିତରକୁ ପଶିଥିଲେ । ତଦନ୍ତ ବାହାନାରେ ନିଳାଂଚଳକୁ ଖୋଜିଥିଲେ ।  ନିଳାଂଚଳଙ୍କୁ ଧକ୍କା ମାରିବାରୁ ପରିବାର ଲୋକ ଏହାକୁ ବାରଣ କରିଥିଲେ । ପରେ ଜୋରଜବରଦସ୍ତ ଘରୁ ସ୍କିର୍ପିଓ ଗାଡ଼ିରେ ନେଇଯାଇଥିଲେ ।  ଗାଡ଼ିରେ ଧମକ ଦେଇ କହିଥିଲେ, ବିଜେପି ପାଖରେ କାହିଁକି

ଅଛୁ, କାହିଁକି ବିଜେପି ପାଇଁ ପ୍ରଚାର କରୁଛୁ ବୋଲି କହିଥିଲେ । ଏମିତି ବନ୍ଧୁକ ଦେଖାଇ ଡରାଇଥିଲେ। ଆଗକୁ ବିଜେପି ପ୍ରଚାର କଲେ ଜୀବନରେ ମାରଦେବୁ ବୋଲି ଧମକ ଦେଇ  ରାସ୍ତା ମଝିରେ ଛାଡ଼ି ଦେଇଥିଲେ । ନିଜ ଜୀବନ ପ୍ରତି ବିପଦ ଥିବା ଦର୍ଶାଇ ଥାନାର ଦ୍ବାରସ୍ଥ ହୋଇଛନ୍ତି ନୀଳାଞ୍ଚଳ ବରୁଆନ । ନିର୍ବାଚନ ସମୟରେ ବିଜେପିକୁ ସମର୍ଥନ କରିବା ଓ ଭୋଟ୍ ଦେବା କାରଣରୁ ବିଜେଡିର କିଛି ସମର୍ଥକ ଏହି କାଣ୍ଡ ଭିଆଇଛନ୍ତି।  ଏହି ଘଟଣାର ତଦନ୍ତ କରି ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଥାନା ଅଧିକାରୀଙ୍କୁ ଅନୁରୋଧ କରିଛନ୍ତି ନୀଳାଞ୍ଚଳ ଦରୁଆନ।