08-May-2026

ବଲାଙ୍ଗୀର(ପ୍ରେରଣା ଖବର): ଅଖିଳ ଭାରତୀୟ ଗ୍ରାହକ ପଞ୍ଚାୟତ କେନ୍ଦ୍ରୀୟ କାର୍ଯ୍ୟାଳୟ ନୂଆଦିଲ୍ଲୀର ପ୍ରସ୍ତୁତି ଓ ଆହ୍ଵାନ କ୍ରମେ ସମଗ୍ର ଦେଶରେ ଥିବା ଅଖିଳ ଭାରତୀୟ ଗ୍ରାହକ ପଞ୍ଚାୟତ, ସମସ୍ତ ଜିଲ୍ଲାରେ ଦାବୀପତ୍ର ଦେବା ପାଇଁ ସ୍ଥିର ହୋଇଛି। ଏଣୁ, ଆଜି ଏଠାରେ ବଲାଙ୍ଗୀର ଜିଲ୍ଲାପାଳ ଗୌରବ ଶିବାଜୀ ଇସଲୱାର ଓ ବଲାଙ୍ଗୀର ଗସ୍ତରେ ଥିବା ରାଜ୍ୟ ସ୍ୱାସ୍ଥ୍ୟ ମନ୍ତ୍ରୀ ଡ.ମୁକେଶ ମହାଲିଙ୍ଗଙ୍କୁ ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ଏହାର ପ୍ରତି ପ୍ରଦାନ କରା ଯାଇଛି l 

ପଞ୍ଚାୟତ ପକ୍ଷରୁ କେନ୍ଦ୍ର ସରକାରଙ୍କୁ ଜିଲ୍ଲାପାଳଙ୍କ ଜରିଆରେ ଦ୍ରବ୍ୟ ଗୁଡିକର ଦାମ୍ ସୂଚୀରେ ଲିଖିତ ରହୁଥିବା(ଏମ୍ ଆର୍ ପି) ସର୍ବାଧିକ ବିକ୍ରୟ ମୂଲ୍ୟ  ନିର୍ଦ୍ଧାରଣ ପାଇଁ କୋଣସି ନିୟମ ନଥିବା ଯୋଗୁଁ  ପ୍ରକୃତ ଦର ଠାରୁ ଢେର ଅଧିକ ଗ୍ରାହକ ମାନଙ୍କୁ ଦେବାକୁ ପଡୁଥିବାରୁ ଏହାର କାର୍ଯ୍ୟାନୁଷ୍ଠାନ ଗ୍ରହଣ ପାଇଁ   ଦାବୀ କରିଛି। କେନ୍ଦ୍ର ସରକାର ବ୍ୟାପାର ଓ ବାଣିଜ୍ଯ ବିଭାଗ  ଖାଉଟି ହିତ ଦୃଷ୍ଟିରୁ ତୁରନ୍ତ ପଦକ୍ଷେପ ଗ୍ରହଣ କରିବା ପାଇଁ ଅନୁରୋଧ କରାଯାଇଛି। ଆଜି ଏଠାରେ ଗ୍ରାହକ ପଞ୍ଚାୟତ ଜିଲ୍ଲା ସଭାପତି ଗୋପବନ୍ଧୁ ଶତପଥୀ ଓ ଓଡିଶା ପଶ୍ଚିମ ପ୍ରାନ୍ତ ସଭାପତି କିଶୋର ମୋହନ ମିଶ୍ର ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ଚିଠି ପ୍ରଦାନ କରିଛନ୍ତି।