30-Apr-2026

ଶରୀରକୁ ସୁସ୍ଥ ରଖିବା ପାଇଁ ଯୋଗ, ବ୍ୟାୟାମ, ପ୍ରାଣାୟାମ, ସକାଳୁ ଚାଲିବା, ଏବଂ କିଛି ସମୟ ତାଲି ମାରିବା ଇତ୍ୟାଦି ନିୟମିତ ଭାବେ ପାଳନ କଲେ ଶରୀର ସୁସ୍ଥ ଓ ନିରୋଗ ରହିଥାଏ । ତେବେ ଆଜି ତାଲି ର ଉପକାରିତା ବିଷୟରେ କିଛି ଜାଣିବା। ପ୍ରତ୍ୟହ ସକାଳୁ ଖାଲି ପେଟରେ ୦୫ ମିନିଟ ପର୍ଯ୍ୟନ୍ତ ତାଲି ମାରିବା ଦ୍ବାରା ନିମ୍ନ ଶାରୀରିକ ଉପକାର ମିଳିଥାଏ।

୧.ଆକ୍ୟୁପ୍ରେସର ଚିକିତ୍ସା ଭଳି

ପ୍ରତ୍ୟହ ସକାଳୁ ତାଲି ମାରିବା ଦ୍ଵାରା ଆକ୍ୟୁପ୍ରେସର ଭଳି କାମ କରିଥାଏ କାରଣ ହାତ ପାପୁଲିରେ ୩୯ ଆକ୍ୟୁପ୍ରେସର ପଏଣ୍ଟ ଥାଏ ଯାହା ହୃଦୟ, କିଡନୀ, ଫୁସଫୁସ, ଚକ୍ଷୁ ସହ ସହ ଜଡ଼ିତ । ତାଳି ବଜେଇଇଲେ ଉକ୍ତ ସମସ୍ତ ପଏଣ୍ଟ କୁ ଏକା ସାଙ୍ଗରେ କାର୍ଯ୍ୟକ୍ଷମ କରିଥାଏ।

୨.ରକ୍ତ ସଞ୍ଚାଳନ ବଢେ

ହାତ ପାପୁଲିରେ ଶରୀର ଅନେକ ଆକୁପ୍ରେସର ପଏଣ୍ଟ ଥାଏ। ତାଳି ବଜେଇଲେ ସେଗୁଡ଼ିକ ଚାପି ହୁଏ ଓ ରକ୍ତ ପ୍ରବାହ ଭଲ ହୁଏ।

୩.ହୃଦୟ ସ୍ୱାସ୍ଥ୍ୟ 

ଦିନକୁ ୦୪/୦୫  ମିନିଟ ତାଳି ବଜେଇବା ହାଲୁକା କାର୍ଡିଓ ବ୍ୟାୟାମ ଭଳି ହୃଦୟ ସୁସ୍ଥ ରହିଥାଏ  ।

୪.ଫୁସ୍‌ଫୁସ୍ ଓ ଆଜମା

ଜୋର୍ ରେ ତାଳି ବଜେଇଲେ ଫୁସ୍‌ଫୁସ୍ ସକ୍ରିୟ ହୁଏ, ଶ୍ୱାସର ବ୍ୟାୟାମ ହୁଏ। ଯୋଗରେ ଏହାକୁ ‘କରତାଳି ଥେରାପି’ ବା Clapping Therapy କୁହାଯାଏ।

୫. ହାତର ମାଂସପେଶୀ 

ତାଳି ମାରିବା ଦ୍ଵାରା ଆଙ୍ଗୁଠି ଓ ହାତପାପୁଲିର ମାଂସପେଶୀ ମଜବୁତ ହୁଏ, ବିଶେଷକରି ବୟସ୍କ ଲୋକଙ୍କ ପାଇଁ ଏହା ଏକ ଭଲ ବ୍ୟାୟାମ ।

୬.ମାନସିକ ଉପକାର

ତାଳିର ଶବ୍ଦ ଓ ଲୟ ମନକୁ ଶାନ୍ତ କରେ,ଚାପ କମିଥାଏ ଏଣ୍ଡୋରଫିନ ହରମୋନ ବାହାରି ଶରୀରକୁ ସୁସ୍ଥ ରଖିଥାଏ।

୭.ମନ ଖୁସି ହୁଏ

ଗୋଷ୍ଠୀରେ ତାଳି ବଜେଇଲେ ଖୁସିର ମାହୋଲ ସୃଷ୍ଟି ହୁଏ, ଏକୁଟିଆପଣ ଦୂର ହୁଏ ।

୮.ଏକାଗ୍ରତା

ପିଲାମାନଙ୍କ ପାଇଁ ତାଳି ଖେଳ ଧ୍ୟାନ ଓ ସମନ୍ୱୟ ବଢାଏ ଏବଂ ଏକାଗ୍ରତା ବୃଦ୍ଧି ପାଏ ।

୯.ଆୟୁର୍ବେଦ ଓ ଯୋଗ ମତ

ଆୟୁର୍ବେଦ ଅନୁଯାୟୀ ହାତପାପୁଲିରେ ହୃଦୟ, ଯକୃତ, ଫୁସ୍‌ଫୁସ୍, ଅନ୍ତନଳୀର ପଏଣ୍ଟ ଥାଏ। ପ୍ରତ୍ୟହ ସକାଳେ ୫ମିନିଟ ତାଳି ବଜେଇଲେ ସାରା ଶରୀରକୁ ଉପକାର ମିଳିଥାଏ ଏହାକୁ ‘ହସ୍ତ ତାଳି ଯୋଗ’ ମଧ୍ୟ କୁହାଯାଏ।

୧୦.ସାମାଜିକ ଉପକାର

ଗୋଷ୍ଠୀରେ ତାଳି ବଜେଇଲେ ସମ୍ପର୍କ ମଜବୁତ ହୁଏ, ସାକାରାତ୍ମକ ଉର୍ଜା ବା ଶକ୍ତି ଆସେ। ସେଥିପାଇଁ ଭଜନ, କୀର୍ତ୍ତନ, ତଥା ସ୍କୁଲ ଆସେମ୍ବଲିରେ ତାଳି ବଜେଇବାକୁ କୁହାଯାଇଥାଏ।

୧୧.କେମିତି କରିବେ

ଦୁଇ ହାତପାପୁଲିକୁ ସିଧା ରଖି  ଆଙ୍ଗୁଠି-ଆଙ୍ଗୁଠି ଓ ହାତପାପୁଲି-ହାତପାପୁଲି ମିଳିବ। ପ୍ରତ୍ୟହ ସକାଳେ ୦୪-୦5 ମିନିଟ ସାତଦିନ ପର୍ଯ୍ୟନ୍ତ କରନ୍ତୁ ପରିବର୍ତ୍ତନ ଅନୁଭବ କରି ପାରିବେ । 
୧୨.ପ୍ରଥମେ ଧୀରେ ଧୀରେ ତାପରେ ଜୋରରେ ମିନିଟ କୁ ୬୦-୭୦ ଥର ପରେ ନିଜର ସ୍ବାସ୍ଥ୍ୟ ଦେଖି ବଢ଼େଇ ପାରିବେ । 
୧୩.ତାଳି ବଜେଇବା ବେଳେ ଗଭୀର ଶ୍ବାସ ନିଅନ୍ତୁ ଓ ଛାଡ଼ନ୍ତୁ। 
୧୪.ତାଳି ବଜାଇବା ପୂର୍ବରୁ ହାତରେ ଘିଅ କିମ୍ବା ତେଲ ଲଗାଇ ଏହି ବ୍ୟାୟାମ କଲେ ଉତ୍ତମ ଫଳ ମିଳିଥାଏ । 
(ଧ୍ୟାନ ଦିଅନ୍ତୁ-ଗଣ୍ଠି ବାତ ବା ହାତପାପୁଲିରେ ଆଘାତ ଥିଲେ ନିଜର ସ୍ବାସ୍ଥ୍ୟ ଦେଖି ଏହି ବ୍ୟାୟାମ କରିପାରିବେ ।) 
        --------×××-------