27-Apr-2026

ଅନଗୁଳ/ପାଳଲହଡ଼ା(ବିଭୁ ଖମଣିଆଁ ): ପାଳଲହଡ଼ା  ନର୍ସରୀ ଠାରେ  ଜଙ୍ଗଲ ,ପରିବେଶ ଓ ଜଳବାୟୁ ବିଭାଗ ପାଳଲହଡ଼ା  ଏବଂ ବାରକୋଟ ବନାଞ୍ଚଳ ଦ୍ଵାରା ଆୟୋଜିତ ବନ ସୁରକ୍ଷା ସମିତି ଓ ଗ୍ରାମ ବାସୀ ମାନଙ୍କୁ ଜଙ୍ଗଲ ସୁରକ୍ଷା ଉପଦ୍ରବ ନିରୋଧ ଉପକରଣ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଏହି ଉପକରଣ ବଣ୍ଟନ କାର୍ଯ୍ୟକ୍ରମ ରେ ଅନୁଗୋଳ ଜିଲ୍ଲା ଯୋଜନା କମିଟି ଅଧ୍ୟକ୍ଷ ତଥା ପାଳଲହଡ଼ା   ବିଧାୟକ ଅଶୋକ ମହାନ୍ତି ମୁଖ୍ୟ ଅତିଥି ଭାବରେ ଯୋଗ ଦେଇ ଥିଲେ। ଦିନକୁ ଦିନ ଜଙ୍ଗଲ ପରିଦେଶ ଓ ଜଳବାୟୁ ଦ୍ରୁତ ପରିବର୍ତନ ପରି ପ୍ରେକ୍ଷୀରେ ଦେବଗଡ଼ ବନ ଖଣ୍ଡ ପକ୍ଷରୁ ଆଜି  ବନ ସୁରକ୍ଷା ସମିତି ଓ ଗ୍ରାମବାସୀଙ୍କୁ ଜଙ୍ଗଲ ସୁରକ୍ଷା ହାତୀ ଉପଦ୍ରବ ନିରୋଧୀ ଉପକରଣ ବଣ୍ଟନ କରିଥିଲେ। ଏହି ଅବସରରେ ସେ ୧୦୦   ଜଣଙ୍କୁ ସୋଲାର ଲଣ୍ଠନ, ୧୫୦ ଜଣଙ୍କୁ ଶସ୍ୟ ସୁରକ୍ଷା ଡ୍ରମ, ୨ଜଣଙ୍କୁ ଥ୍ରେସର ଏବଂ ଏଲିଫ୍ୟାଣ୍ଟ ସ୍କ୍ୱାର୍ଡ ଓ ପାରା ସ୍କ୍ୱାର୍ଡ ଙ୍କୁ ପୋଷାକ ବଣ୍ଟନ କରି ଥିଲେ।ପରିବେଶ ସୁରକ୍ଷା ସହିତ  ଗ୍ରାମ ବାସୀଙ୍କ ସୁରକ୍ଷା ଦିଗରେ ସଚେତନ ରହିବାକୁ ସେ ଗୁରୁତ୍ୱ ଦେଇ ଥିଲେ। ଏ ଦିଗରେ ସରକାରଙ୍କ  ବିଭିର୍ଣ୍ଣ ଯୋଜନା ସମ୍ପର୍କରେ ଅବଗତ କରିବା ସହିତ ଆମେ ସଚେତନ ହେଲେ ଅନେକ ସମସ୍ୟାର ସମାଧାନ ହୋଇ ପାରିବ ବୋଲି ସେ ପରାମର୍ଶ ଦେଇ ଥିଲେ। ଏହି କାର୍ଯ୍ୟକ୍ରମରେ ଦେବଗଡ଼ ଡି ଏଫଓ ଅର ରଶ୍ମିଜି, ଏସିଏଫ ସ୍ୱାଧୀନ ସାହାଣୀ, ଉପଜିଲ୍ଲାପାଳ  ରବୀନ୍ଦ୍ର କୁମାର ପଟେଲ. ପାଳଲହଡା ରେଞ୍ଜର ଶିରୀଶ କୁମାର ଦଳାଇ, ଖମାର ରେଞ୍ଜର ମନୋଜ ଟୀଗା , ବରିଷ୍ଠ ଆଇନଜୀବୀ ତନ୍ମୟ ସାହୁ , ସାଂସଦଙ୍କ ପ୍ରତିନିଧି ଲିଙ୍ଗରାଜ ଦାସ ଓ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।