10-Apr-2026

ସୋନପୁର (ମନୋରଞ୍ଜନ ତ୍ରିପାଠୀ )
  ଦୀର୍ଘ ୪୬ ବର୍ଷ ପରେ ଆଜି ସୁବର୍ଣ୍ଣପୁର  ଜିଲ୍ଲା ପ୍ରଶାସନ, ଦେବୋତ୍ତର ବିଭାଗ, କିଛି ଭକ୍ତ ଶ୍ରଦ୍ଧାଳୁ, ଓ ମିଡ଼ିଆ ଙ୍କ ମିଳିତ ସହଯୋଗରେ ଜିଲ୍ଲାପାଳ  ଡ଼. ନୃପ ରାଜ ସାହୁ, ଏଡିଏମ ରାଜେନ୍ଦ୍ର ମାଝୀ, ଏଡିଏମ ଅଞ୍ଜଳୀନା ପଧାନ, ଉପ ଜିଲ୍ଲାପାଳ ତଥା ଦେବୋତ୍ତର ବିଭାଗ ଅଧିକାରୀ ଡ଼ ସୌମ୍ୟା ରୂପା ରଥ, ପୌର ପରିଷଦ ଅଧିକାରୀ ଋଷି ମାଝୀ ଙ୍କ ସମେତ ବିଭିନ୍ନ ଅଧିକାରୀ, ଗୋପାଳ ଜୀ ମନ୍ଦିର କମିଟି କର୍ମକର୍ତ୍ତା,  ସମାଜସେବୀ ଗୋବିନ୍ଦ ମହାରଣା, ମନୋରଞ୍ଜନ ତ୍ରିପାଠୀ, ଦୀପକ ମହାପାତ୍ର, କିଛି ସଚେତନ ନାଗରିକ, ମିଡିଆ, ଭକ୍ତ ଶ୍ରଦ୍ଧାଳୁ ଉପସ୍ଥିତରେ ସୁବର୍ଣ୍ଣପୁର ସହର ର ଅଷ୍ଟ ଶମ୍ଭୁ ମହାପ୍ରଭୁ ମଧ୍ୟରେ ଥିବା  ଶ୍ରୀ ଶ୍ରୀ ରୁଦ୍ର ନାଥ ମହାପ୍ରଭୁ ଙ୍କ ମନ୍ଦିର ର ପୂଜା ପାଇଁ ଦର୍ଶନ ପାଇଁ ବାଟ ଫିଟିଲା l "ଦୀର୍ଘ ୪୬ ବର୍ଷ ଧରି ପ୍ରଭୁ ଙ୍କ ଦ୍ୱାର ଖୋଲା ନ ଥିଲା l ଆବଦ୍ଧ ବାଉଁଣ୍ଡ୍ରୀ ଭିତରେ ଥିଲେ , ପ୍ରଭୂ ଙ୍କୁ ଦର୍ଶନ କରିବା ଲୋକେ ସୁଯୋଗ ପାଇ ନ ଥିଲେ l ପ୍ରଭୁ ଙ୍କ ଇଛା ପରେ ଆଜି ମନ୍ଦିର ର ବାଟ ଫିଟିଛି l ଏ ଜାଗା ମାଲିକ ଙ୍କ ଘର କୁ ପହଞ୍ଚି ଜିଲ୍ଲା ପ୍ରଶାସନ ଟିମ୍ ତାଙ୍କୁ ବୁଝାଇ ଥିଲୁ l ସେମାନେ ବାପା ପୁଅ ସ୍ୱଇଚ୍ଛା ରେ ଆଜି ଆମ ପାଖରେ ଜିଲ୍ଲା ପ୍ରଶାସନ ପାଖରେ ପହଞ୍ଚି ମନ୍ଦିର ବାଟ ଫିଟାଇବାକୁ ଯେତେ ଜାଗା ଦରକାର ଜାଗା ଦେବାକୁ  ରାଜି ହେବା ବିଷୟ ଓ  ଆଜି ଭକ୍ତ ଶ୍ରଦ୍ଧାଳୁ ବହୁତ୍ ଖୁସି ଅଛନ୍ତି ବୋଲି ଜିଲ୍ଲାପାଳ  କହିଥିଲେ l ଜିଲ୍ଲା ପ୍ରଶାସନ ଦେବୋତ୍ତର ବିଭାଗ ପକ୍ଷରୁ ଖୁବ୍ ଶୀଘ୍ର ମନ୍ଦିର ପୁନଃ ପ୍ରତିଷ୍ଠା ଉତ୍ସବ ପାଳନ ପାଇଁ ପ୍ରସ୍ତୁତି ହେବ l ପ୍ରଭୁ ପୂଜା ପାଇବେ ଭକ୍ତ ଙ୍କୁ ଦର୍ଶନ ଦେବେ ବୋଲି ଜିଲ୍ଲାପାଳ ଡ଼. ସାହୁ ମତ ରଖି ଥିଲେ l  ମନ୍ଦିର ଖୋଲିବା ଓ ବାଟ ଫିଟାଇବା ନେଇ ପୌର ପରିଷଦ ଓ ଅଗ୍ନିଶମ ବାହିନୀ ପହଞ୍ଚି ଏଠାକାର ଅନା ବନା ଗଛ ଅଳିଆ ଆବର୍ଜନା ସବୁକୁ ଯୁଦ୍ଧ କାଳୀନ ଭିତ୍ତିରେ ସଫେଇ ଅଭିଯାନ ଜାରି ରଖିଛନ୍ତି ବୋଲି ଦେବୋତ୍ତର ବିଭାଗ ଅଧିକାରୀ ଡ଼ ସୌମ୍ୟା ରୂପା ରଥ ପ୍ରକାଶ କରିଛନ୍ତି l ଆଜିର ଏଇ ଐତିହାସିକ ପଦକ୍ଷେପ ପାଇଁ ଜିଲ୍ଲା ପ୍ରଶାସନ, ଦେବୋତ୍ତର ବିଭାଗ ବିଶେଷ କରି ବେସରକାରୀ ଜାଗାରେ ଆବଦ୍ଧ ହୋଇ ରହିଥିବା  ଏ ଜାଗା ମାଲିକ ଙ୍କୁ ବୁଦ୍ଧିଜୀବି କୃତଜ୍ଞତା ଜ୍ଞାପନ କରିଛନ୍ତି l ପ୍ରଭୁ ଙ୍କୁ ପ୍ରତ୍ୟଃହ ଦର୍ଶନ କରିବା ସୁଯୋଗ ମିଳିବ ବୋଲି ଭକ୍ତ ଶ୍ରଦ୍ଧାଳୁ ଙ୍କ ମଧ୍ୟରେ ସହର ରେ  ଖୁସି ଲହର ଖେଳି ଯାଇଛି l