08-Apr-2026

(ପ୍ରିୟଦର୍ଶିନୀ ପାତ୍ର)
ଓଡ଼ିଶା ସରକାରଙ୍କ ନିଷ୍ପତ୍ତି ଓ ଉଚ୍ଚଶିକ୍ଷା ବିଭାଗର ନିର୍ଦ୍ଦେଶକ୍ରମେ ଚଳିତ ବର୍ଷ ସାରା ରାଜ୍ୟରେ ୦୧ ଏପ୍ରିଲ୍ ୨୦୨୬ ରୁ ୧୪ ଏପ୍ରିଲ୍ ୨୦୨୬ ମଧ୍ୟରେ ଓଡ଼ିଆ ପକ୍ଷ ପାଳନ ହେଉଅଛି ।ଏହି ଅବସରରେ ନବରଙ୍ଗପୁର ମହାବିଦ୍ୟାଳୟ, ନବରଙ୍ଗପୁର ଠାରେ କଲେଜର ଯୁବ ରେଡ଼କ୍ରସ୍ ଓ ଜାତୀୟ ସେବା ଯୋଜନା ତରଫରୁ ଆଜି ତା ୦୮.୦୪.୨୦୨୬ ଦିନ କଲେଜ ପ୍ରେକ୍ଷାଳୟ କକ୍ଷରେ ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଧାୟକ ଶ୍ରୀ ଗୌରିଶଙ୍କର ମାଝି, ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ ତଥା କଲେଜ ପରିଚାଳନା କମିଟିର ସଭାପତି ଶ୍ରୀ ତପନ କୁମାର ଖୁଣ୍ଟିଆ, ଉପଜିଲ୍ଲାପାଳ ଶ୍ରୀ ପ୍ରକାଶ ଚନ୍ଦ୍ର ମିଶ୍ର, ଜିଲ୍ଲା ସୂଚନା ଓ ଜନ ସଂପର୍କ ଅଧିକାରୀ ଶ୍ରୀ ମନୋଜ କୁମାର ବେହେରା ଓ ଜିଲ୍ଲା ସଂସ୍କୃତି ଅଧିକାରୀ ଶ୍ରୀ ଘାସିଆ ହରିଜନ ଇତ୍ୟାଦି ଉପସ୍ଥିତ ରହି ରକ୍ତ ଦାନର ଉପକାର ଓ ଉତ୍ତମ ସ୍ଵାସ୍ଥ୍ୟ ସମର୍କରେ ବକ୍ତବ୍ୟ ପ୍ରଦାନ କରିଥିଲେ ।
ଶିବିରକୁ ମହାବିଦ୍ୟାଳୟ ଅଧ୍ୟକ୍ଷ ଶ୍ରୀ ଡି. ଗୋବିନ୍ଦା ରାଓ ଉଦଘାଟନ କରିଥିଲେ । ପ୍ରାଧ୍ୟାପିକା ଶ୍ରୀମତି ସଙ୍ଗୀତା ତ୍ରିପାଠୀ ସ୍ବାଗତ ସମ୍ଭାଷଣ ଦେବା ସହ ପ୍ରାଧ୍ୟାପକ ଶ୍ରୀ ପ୍ରବୀଣ କୁମାର ବେହେରା ପରିଚାଳନା ଓ ଦର୍ଶନ ଶାସ୍ତ୍ର ଅଧ୍ୟାପକ ଶ୍ରୀ ସମ୍ଭୁ ପ୍ରସାଦ ହୋତା ଧନ୍ୟବାଦ୍ ଅର୍ପଣ କରିଥିଲେ ।
ଜିଲ୍ଲା ଯୁବ ରେଡକ୍ରସ୍ ଦାୟିତ୍ୱରେ ଥିବା ଅଧ୍ୟାପକ ଶ୍ରୀ ଦିଲ୍ଲୀପ ହୋତା, କାଉନସେଲର ଅଧ୍ୟାପିକା ରଜନୀ ମିଞ୍ଜ,ଜାତୀୟ ସେବା ଯୋଜନା ଦାୟିତ୍ୱରେ ଥିବା ସଂଯୋଜିକା ସୁଶ୍ରୀ ଅନୁପମା ମାଝୀ , ଜାତୀୟ ସମର ଶିକ୍ଷାର୍ଥୀ ବାହିନୀ ଦାୟିତ୍ୱରେ ଥିବା ଶ୍ରୀ ରହିମ ଖରା ତଥା ଜିଲ୍ଲା ମୁଖ୍ୟ ଚିକିତ୍ସାଳୟରୁ ଆସିଥିବା ଏକ ଡ଼ାକ୍ତରୀ ଦଳ ରକ୍ତଦାନ କାର୍ଯ୍ୟ ପରିଚାଳନା କରିଥିଲେ ।ମହାବିଦ୍ୟାଳୟର ଛାତ୍ର ଛାତ୍ରୀ, ପ୍ରାକ୍ତନ ଛାତ୍ର, ଅଣ ଶିକ୍ଷକ କର୍ମଚାରୀ ଓ ଅଧ୍ୟାପକ ଅଧ୍ୟାପିକା ଏହି ଶିବିରରେ ଅଂଶ ଗ୍ରହଣ କରିଥିଲେ । ସମୁଦାୟ 20 ୟୁନିଟ୍ ରକ୍ତ ସଂଗୃହୀତ ହୋଇଥିଲା।